نظــر

د سولې له پاره د استاد سیاف د وژلو غوښتنه – پګواش غونډ‌ه

نظرمحمد مطمئن
ليکوال او شناند

د پګواش غونډې لومړۍ ورځ ځینې داسي خبرې وشوې چې اړینه ده افغان ولس ورڅخه خبر شي. خبرې به ګرده مهمې وي، زما له پاره پکې درې داسي ټکي دی چې غواړم ستاسي سره یې شریک کړم.

عمر داودزی چې د پخواني ولسمشر کرزي د دفتر رئیس، پاکستان کې افغان سفیر او بیا وروسته د کورنیوچارو وزیر و، لومړی ځل و چې د طالبانو سره په یوه مخامخ ناسته کې په دوحه کې ناست و.

د ۲۰۱۵ ز کال په ډسمبر میاشت کې ښاغلی محمد عمر داودزی امریکا ته تللی و، هلته یې د امریکا د بهرنیو چارو او ځینو نورو پټو ادارو له مهمو غړو سره ناستې درلودلي.

ښاغلی داودزی هوډ لري چې راتلونکي ولسمشریزې ټاکنې که کیږي یو مهم نوماند به پکې دی وي، له اوس نه یې خپل په ګټه کمپاین پېل کړی، په امریکا کې یې بېلابېلو امریکایې چارواکو ته د نورو خبرو تر څنګ دا هم ویلي ‌وو چې له طالبانو سره نږدې اړیکې لري او د راتلونکې ولسمشر کیدو له پاره به دده له نوماندي سره طالبان هم ستونزه ونه لري. دا ډول یې امریکایانو ته ډاډ ورکړی وو چې له ځینو طالبانو سره په اړیکه کې دی.

ښاغلي داودزي ځینو ځوانو سیاستوالو ته ویلي و چې د امریکا څخه له راستنیدو سره سم به یو لوی دفتر په کابل کې پرانیزي او خپلې سیاسي هڅې به په جلا ډول پېل کوي. ولي کله چې راستون شو مایوس ښکاریدی او امریکایانو ورسره د ده د توقع مطابق ژمنې نه وي کړي، د ښاغلي داودزي نیت و چې د کابل سربیره خپل فعالیتونه ولایتونو ته هم وغځوي.

همدا لامل و بیا نو د حراست او ثبات په نوی جوړښت کې ورسره پاتې او له هغوی سره یوځای اوس د واک له پاره هڅې کوي،‌ په دغه نوی جوړښت کې ښاغلی استاد سیاف او ښاغلی‌ قانوني هم هیله لري‌ چې راتلونکې افغان مشرتابه کې مخکښ وي.

د ښاغلي داودزي سره امریکایانو ځکه په ژمنو کې شرطونه وړاندي کړل، هغوی له بېلابېلا نورو افغان سرچینو سره په امریکا کې اړیکې ونیولي،‌ د داودزي او طالبانو د اړیکو پوښتنه یې ورڅخه کوله،‌ هغوی چې په دي پوهیدل چې د کورنیو چارو پخواني وزیر رابطه نه درلودله او امریکایانو ته یو ډول دغه خبره ناسمه معلومه شوه، اوس به ښاغلی داودزی خپله ټوله هڅه کوي چې امریکایانو ته وښیې چې له طالبانو سره اړیکې لري.

داسي راپورونه هم شته چې د ښاغلی‌ داودزي نوم د پګواش کانفرانس په لومړني لسټ کې نه و، په وروسته وخت کې دغه نوم پکې ورزیات شوی و.

له طالبانو څخه بخښنه غوښتل

خپلې تیروتنې منل او پر خپلو تيروتنو اعتراف کول او بخښنه غوښتل د پیاوړو خلکو کار وي،‌ او همداسي په خپله خبر دریدل هم د ځواکمنو او ازادو سیاستوالو کار وي.

دوحه کې د پګواش دوېمه ناسته کې ښاغلي‌ داودزي د غونډې په لومړۍ ورځ وویل چې طالبان مظلوم واقع شوې پر دوی ظلم شوې، په تیرو ۱۴ کلونو کې بېلابېل مشکلات ورته پېښ او له خپلو کورونو څخه پسي‌ واخستل شول،‌ زه د تیر وخت د کرزي د دفتر درئیس،‌ پاکستان کې د سفیر او کورنیو چارو د وزیر په صفت له طالبانو د حکومت د دغو ناسمو تګلارو له امله بخښنه غواړم.

ښه خو داوه چې د خپل واک په وخت کې یې داکار کړی وای،‌ که بخښنه یې نه غوښتلای اقلا د حکومت د ناسمو تګلارو څخه یې په ځینو وختونو کې یادونه کړي وای. مګر هلته خو دواک او ځواک خبره وه،‌ طالب تروریست او د وژلو وړ و.

ښاغلی دوادزی چې په پاکستان کې سفیر او کله به کابل ته راغی نو د معلوماتو شریکولو په موخه به یې له ښاغلي وحید مژده سره خامخا کتل، حتی څو ځله، خو کله چې د کورنیو چارو وزیر شو او مژده صاحب ته راپیدا شو ستونزو لا هم دوام درلود، هغه هم له دي کبله چې ښاغلی مژده له طالبانو سره اړیکې لري، مژده صاحب چې هرڅومره هڅه وکړه چې دغه پخوانی سړی وویني خو په سیاستوالو باور کول خامي ده،‌ هیڅکله یې دده د وزارت د دندې پرمهال ونه لیدی.

