نظــر

حامدکرزی ملکي دی که نظامي ؟

hamid karzai and us special forces

حامدکرزي دپنجشنبې په ورځ په خپله راډیویي وینا کې  په خورا تونده لهجه طالبان له دې امله وغندل چې په فراه کې یې دده په خبره (ملکیان ) وژلي دي .

شاید ځینو به فکر کړی وي چې دکرزي مطلب له ملکیانو څخه عام ولسي افغانان دي ، مګر په هیڅ صورت دنوموړي مطلب   له ملکیانو څخه عام کسان نه شي کیدلای  ، ځکه دا خوټولو ته معلومه ده چې طالبانو دفراه برید داسې مهال پیل کړی وو ، چې شین سهار وو  رسمیات نه وو پیل شوي او هیڅ ملکي په سیمه کې شتون نه درلوده ، بله داچې دبرید ځای هغه مشخصه حکومتي ایریا وه چې دعامو خلکو دګڼې ګوڼې احتمال په کې نشته .

نو چې داسې وي له ملکیانو څخه دکرزي مطلب څوک دي ؟  معلومه خبره ده ، چې حامدکرزی ملکیان یا ملکي خلک خپل هغه دولتي منسوبین او مؤظفین  بولي ، چې ټوپک یې په اوږه نشته ، خو په قلم  او نورو وسائلو دیرغلګرو چوپړ ته ولاړ دي او دخپل مسلمان ملت په وړاندې ددښمنۍ په سنګر کې ناست دي .

دکرزي مطلب دادی چې طالبان باید یوازې دنوموړي  پولیس ، اردو او نورو نظامي عسکر ووژني ، ځکه له دې کسانو پرته  نور دولتیان  ټول ملکي خلک دي ، حامدکرزی فکر کوي ، چې  دنوموړي دحکومت قاضیان او څارنوالان  چې درشوت  اداء کولو لپاره  یې  مظلوم او بې ګناه بندیان خپل بډوګي پلوري او ملکیتونه ګرو کوي هم بې ازاره ملکي خلک دي .

کرزی فکر کوي ، چې خپله  دی هم  څرنګه چې ټوپک نلري ، نو ملکي سړی دی ، چې باید هیڅ هم ورته ونه ویل شي ، دا بیا بیله خبره ده چې ملکي سرمامور حامدخان کرزي صاحب په خپل میرزایي قلم افغان وطن او اولس ته هغه زیان رسولی ، چې ښایي چا په ټوپک هم نه وي اړولی ، هوکې    دا دیوه ملکي مامور حامدکرزي قلم وو چې په توره شپه یې له توراوباما سره  دافغانستان دخرڅلاو تور سند امضاء کړ .

حامدکرزی وایي چې طالبان برناحقه دفراه څارنوالان ، قاضیان ، جنایي آمران او مستنطقین وژني ، ځکه له هغوی سره خو وسله نشته او ټول ملکیان دي ، مګر حامدکرزی له دې ناخبره دی ، چې په فراه کې دنوموړي یو ملکي مامور  دملي امنیت رئیس پخوانی  پرچمي  عبدالصمد دفراه په مظلومو خلکو دظلم او وحشت کوم ډول چپه میچنې چلوي ، دحامدکرزي په باور دفراه  والي اکرم خپلواک هم ملکي مامور  او بې ګناه سړی دی ، هغه اکرم خپلواک چې په پکتیکاکې  یې دطالبانو په نوم نیول شوي متهمین په  وهلو وژل ، او دشهیدانو جسدونه یې په رینجر پورې تړل  .

حامد کرزی عجیبه خبره کوي ، هغه قاضیان چې درشوت کیسو یې افغانستان دنړیوال فساد اتل کړ ، هغه قاضیان چې له ښځینه متهمینو څخه په رشوت کې دجنسي اړیکو او واده غوښتنه کوي ، هغه څارنوالان چې مظلومو متهمینو ته برقي شارتونه  او په اوبو کې د غوپه کولو سزا ورکوي  ، هغه مستنطقین چې بندیانو ته  په اور داغونه ورکوي  او نوکان ترې باسي ،  څرنګه چې دوی په لاس کې وسله نلري نو ټول  ملکیان او بې ګناه دي او باید چې مصئون وي  ، که چیرې دوسلې شتون او نه شتون معیار وي نو بیا خو تاسو هم ملکي یاستئ ، نه پوهیږم څله دومره وېرې اخیستي یئ او دومره  دیوالونه مو له ځانه تاو کړي .

عجیبه خبره ده ، دکرزي قاضیان او څارنوالان   دغزني یو طالب چې یوځل یې داعدام سزا ورته اعلان کړې  ، بیا یې دملی امنیت په جراحانو غبرګې سترګې ترې ایستلي ، مګر له دې سره سره یې د پلچرخي په دوزخ کې دا اوه کاله کیږي چې ساتلی دی ، ترڅو یې په معیوب حالت کې دمرګ او ژوند ترمنځ په سخت حالت وځوروي ، خو هغه ظالمان چې په دې معیوب طالب یې دا حال راوستئ دحامدکرزي په باور سپینې پریښتې  او ملکیان دي .

دحامد کرزي  محلي پولیس اربکیان راولاړیږي  دغزني په اندړو کې دمولوي ذبیح الله په نوم  یوه وتلی او مشهور عالم  او دکلي ملاامام په دې تور  نیسي ، چې ګواکې دطالبانو قاضي دی ، وروسته یې  په سترګو کې په برچو وهي او په سخت دردوونکي توګه یې په شهادت رسوي ، مګر که طالبان دکرزي په برحاله  ، مجرمو او مفسدو قاضیانو اسلامي عدالت پیل کړي ، نو د ملکي خلکو دوژلو تور پرې لګیږي .

کرزی باید په دې پوه شي چې په جنګ کې حلوا نه ویشل کیږي ، هغه چې ستا اژانسونه او راډیوګانې روزانه دلسګونو  لسګونو طالبانو دوژلو خبرونه نشروي هم همداسې انسانان  دي او همداسې وینه لري  ، ښه به داوي چې د مسئلې دبنیادي حل لپاره  د ژړا او احساساتو په ځای دکفري یرغلګرو سره پریکون  او دافغان اولس دتروړلي حق اعادې ته توجه وکړې .

که راشو دملکي او نظامي مأمور مسئلې ته ،  طالبانو تراوسه  خپل نهایي کوښښ کړی چې خپل دښمنان دمضر او غیرمضر په نامه سره وویشي ، طالبان دخپلو اصولو له مخې یوازې مضر اشخاص په نښه کوي هغه که په هر بخش کي وي ، مګر حامدکرزي او امریکایي باداران یې دطالبانو په خوا کې هیڅ ملکي ، نظامي ، وسلوال یا بې وسلې کس ته په  تمیز قائل نه دي ، نوځکه خو چې مطلقا دطالب شک پرې راشي په نښه کیږي ، حتی په ډیرو سیمو کې دکرزي حکومت دطالبانو دکورنۍ غړي او لرې خپلوان هم مجرمین بولي او د دریمه درجه مخالفینو اصطلاح ورته کاروي  ، په داسې حالت کې ګومان نه کیږي چې دحامدکرزي غوندې ملکي  خو مضر اشخاص دطالبانو له هدفه ځان خلاص کړي ، که څه هم نظامي خلک نه وي .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x