د طالبانو د حکومت تر ړنګېدا ۱۰ کاله وروسته د بامیانو بودا

څو پېړۍ وروسته د بامیانو بودا د افغانستان په مرکزي سیمه کې یوځل بیا رغېږي، او د طالبانو د رژيم تر ړنګېدو لس کاله وروسته د بامیانو بودا د رغولو هڅې ګړندۍ شوې دي .

 

د بامیانو بودا د هندوکش غرونو د لړۍ په لمن کې پروت دی، چې د اسیا ترځمکې لاندې خزانه ګڼل کېږي .

د بامیانو د بودا د مجسمې اوږدوالی ۵۳ مترو ته رسېږي چې د بامیانو د ښار پر بره څنډه پروت دی .

اوس مهال د بودا تر پښو لاندې ټوله سیمه کنډه او کپره پرته ده .

د بودا مجسمې د سوېلي برخې په یوه غار کې د بودا مجسمې ړنګې شوې ټوټې راغونډې کړای شوې، چې لرغون پوهان پرې دا مهال کار کوي .

د بودا مجسمې په ختيځه څنډه کې د هغه د مجسمې د بیارغونې لپاره خوازې درول شوې دي .

د جاپاني لرغون پوهانو یوه ډله دا مهال د بامیانو ښار ته تللې چې د بودا د مجسمې د بېرته رغونې ارزونه وکړي .

هغه کړنګونه چې بودا پرې ولاړ دی، د غارونو په يوې لړۍ کې پروت دی او د بامیانو ګڼې کورنۍ هلته اوسېږي .

په ځینو غارونو کې د ننه د بودا د مجسمې انځورونه کښل شوي، چې د لرغون پوهانو په وینا دا انځورونه د تېلو په وسیله جوړې شوې دي چې مقاومت یې ډېر دی .

د بي بي سي خبریال السټير لیتید په ۲۰۰۸ کال دغې سیمې ته ورغلی او دا ځای یې په نړۍ کې د بودا تر ټولو لرغونې مجسمه بللې ده .

د طالبانو د واکمنۍ پرمهال د بودا لاسونه او ګڼې انځور شوې مجسمې ړنګې شوې دي .

د درېیم بودا مجسمه چې د اوومې پېړۍ په نیمايي کې کشف شوې ده، شاوخوا ۱۰۰۰ فوټه اوږدوالی لري او د درې په غولي پرته ده .

په افغانستان کې زیږېدلی لرغون پوه ډاکټر زلمی طرزی چې د بامیانو په انډیانا جونز هم شهرت لريو دا مهال د بودا د مجسمې په اړه پلټنې کوي او په دې باور دی چې ځينې برخې یې لاهم پټې پاتې دي .

د بامیانو د بودا مجسمې سیمه د شپې مهال په ښکلې منظره کې ګورﺉ .

{youtube}OHg6qmqmPqY{/youtube}

بی بی سی پښتو



تبصره وکړه

ستاسو ایمیل ادرس به هیڅ کله نشر نه شي.