بیا هم چې پګواش کې چې کومې خبرې داودزي وکړي موږ یې پرځای ګڼو چې په خپلو تیروتنو یې اعتراف وکړ، او په اصل کې دا امریکا په راتګ هم نیوکه ده چې هغوی دلته د مظلومو افغانانو د وژلو له پاره راغلي دي.‌

ولي کاش چې په همدې خپله خبره پاتې شوی وای، له همدې خبرې کولو اته ورځې وروسته یې لیکنه وکړه او ویې ویل چې له طالبانو مې بخښنه نه ده غوښتې.

ډاکټر فیض محمد ځلاند په همهغه تالار کې وویل چې کاش داودزي صاحب دا خبره د خپلې دولتي دندې پر مهال کړي‌ وای، او کاش هغه وخت چې پخواني ولسمشر کرزي په قطرکې د طالبانو د دفتر د پرانستلو مخالفت وکړ،‌ په هغه وخت کې یې کرزی له مخالفت څخه راګرځولی وای،‌ که کرزي مخالفت نه وای کړی اوس به مو د سولې اړوند ډیر پرمختګ درلود، او یا خو هغه وخت کې داودزي صاحب د احتجاج په ډول استعفی ورکړي وای او د حکومت په ناسمو تګلارو یې نیوکه کړي وای.

اوس هم کله چې کابل ته ځو امید دی چې داودزی صاحب په خپله خبره پاتې شي او ورڅخه ونه ګرځي، دا ډول نور پخواني او اوسني چارواکي هم وهڅوي چې د حکومت د ناسمو تګلارو اړوند په وخت څرګندوني وکړي. د ځلاند صاحب انديښنه پرځای وه، دادی داودزی صاحب له خپلې خبرې چې تر ۴۰ زیاتو د غونډې ګډونوالو مخکې یې له طالبانو بخښنه وغوښته اوس بیرته په شا شوې. ماته د غونډې ځینو ګډونوالو وویل چې اوس که دوادزی هر څه ووایې دا نو نور هم خپل حیثیت جرحه کوي ځکه موږ شاهدان یو چې ده له طالبانو څخه په روښانو ټکو کې بخښنه وغوښته.

طالبان دي استادسیاف ووژني

د ولسمشر اشرف غني تره قیوم کوچی د خپل وراره له ډیر صفت کولو وروسته او پر طالبانو له توندو نیوکو کولو سره سره یوه د زړه خبره هم وکړه،‌ هغه طالبانو ته وویل چې تاسي ظالمان یاست، بې ګناه خلک وژنئ، بې ځایه جګړه کوئ، ‌حکومت نه شئ نیولای، راشئ له حکومت سره یوځای شئ او زه په خپل وراره ویاړم چې په ډیر مهارت سره یې له ډاکټر عبدالله سره ګډ حکومت جوړ کړ.

ښاغلي کوچي وویل طالبان چې په کابل او نورو ځایونو کې بې ګناه عام افغانان وژني او غټ مجرمین نه وژني‌ دا زموږ له پاره د منلو وړ نه ده،‌ طالبان که رښتیا غواړي چې د افغانانو قاتلین او اصلي مجرمین ووژني نو مهرباني دي وکړي تر ټولو لومړی دي استاد سیاف او د هغه هم مثله ووژني. خينې ګډونوال وایې چې د استاد محقق نوم یې هم واخیست خو دغه نوم بیا نور ګډونوال نه تایدوي یواځي د استادسیاف د وژلو غوښتنه د کوچي له خوا تایدوي.

د طالبانو د هيئت او قطر دفتر مشر ښاغلي‌ شیرمحمد عباس ستانکزي د ښاغلي قیوم کوچي د استاد سیاف د وژلو د غوښتنې اړوند ځواب کې ورته وویل چې: موږ ټولو هغو مجاهدینو کشرانو او مشرانو ته په درنه سترګه ګورو چې پخواني شوروي اتحاد سره یې په جهاد کې برخه اخستي او کمونیزم یې د نړۍ له مخې ورک کړ. استاد سیاف د جهاد د رهبرانو څخه دی هغه له کمونسټانو سره جهاد کړی، موږ به هغه څوک وژنو چې د شوروي د یرغل پر مهال دهغوی غلامان او دهغوی له پاره جنګیدل، په اوس مهال کې د امریکا غلامان او د امریکا د ګټو له پاره له افغان ولس سره جګړه کوي، موږ به د هغو سیکولر کسانو سره هم جګړه کو چې له لویدیځ څخه راغلي‌او په افغانستان کې د سیکولریزم له پاره مبارزه کوي.

ښاغلی کوچی! موږ پوهیږو چې لویدیځ غواړي زموږ او مجاهدینو تر منځ اختلافات لا زیات کړي او غواړي موږ په مجاهدینو او د مجاهدینو مشران په موږ ووژني ، موږ به هیڅکله د مجاهدینو د مشرانو وژلو له پاره د لویدیخ د دغي سیسي ښکار نه شو.

