ټولنیزه برخه

بایبل پیژنده (اخري برخه)

لیکنه او څېړنه: عبد الغفار جُبیر

د راهب يوحنا لبناني سره د بايبل په هکله بحث

زه تل د عیسایی علماء سره بحث کوم، کله له دوی څخه معلومات راټولوم، کله پوښتنې ورڅخه کوم، کله دوی پوښتنې راڅخه کوی د اسلام په هکله،چي له همدغو عیسایی علماء څخه یو هم راهب یوحنا لبناني دی، چي و ماته ئې یو عربي بایبل (الکتاب المقدس) د لبنان څخه راولیږی، ددې کتاب په پیل کي می ورڅخه وپوښتل چي تاسی څه نظر لری چي ایا بایبل د خدای کتاب دی؟ نو ده د بایبل درې ایاتونه راته وړاندی کړل او راته ئې وویل چي په دې ایاتو سره موږ ویلای شوچي دا د خدای کتاب دی.

۱- هره صحیفه د خدای د روح د الهام په وسیله ده.
(د تیموتیوس په نوم د پولس رسول دوهم لیک باب۳: ۱۶)
۲- خو لومړی په دې پوه شی چي د کتاب مقدس د نبیانو کلام د څه خبری تاویل د چا په واک کي نه کيږی . (دوهم خط دپطروس باب۱: ۲۰ – ۲۱)
۳-په بایبل کي ډیر ځلی داسی راغلی دي:
خدای و موسی ته وویل، موسی و خدای ته وویل، خدای و یوشع ته وویل او داسی نور…

 ښاغلی يوحنا لبناني ته زما څرګندونې

د بایبل هغه ایات چي تاسی لومړی وړاندی کړ په هغه کي صحیفه ذکر شوې ده،کتاب نه دی پکښې ذکرشوی ، په کوم وخت کي چي پولس رسول دا لیک لیکی نو په هغه وخت کي د بایبل نوې عهدنامه بالکل نه وه،او حتی د عهدنامه قدیم ډیر کتابونه هم نه وو،نو پولس رسول ضرور خبره په صحیفو کي د حضرت ابراهیم علیه السلام او په صحیفو کي د نورو انبیاء کوله، که تاسی دا راته ووایاست چي په هغه وخت کي و حضرت موسی علیه السلام ته منسوب تورات شتون درلودی، نو زه درته وایم چي لومړی پولس رسول دا لیک خپله لیکلی دی او دی دانه وایی چي خدای و ماته الهام وکي او یا روح القدس و ماته وویل، دوهم داچي پولس رسول دا لیکونه په هغه وخت کي د خاصو خلکو لپاره په خاص وخت کي لیکلی دي ده هم دا فکرنه کاوه چي یو وخت دی زما دا لیکونه د بایبل یوه برخه و ګرځي.

ستاسو ددوهم ایات په هکله باید ووایم چي پولس رسول چي کومه خبره کړې ده دا د عهدنامه قدیم په هکله ده، نه د نوی عهدنامې په هکله، بل داچي پولس رسول چي څه لیکل هغه دا په یو خاص حالت کي وو خاصو خلکو ته یې لیکل،دا چي په اوسني بایبل کي (۱۴) کتابونه شکمن دي او ټوله عیسایی نړۍ ته د منلو نه دي او د پولس رسول په وخت کي نوی عهدنامه نه وه موجوده، یعنی (۲۷) کتابونه چي ټول (۱۴+۲۷=۱ ۴) دي نو هلته په بایبل کي څه شی پاتي شول یو څو محدود کتابونه و یهودو ته پاتی شول او هغه هم د پولس رسول څخه په ورستو برخو کي څو څو ځلي له منځه ولاړل.

ستاسو ددریم دلیل په ځواب کي باید ووایم چي دا منم چي په بایبل کي راغلی دي چي موسی و خدای ته وویل، او خدای و موسی ته وویل، یوشع و خدای ته وویل او خدای و یوشع ته وویل او همدارنګه د نورو په هکله،اوس دا دلیل څوک وړاندی کولای شی چي په واقعیت کي خدای دا خبره و موسی علیه السلام او یا هم وبل نبی ته کړیده که یا؟ خپله حضرت موسی علیه السلام او یا هم بل نبی نه دی لیکلی چي خدای و ماته وویل او ما و خدای ته وویل ، دا داسي شوي دي چي د انبیاء کرامو د مرګ څخه ډير وخت وروسته یو نوم ورکي کس لیکلی دي، ده هم له خلکو اوریدلی دی چي فلانکي نبی و خدای ته داسی وویل او خدای بیا داسی ورته وویل، نو و داسی ویناوو ته څنګه موږ ویلای شو چي دا دي د خدای کتاب شي او یا دی هم د پیغمبرانو لیکنه او کتابونه شی حال داچي هیڅ نبی نه دي ورته لیکلی چي دا کتاب مالیکلی دی او یا هم ما لاسلیک او یا مهرکړی دی.

زه غواړم چي ستاسو ددریو ایاتو په مقابل کي درې د بایبل ایاتونه درته روښانه کړم چي بایبل د خدای کتاب او یاهم کلام نه دی. او پولس رسول وایی هرڅه چي زه درته وایم دا زه دخپل ځانه څخه درته وایم نه خدای پاک :

۱- نورو ته هم زه وایم، نه چي مالک که د چا ورور ښځه ایمانداره نه وي او د هغه سره په استوګنه کي راضي وي نو هغه دي هغه طلاقه نه کړي.

