شعـــــرونه

 نعتيه غزل : مشفق حريت مل

مشفق حريت مل

سلام درلېږمه د بل په واسطه محبوبه
کله به زما کړي خدای نصيب د ستا روضه محبوبه

د زړګي څړيکې مې شيبه شيبه زياتيږي پسې
چې مې تر مخ ځي ستا د کلي قافله محبوبه

زما ژوندون لکه خزان څېره مې مړاوې ښکاري
خو ستا درود پرې د سپرلي ښايسته وږمه محبوبه

بيا به زه ونه کړمه سوال د بل نعمت په دنيا
که مې نصيب شوله يو ځلې مدينه محبوبه

پوهيږم يمه ګناهګار خو ربه تانه غواړم
د محمد د وطن ښکلې ننداره محبوبه

مشفقه رب که مهربان شو نو بيا ستونزه نه ده
مسکن به زما وي تل ترتله مدینه محبوبه

۱۳۹۴/۱۱/۱۹ دوشنبه خپله جونګړه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x