د ملامحمد عمر مجاهد فاتحه

کله چې د طالبانو د هیئت مشر پورته خبرې د پروان ولایت اوسیدونکي او د کرزي په وخت کې د وزارت مرسیتال او د شمال ټلوالي مهم غړي ډاکټر حسام الدین همراز واوریدلي، او مجاهدینو ته د طالب مشر درناوی او له مجاهد سره د میني‌او محبت څخه ډګې څرګندوني یې په داسي یوه مهمه ناسته کې په خپلو غوږو واوريدي هغه ډیر تعجب کاو، د ده سره نږدې ملګري ته یې وویل چې مرد است مرد، طالب مرد است.

هغه نږدې د غونډې بل ګډونوال ته وویل چې د ستانکزي صاحب خبره دي واوریدله چې کوچي ته یې سخت جواب ورکړ او د مجاهدینو ډیر درناوی یې وکړ.

ډاکټر حسام الدین خپل مایک روښانه کړ او نوبت د خبرو هم دده و، هغه وویل چې مخکې له دي چې زه په خبرو پېل وکړم، زه غوښتنه کوم چې کوم ورور د قران کریم څو ایتونه تلاوت او ملامحمد عمر مجاهد ته دعا او دهغه فاتحه له موقع نه په استفاده همدلته واخلو.

هغوی چې د ملامحمد عمر مجاهد د مرګ پر مهال د حکومت مهم غړې و او په کابل او نورو ښارونو کې یې د ملامحمد عمر مجاهد پر فاتحه بندیز لګولی و، همدلته په تالار کې ناست او هیچا هم ددې خبرې مخالفت ونه کړ، د قران کریم ایتونه تلاوت او ملامحمد عمر مجاهد ته د مغفرت او جنت الفردوس غوښته له الله ج څخه وشوه.

پاتې دي نه وي چې د فاتحې د غوښتنې اړوند د پګواش مشر ښاغلی پاولو هم ډیر متحیر و،‌ او هغه زیاته کړه چې عمومي فاتحه او دعا به وکړو.

له دعا او فاتحې وروسته بیا ډاکټر حسام الدین په خپلو خبرو پېل وکړ او د سولې اړوند یې رغنده خبرې وکړي.

د کانفرانس د همدې ورځې د غونډې د پای ته رسیدو وروسته ډاکټر حسام الدین ته ښاغلي کوچي ګوت څنډنه وکړه چې تا یو ناسم کار وکړ،‌ ولي دي په عام تالار کې د ملامحمد عمرمجاهد د فاتحې غوښتنه وکړه.

د خبرو ازادي

په قطر کې د پګواش دوېمه ناسته یو ښه پرمختګ ګڼلای شو، د بېلابېلو افغان شکېلو اړخونو غړو په ناسته کې ګډون درلود، په پوره ازادي سره یې خپل نظرونه، غوښتنې او انديښنې یو له بل سره شریکولي،‌چې له دي جملې څخه د ملالۍ شینواري خبرې هم موږ یادولای شو، هغه خبرې چې د غونډې په ډیرو ګډونوالو ښې نه وي لګیدلي.

د طالبانو د نظام پرمهال یو ځل د لوی اختر د لمانځه د اداء کولو له پاره دخپلې ولسوالۍ عیدګاه ته ولاړم، هلته مې د خبرو له پاره اجنډا داوه چې د ښوونې او روزنې په اهمیت خبرې وکړم، خلک وهڅوم چې خپل اولادونه ښوونځیو ته واستوي او پوهې ته توجه وشي، ولي ولسوال زما څخه وغوښتل چې د تیرو حکومتو د نظامونو په جوړښت هم خبرې وکړم،‌ ما لومړی د ښوونې او روزنې په اهمیت خبرې وکړي، خو دوېمه برخه چې لاهم تر اوسه ماته پښېماني پرې راځي او د ولسوال فرمایش و، زما د خبرو هغه دروندوالی یې متاثره کړ.

ملالۍ شینواري مخکې له تګ څخه د ولسمشر غني باصلاحیته سلاکار ښاغلي ډاکټر اکرم خپلواک وروغوښتله، له هغې سره یې د پګواش کانفرانس اړوند خبرې وکړي او خپل فرمایشونه یې هم ورته ورکړل، شینواري وویل چې طالبانو ښځې مجبورولي چې په چادري کې غوا ولوشي (بیخې لوی تهمت دی)، دیته ورته نامناسبې او له ادبې چوکاټ څخه وتلي خبرې یې وکړي ، هغې ویل زه که مور نه یم،‌ تر اوسه مې واده نه دی کړی خو د مور عاطفه لرم،‌ تاسي د میندو زامن مه وژنئ،‌ دا ډول د خپلو ایمانو د ساتلو په موخه مو ښځو ته له کوره د وتلو او ښوونې او روزنې حق نه ورکاو. د خپل ځان ګناه څخه ساتلو له پاره مو ښځې په کور د کیناستلو قرباني کړي وي،‌ جالبه خبره یې دا هم وه چې که ځینې تلویزونونه ستاسي په آند ناسم پروګرامونه پر مخ وړي مهرباني وکړئ تاسي مه ورته ګورئ ، پدې معنی چې د عامو خلکو فحشا ته د تشویق مخه نیول نو ستاسي دنده نه ده.

