مخونه – جبران خلیل جبران

ژباړه او را ټولونه : میوند مجمد جمال

مخونه

ما داسې يو مخ وليده،  چې دهغه زر نور مخونه ول.

ما يو داسې مخ هم وليده، چې د هغه يو مخ  وه لكه هغه چې په يوه قالب كې جوړ شوى وي.

ما يو داسې مخ هم وليده، چې ما د هغه ظاهري ښكلا او مسکا تر شا د هغه پټه بدرنګي او منافقت هم وليده .

ما يو داسې مخ هم وليده، چې كله مې د هغه څخه ظاهري نقاب ليرې كړ، نو په هغه مخ كې ما پټه ښكلا او مينه وليدله.

ما يو زوړ مخ هم وليده چې ډېر كونجې شوى و او د هغه دمخ د كونجو تر شا نور هېڅ هم نه وو او يو ځوان مخ مې هم وليده چې د هغه په تازه او روښانه مخ هر څه رسم شوي وو.

زه مخونه پېژنم او په دې كار كې ماهره يم.

زه مخونو ته د خپل د بصارت په نظر ګورم او زه په خپلو سترګو هغه حقيقت وينم چې هغه د مخونو او څېرو تر شا پټ وي.

د مجنون کتاب ۶۴ مخ .

==========

د ژباړن نا چاپ اثر :

دخلیل جبران غوره لیکنې او ویناوې

څخه