د طالبانو ځواب داو چې د ښځو له پاره د زده کړې مصؤن چاپیریال چې د نارینه او ښځو اختلاط نه وي حق لري چې پوهنتون ووایې، ماسټرې او دوکتورا وکړي د اسلامي او کلتوري ارزښتونو په نظر کې نیولو سره خدمت وکړي.

باوري یم چې زما په څیر چې د ولسوال په فرمایش مې یوه برخه خبرې کړي وی اوس هم پښېمانه یم دا ډول به ملالۍ شینواري هم د فرمایشې خبرو په کولو پښېمانه وي‌ او یا خو به په راتلونکې کې پښېمانه شي. مګر هوښیاره میرمن ده د مزمل صاحب خبرو ته یې هم سم غوږ ونه نیو او د حاجی فرید د خبرو پر مهال له تالاره ووتله.

د ناستو تسلسل

د پګواش او هر نړیوال کانفرانس ناستې موږ ته دا چانس راکوي چې خپلې غوښتنې، انديښنې او ګیلې یو بل ته په مخامخ ډول وړاندي کړو، کلونه وړاندي‌ سوال نه پيداکیدی چې د افغان دولت د کورنیو چارو وزیر داودزی، د ماليې پخوانی وزیر شهراني، د مالیې او سوداګرۍ پخوانی وزیر احدي، د لویدیځ په غیږ کې رالویې شوې ځینې افغان میرمنې (چې پښتو او درې یې خبرې نه شوای کولای او په انګریزي یې خبرې کولي)، مدني فعالان او د بېلابېلو نظرونو لرونکې دي د طالبانو سره مخامخ کښینې او خپلې نیوکې دي په مخامخ او توند ډول سره د طالبانو مشرانو ته وړاندي کوي.

د همدې نړیوالو کانفرانسونو نتیجه همدا ده چې طالبان د تیرو کانفرانسونو په پرتله داځل خپلې خبرې ډیرې روښانه او په ۱۳ پاڼو کې یې په بېلابېلو سولې اړوند موضوعاتو بحث وکړ،‌ د ګډونوالو پوښتنو،‌اندیښنو او ګیلو ته یې په حوصله ځواب ووایه.

که دغه ډول ناستې تسلسل پيداکړي باوري یم چې یوه ورځ به بین الافغاني تفاهم د باور لرلو سره پېل او موږ به سولې ته ډیر نږدې شوې یو.

ټاګونه

ورته لیکنې

ګډون وکړئ
خبرتیا غوښتل د
guest
12 Comments
زړو
نویو ډیرو خوښو شویو
Inline Feedbacks
ټولې تبصرې کتل
رفیع الله تبسم

زه خو وایم که چیرے امریکا ووزے نو سولہ کیدلی شے چے پہ یوه ورج
وشے او پہ همغه ساعت کے وشے خو کہ امریکا او ووسے نو هیس کلہ هم شونے نہ حتا تر قیامته پورے جکہ دافغانستان جنگ عقدوے جنگ دے هیس کلہ هم سولہ رتلونکے نه ده ترسو چے امریکا وو

الحاج استا ذ بیانزی

مطمن صاحب السلام علیکم !
ستاسی لیکنی خو الحمدالله ډير وزن لری ، مګردی لیکنی کی درسره ډير توافق نه لرم ، چه تاسی څو مخو پلورل شوو تش په نامه اخوانی جهادی رهبرانو ته په کمونستانو او سکولریستانو ترجیج ورکوی ، دا چه طالبانو څه لیکلی د هغو اوسنی موقف هم دا ایجابوی چه همداسی ووایی ، مګر مونږ او تاسی د هغو په موقف کی نه یو .
د اسلام مطالعی له مخی زما نظر د دوی په اړه دا دی :
وایی د لیوه زامنو کی کوم یو ته ښه او کوم یو ته ناښه ویل شو وایی چه د لویه زوی شو نو بیا څرنګه ورته د ښه ټکی کارولی شو حتی زه ورباندی کمونستان او سکولریستان ښه په دی ګڼم چه هغوی لا وباله خلک وو له اسلامیت څه چه له انسانیت هم لیری پاتی دی ، همدغه غلامی یی فطرت جوړ شوی مګر دغه بی حیا خو د شرعیاتو استادان او مفتیان دی ، سره د پوهی چه څوک د الله چ د دشمنانو سره ودریږی کافرو ته مسلمانان او مسلمانانو ته کافر وایی تر دی به کوم کفر لوی وی ، دغه ږیری خو د سیکانو په مخ هم پرتی دی ، قران دی ډول بدمرغو او ګمراهانو په اړه فرمایی ( د دوی مثال د خرو دی چه اسلامی کتابونه ورباندی بار وی ) یعنی د خرو حیثیت ورکوی خره سربیره چه مسلمانان او علما نه دی حتی انسانیت کی نه راځی نو دوی هم نه یواځی اسلامی علما نه دی بلکه له انسانیته حیوانیت ته اوښتی او خر بیا حیواناتو کی د کم عقلی له امله ډیره ذلیله دی یعنی حیوانات کی هم اسفل سافلین دی ،
ستاسی د ټولی لیکنی درناوی کوم مګر د دغه بر خی سره یی توافق نه لرم څه چه درسره جنګی یم مننه

Shuaib

بیانزی صیب !
زه بیا ستا د دغي تبصرې له ټولو ټکو سره موافق یم ، له یوې برخي سره یې هم جنګي نه یم . دا مو ډېره ښه خبره کړي ، خیر یوسي .
د امریکایانو په دغه ګوډاګۍ ګډوله کې د اسلامي او مسلمانانو په مقابل کې تر ټولو متعصب ، کنجر ، بد ژبی د قرآن او حدیث تحریف کوونکی ، همدا لوی ږیری سیاف منافق دی . لعنة الله علیه و علی أعوانه الی الأبد .

عبدالمالک همت

افغان اسلامي

ګران انجنير صاحب مطمئن او دروند استاد الحاج بیانزي صاحب ته!
مطمئن صاحب دا د طالبانو سره د داودزي لومړۍ ناسته نه ده او داچي داودزي ویلي ‌وو چې له طالبانو سره نږدې اړیکې لري رښتيا وايي. بلکي هغه په کابل کي د مشرو او لويو طالبانو سره پر اړيکو سربېره د لکونو ډالرو شراکت هم لري او ته هم په خبر يې. په دغه سبب به هغه هم دغسي غونډو ته لار لري، هم کېدای سي په انتخاباتو کي د ده له نوماندۍ سره څوک ستونزه ونه لري او هم کېدای سي اوس او په راتلونکې کي تر ما او تا طالبانو ته معتبر وي.
او محترم استاد الحاج بیانزی صاحب!
د استاذ سیاف په باب په يوه غونډه کي چي مطمئن صاحب هم ډېر پکي کیني وړانديز وسو چي استاد سیاف ته به ورسو او زموږ په غونډو کي ګدون ته به يې راوبولو. د غونډي يوه ګډون کوونکي په دغه غونډه کي په دې اړه وويل: د امريکايانو د اشغال په لومړيو کي څو تنه امريکايان د سیاف ملاقات ته ورغله چي د ډالرو يوه بسته ورکړي، خو ځني وېرېدل چي سیاف بد يو نه سي. تر څه خبرو وروسته يې په وهم ولرز د ډالرو بسته ور وړاندي کړه. سیاف د دې پر ځای چي بديوسي يو ډول معنا داره خندا يې وکړه او د ډالرو بسته يې واخيسته او هغو ته يې وښوده چي تاسي هرڅه له ما غواړئ درسره منم يې.
د غونډي بل ګډون کوونکي ورته وويل چی زه سیاف ته هيڅ نه ورځم، ځکه سیاف خدای ګمراه کړی دی او څوک چي خدای ګمراه کړي هغه موږ نه سو پر لار کولای.
ښايي ستانکزي صاحب د قيوم کوچي په جواب کي دغه خبري په دغه ډول مناسبي بللي وي، که نه د طالبانو سره د سیاف دښمني او ضديت او دا څو کاله پرله پسې د طالبانو پر ضد او د اشغال په پلوي د هغه ډول ډول ناروا او د اسلامي اخوت، وحدت او اصولو ضد څرګندوني له هيچا څخه پټي نه دي.
که نه ، که ستانکزی صاحب د تېر جهاد د رهبر په صفت استاد سیاف ته په درنه سترګه ګوري، نو بايد شيطان ته هم په درنه سترګه وکتل سي، ځکه هغه هم لومړی د ډېر ښه عبادت سابقه لري؟!
په پخواکي هم استاد سياف د امريکايانو او د ډالرو لپاره جنګېدی.(د سياف او د ده غوندي نورو دا دومره ډېر شته او جايدادونه له کومه ښول) او تر جهاد وروسته هم د افغانستان د ورانۍ او د جهاد د نوم د بدېدو لامل همدغه سياف او نور د شر او فساد توکي او توپکيان سول او د دوی د ډول ډول تاريخي نارواوو او ظلمونو په وړاندي د طالبانو د را پاڅېدو لامل هم همدغه کسان وه، اوس څه وشول چي دغه د اشغال سرسختو پلويانو او د اوسنيو مجاهدينو(طالبانو) دښمنانوته په درنه سترګه کتل کيږی؟؟؟
په پای کی زياتوم: په دغه غونډه کي ـ چي د يوې بهرنۍ موسسې له خوا جوړه سوې ده او افغانان يې هيڅ واک نه لري – د ګډون کوونکو په اړه باید ووايم چي خلک ډوډۍ غوږ ته نه وړي، په تېره اوس بیا خلک خورا ډېر پوهېدلي دي. په دغه غونډه کي د برخوالو ښه هم پېژني او بد يې هم. ښه خو يې ښه دي او بد يې هيڅکله هم د اسلام، وطن او خلکو په ښه نه وه او نه به وي. په احترام.

افغان اسلامي

افغان اسلامي
افغان اسلامي
ګران انجنير صاحب مطمئن او دروند استاد الحاج بیانزي صاحب ته!
مطمئن صاحب دا د طالبانو سره د داودزي لومړۍ ناسته نه ده او داچي داودزي ویلي ‌وو چې له طالبانو سره نږدې اړیکې لري رښتيا وايي. بلکي هغه په کابل کي د مشرو او لويو طالبانو سره پر اړيکو سربېره د لکونو ډالرو شراکت هم لري او ته هم په خبر يې. په دغه سبب به هغه هم دغسي غونډو ته لار لري، هم کېدای سي په انتخاباتو کي د ده له نوماندۍ سره څوک ستونزه ونه لري او هم کېدای سي اوس او په راتلونکې کي تر ما او تا طالبانو ته معتبر وي.
او محترم استاد الحاج بیانزی صاحب!
د استاذ سیاف په باب په يوه غونډه کي چي مطمئن صاحب هم ډېر پکي کیني وړانديز وسو چي استاد سیاف ته به ورسو او زموږ په غونډو کي ګدون ته به يې راوبولو. د غونډي يوه ګډون کوونکي په دغه غونډه کي په دې اړه وويل: د امريکايانو د اشغال په لومړيو کي څو تنه امريکايان د سیاف ملاقات ته ورغله چي د ډالرو يوه بسته ورکړي، خو ځني وېرېدل چي سیاف بد يو نه سي. تر څه خبرو وروسته يې په وهم ولرز د ډالرو بسته ور وړاندي کړه. سیاف د دې پر ځای چي بديوسي يو ډول معنا داره خندا يې وکړه او د ډالرو بسته يې واخيسته او هغو ته يې وښوده چي تاسي هرڅه له ما غواړئ درسره منم يې.
د غونډي بل ګډون کوونکي ورته وويل چی زه سیاف ته هيڅ نه ورځم، ځکه سیاف خدای ګمراه کړی دی او څوک چي خدای ګمراه کړي هغه موږ نه سو پر لار کولای.
ښايي ستانکزي صاحب د قيوم کوچي په جواب کي دغه خبري په دغه ډول مناسبي بللي وي، که نه د طالبانو سره د سیاف دښمني او ضديت او دا څو کاله پرله پسې د طالبانو پر ضد او د اشغال په پلوي د هغه ډول ډول ناروا او د اسلامي اخوت، وحدت او اصولو ضد څرګندوني له هيچا څخه پټي نه دي.
که نه ، که ستانکزی صاحب د تېر جهاد د رهبر په صفت استاد سیاف ته په درنه سترګه ګوري، نو بايد شيطان ته هم په درنه سترګه وکتل سي، ځکه هغه هم لومړی د ډېر ښه عبادت سابقه لري؟!
په پخواکي هم استاد سياف د امريکايانو او د ډالرو لپاره جنګېدی.(د سياف او د ده غوندي نورو دا دومره ډېر شته او جايدادونه له کومه ښول) او تر جهاد وروسته هم د افغانستان د ورانۍ او د جهاد د نوم د بدېدو لامل همدغه سياف او نور د شر او فساد توکي او توپکيان سول او د دوی د ډول ډول تاريخي نارواوو او ظلمونو په وړاندي د طالبانو د را پاڅېدو لامل هم همدغه کسان وه، اوس څه وشول چي دغه د اشغال سرسختو پلويانو او د اوسنيو مجاهدينو(طالبانو) دښمنانوته په درنه سترګه کتل کيږی؟؟؟
په پای کی زياتوم: په دغه غونډه کي ـ چي د يوې بهرنۍ موسسې له خوا جوړه سوې ده او افغانان يې هيڅ واک نه لري – د ګډون کوونکو په اړه باید ووايم چي خلک ډوډۍ غوږ ته نه وړي، په تېره اوس بیا خلک خورا ډېر پوهېدلي دي. په دغه غونډه کي د برخوالو ښه هم پېژني او بد يې هم. ښه خو يې ښه دي او بد يې هيڅکله هم د اسلام، وطن او خلکو په ښه نه وه او نه به وي. په احترام.

قمری میاخیل

السلام علیکم ورحمة الله برکاته
دوستانو غواړم چه دازل یو پوسټ درته دخوبوپه اقسامو وکړم
الله تعالی د وکړې چه دخوښۍ وړمو وګرځی
دوستانو خوب په څلور قسمه دی
۱-اول -نیغ څملاستل، داخوب دانبیاءکرامو علیه السلام خوب دی چه په دی که دوی دالله تعالی په مخلوقاتو که فکر کوې
۲-دویم -په ښی اړخ باندی ملاسته داخوب بیا دعبادت ګزارو او علماء خوب دی
۳-دریم- په چپ اړخ باندی ملاسته دا خوب بیا دطبیبانو اوبادشاهانوخوب دی
۴-څلورم- دمخ په اړخ ملاسته داخوب بیا دکافرانو او شیطانانو خوب دی
لعنهم الله تعالی علیهم اجمعین؛؛
ستاسی ددعا په هیله
ستاسی وروراوخادم
قمری میاخیل

قمری میاخیل

بسم الله الر حمن الرحیم
السلام علیکم ورحمة الله وبرکاته
د وستانو ځل بیا درسره نبوی ښکلی ډالۍ شریکوم الله تعالی دوکړی چه دخوښۍ وړمو وګرځی
مترجم
الحاج مولوی میامعزالدین قمری
نشر اوترتیب
قمری میاخیل
” 2 “دویم حد یث دفضالة بن عبیدانصاری”رضی الله عنه”نه روایت دی دی وايي مادرسول الله “صلی الله علیه وسلم”
نه اوریدلی دی ویل به یی :
اسلام دری پوړه دی “دری منزله دی ”
اول_ یو ټيټ”اول”
دویم پوړ منځنﺉ “متوسط”
دریم_اوچته پوړ”اخیری”
۱-ټيټ{اول}منزل چه
دی داهغه پوړ دی چه هرچا ویلی دی زه مسلمان یم او دا مسلمان وفات شوی وی په کې داخل دې پوښتنه به ورڅخه کېږي چه مراد ورڅخه عام مسلمانان دي-
۲-دویم-پوړ{منزل}هغه
دی چه په هغې کې فضيلت داعمالو دمسلمانانودی دځینوپه ځينونوروسره (دځينومسلمانانواعمال په ځينونوروباندی غوره دی اوپه دویم پوړکې به میشته وی اودرجات به یی هم یو دبل سره تفاوت لری)
۳-پوړ {منزل} یی اوچت او اخر پوړ دی په نامه دغرفی سره نوجهاد په لاره دالله تعالی که{هغه بهترین اوغوره عمل دی}چې دی درجی ته یوازي دالله دلاری لاروې مجاهد رسوې اوبس
{روایت دطبرانی په معجم کبیرکی۸ |۳۱۸ }

غوربندی

زه غوارم یو وضاحت و کرم خدای وکي همداسي وي،

دا چی ستانکزي صيب د کمونیست قیوم کوچي (د دکتورا بلا دي وروگرزي) غاش ماتوونکي جواب ویلی، او ددي زور شیطان مکر يي له له خاورو سره خاوری کری او له بلی خوا يي د رباني گمراه او متعصب خلف تر دي حده خجل کری چی د مرحوم ملا صيب فاتحه يي واخيسته، یو پر زاي او له حکمته دک سیاست بللي شو، خو دا چی مطمئن صيب د حکایت په ژبه د ستانکزي صيب خبری تکرار کری نو د بيانزي سیب تر تنقید لاندي واقع ده، البته دا وضاحت يي باید کری وای چی که هر سو هم سیاف د اسلام د فدايانو تر جدی تعقیب لاندي دي خو بيا هم د فدايانو سیاسی نماینده قیوم کوچی داسي کوری (چغه) کر لکه سپي.

امین الله امین داودزې

مطمئن صیب، الله دې ژوندې لره!

دا لیکنه او دا ناسته د بریا یوه زینه د سولې په لور بولم الله ج دې په دې ملت باندې ورحمیږي او یوه پایه داره سوله او اسلامي نظام په دې وطن باندې حاکم کړۍ، زه خو په دې آند یم چې هغه سیاسیون چې اسلامي مفکوره، عمل ونلري د هغوې خبرې او ویناوې بې ارزښته دي او ښې پایلې نلري ، د افغانستان اکثره سیاستوال د خپل شخصي کټې لپاره کار کوي نه د وطن د ښیرازي او سولې. نن که چیرې داودزي صیب د خپلو ویناوو څخه مخ ګرځوي دا د شرم ستر مثال دې او همدارنګه کوچې صیب چې د خپل وراره میړانه سرایله دا یوه بله سپکه ده ، رابه شو طالبان ته زما په نظر اول طالبان یو ګروپ ندي دوې ډیرې شاخې لري او هره شاخه ئ ځانته ځانته کار کوي او مختلف نظرونه او کړنې لري ، لمړې طالبان دا ګروپونه په وطن کې خلکو ته وروپیژني چې دا وګړي او ګروپونو زموږ ندي هغه ځکه چې حکومت دا کار نشي کولاې ، بیا به خلکو ته جوته شي چې د امارت کسان څوک دې ، نو بیا به یو لورې معلوم شي ، نو که حکومت سوله کوله ښه او که نې کوله د افغانستان وګړې به خپله فیصله وګړي. د طالبانو څخه دا هیله لرم چې د الله په خاطر د پردو مخه ونیسۍ او د هیواد سرحدونه د پنجابکو څخه وژغورۍ … !

ساپي

قدرمنولوستونكوسلام.
زه به دپتمن بيانزي صيب داسلامي تحليل ترڅنگ دتيرومشرانوكړنه د داسي اشخاصوپه برخه كي ستاسوسره شريكه كړم.
كله چي داسيالوي امپراتوراحمدشاه بابادهند دمسلمانانوپه غوښتنه هندوستان ته ولاړاوهلته دراجپوتانوسره په جگړه ښكيل شووخوكله چي راجپوټانوماته وخوړه نوافغاني فوځ ډيرئ هندوان اومسلمانان اسيركړل نوباباخپل نظامي مخكښ ته سپارښتنه وكړه چي هندوان اومسلمانان سره بيل كړي اواوداسي حكم يي وكړ.
هراسيرهندوته دضروت په اندازه جامي،څپلئ ياچپلكي ،لنگوټې اورخچيني وركړي اومسلمان اسيران ماته راولئ كله چي يي دباباحضورته دغه ټيټ سرې مسلمانان راوستل نوداسي ورته مخاطب شووچي :اي دله گانواودون همتومونږخودقندهارپه دومره ليري واټن كي ستاسودخلاصئ لپاره راغلوترڅوتاسي دهندوانواوسكهانودظلم نه خلاص كړومگربرخلاف موخپلي اوزمونږدنظاميانوويني توي كړي كه هغوزمونږسره جگړه كوله حق يي ول مگرتاسوخوزمونږوروڼه وئ ولي مودخپلو وروڼو ويني عبث دكفارولپاره وبهيولي اونارواء مو وكوله .فلهذاد دوي په هكله يي دسختي سزاء امرصادركړ اوويي فرمايل چي دادراتلونكي نسل لپاره عبرت شي چي مسلمانان سره وروڼه دي اوهميشه بايد دكفاروسره په جگړه كي دخپل ورورڅنگ ته ودريږي دسرغړوني په صورت كي دبابا اواسلامي احكاموپه رڼاكي دكفاروترمخه بايدلارډيانوته سخته سزا وركړشي.
په پښتني درنښت
ساپي

غوربندی

ساپي صیب

ویل کیژي چې سیاف د هندوستان له سکهانو/هندوانو څخه دی، نو پس ستا د تعلیق له مخې باید سیاف صیب ته لنګوټه او ریخچینی عطا کړل شي، ههههه

محمد عبدالله

ورونو خبری دیر سر یی یو دا دسولی خبری ندی دا خوشی تجارت روان دی هرطرف څخه رازو سیاف خو هاغه سړی وو چی هر کله به ویدیوګانو کی خودل کیدو چی بش سره تینګ لاسونه یی ورکړی وو ظاهر شاه ته کافر ویل اخر کی ورته بابا ویل همداسی کار اوهمداسی انجام!!!! او دصف ملګری یی امریکایانو ته ویل چی دابمونه واړه دی لږ غت بمونه واچوی او په کانتینر کانتینر مجاهدین او مهاجرین ددوی له لاسو په دیر ظلم شهیدان شول او نن به خامخا مجاهدان دی توبه یی ویستی کنه ؟؟؟ اوکه داخلک ورسره په یو منزل اویوخط کی واقع شولو اوزمونږ ګراهک او بیپاران دی؟؟ځکه همداسی سوله همدا ایجابوی چی پکی همداسی بحثونه وشی خو رازو یوی بلی نادری خبری ته چی داستاد مزمل په مرکه کی ویلی بعضی خزی دخپلو حقوقو او دافغانو خزو دساتنی (بربادی) لپاره راغلی ول تر څو مجلس کی خپله چنه بازی وکوی او دومره حق ترلاسه کړی دتولو افغانو خزو لپاره لکه امریکن وومن او برتش وومن رایتس هههههه دا نو دیر عجبی قیصی دی سر موګرزی الله دزمونږ پردی وساتی چی سنګه خلکو زان ته راتلونکی خوخ کړی او خپلو راتلونکی نسلونو لپاره خوخ کړی هغه خزه چی حجاب ورباندی فرض ده سورة نور کی ایتونه ا وبیا دا ایت اعوذ باالله من الشیطن الرجیم بسم الله الرحمن الرحیم
يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا (59) احزاب .

نو دلته اوس امریکا او کانادا چی خپله دجنګ ضمه اوپاسداران دارن ول او دی اوس منځګرتوب کوی او خزی هم راولی سولی ته او ورته خیی چی خپل حقوق دی وغواړه کوم حقوق؟؟؟؟ که اسلامی حقوق غواړی هغه خو مونږ تولو ته معلوم ده ضروری نده چی امریکایان او دا دجالی لخکریان مونږ باندی ومنی اما چی انګریزی حقوق غواړی بیا یوازی زانوته هم نغواړی دتولو مومنانو خزو ته همداسی دبیحایی حقوق غواړی چی نرانو سره ګدوله شی او بیا همدی ته اسلامی حقوق نوم هم ورکړی دیر دافسوس خبره ده که کرزی څخه پوختنه وشی نو هیڅکله به ونه وایی چی ماخزو ته انګریزی اوکفری حقوق ورکړی هغه هم وایی مونږ ورته همدا داسلام په رنا حقوق ورکوو حالانکه داسلام دتحریفولو کوشش روان دی ایا مونږ دیته مجبور یو چی دکفارو دخوشحالولو او خوشی تجارتی سولی لپاره داسلام تحریف ته بډ ووهو العیاذ باالله مونږ الله ته پناه غواړو چی دسیاف غوندی ننی حالت انسان ته مجاهد او بیا دخزو سره ددموکراسی پر سر چنی ووهو اومنځکری هم کانادایی او امریکن کافر پاولو کوټا راموسینو وی دیر دتعجب خبره نده؟؟

Back to top button
12
0
Would love your thoughts, please comment.x
()
x
Close
Close