(د کورنتیانو په نوم د پولس رسول لومړی لیک باب۷: ۱۲)

تاسی اوس ودې ایات ته وګوری چي پولس رسول وایی چي زه درته وایم نه مالک (خدای)، یعنی دی په دې ځای کي نه وایی چي یا و ماته الهام وشو،یا روح القدس و ماته وویل بلکې دی وایی چي زه درته وایم او دا زما شخصي رأیه ده، نو دا څنګه د خدای کتاب یا کلام کيدلای شي.

۲-څوک چي واده شوی نه وي د هغوی په باب کښې زما سره د مالک څه حکم نشته، خو زه خپله رأیه درکوم لکه څوک چي پرې د مالک رحم شوی دی چي ایمانداره شي.

(د کورنتیانو په نوم د پولس رسول لومړی لیک باب۷: ۲۵)

دلته پولس رسول وایی چي زما سره د خدای هیڅ حکم نشته خو زما رأیه داده چي دا به داسی وي، دلته پولس رسول نه دا وایی چي روح القدس و ماته وویل او یا وماته الهام وشو، نو د پولس رأیه به څنګه د خدای کتاب یا کلام وي؟؟؟

نه هیڅکله نه.

۳- زه چي اوس څه وایم د مالک په طور نه بلکې په بې وقوفۍ سره او په هغه جرأت سره ئې وایم چي په فخر کولو سره وي.

(دویم خط د کورنتیانو په نوم باب ۱۱: ۱۷)

دلته بیا پولس رسول وایی چي زه د خپله ځانه څه وایم او هغه هم په بې وقوفۍ سره نه د خدای له لوری، نو کله چي یوه خبره نه د خدای له لوری وي، نه الهام ورته شوی وی، نه روح القدس ورته ویلی وي او نه هم دوقوف په دايره کي وي نو دا به څنګه د خدای کلام او یاکتاب وي ؟؟ نه هیڅکله نه. نو حقیقت او واقعیت داسی دی چي پولس رسول وایی چي زه درته وایم نو بیا دده وینا دلیل نشی جوړیدلای او بیا د پولس رسول دا خبره منل چي ګني بایبل د خدای کلام دی نو د پولس ټولې ویناوي همداسی دي؛ پاتی شو د پطروس رسول لیکونه،دا لیکونه هم و ځانګړو خلکو ته په خاص حالت کي لیکل شوي دي لکه پطروس چي وایی:
ما په سلوانوس چي زما په خیال کي دیانتداره ورور دی څه لږ شی می ورته ولیکي.

(اول خط د پطروس رسول باب ۵: ۱۲)

او همدارنګه پطروس رسول وایی :

زما وروڼو!، زما خویندو! زما ملګرو! زه درته وایم! او داسی نور… چي په ښکاره دا ور څخه څرګندیږی چي دا هرڅه پطروس له ځانه څخه لیکلی دي، دئ نه وایی چي حضرت عیسی علیه السلام و ماته وویل، روح القدس و ماته وویل،یا وماته الهام وشو او داسی نور…

دا بیله خبره ده، چي خپله عیسایی علماء وایی چي په واقعیت کي د پولس رسول لیکونه د پولس نه دي، او د پطروس رسول لیکونه د پطروس نه دي.

له دې څخه علاوه زه به ډیر ژر په بایبل کي ټکرونه، غلطیانې، تحریفونه،سرګردانه جملې،بې مفهومه او سرګردانه بحثونه ،او نور څه در ولیږم او کيدای شی چي زما په هره لیکنه دي د عیسائیت په هکله و حقیقت ته ورسیږي، د عیسائیت ریښه او ماهیت ښه درته معلوم شي، تاسی خو د بایبل په هغو جملو او فقرو باندی ښه خبر یاست چي تاسی ئې په مذهبي او تشریفاتي مراسمو کي استعمالوئ تر اوسه په ټوله نړۍ کي داسی څوک نشته چي د۲۰۰۰ کلونو راهیسی دي بایبل حفظ وي، بر عکس الحمدلله ثم الحمدلله د قرآنکریم حافظان په هره سیمه کي تر شمار وتلی دي چي دا هم د قرآنکریم حقانیت دي. نو د بایبل په (۳۳۰۰۰) ایاتونو کي دا نشته چي دا دي د خدای کتاب وي، او یادی بایبل خپله ووایی چي زه د خدای کتاب یم.

انجيل برناباس
برناباس څوک دی؟

د برناباس اصلی نوم یوسف وو د سیدناعیسی علیه السلام حواریینو دا نوم(برناباس) ځکه پر کښېښود چي ده ډیر نصیحت او دعوت کاوه (برناباس) یعنی ددعوت او نصیحت زوی، یا مرسته کوونکي چي بایبل وایی:

یوسف نومی یو سړی ووچي رسولانو به ورته برناباس(برنابا) وایه چي معنی ئې مرسته کوونکي، او هغه له اصله د قبرص اوسیدونکي ؤ او د هغه یو پټی وو کوم چي هغه خرڅ کړ او هغه پیسې ئې راوړی او هغه ئې د رسولانو په پښو کي کښېښوولې. (اعمال د رسولانو ۴: ۳۶، ۳۷)

چي بابیل په ښکاره وایی چي هغه څومره د حواریینو سره جوړ او څومره خدمت ئې کاوه، هغه یوه ټوټه ځمکه ئې درلوده هغه ئې هم د الله د رضاء لپاره خرڅه کړه او ددین خدمت ئې پر مخ بیوی. یوه بله خبره د یادونې وړ ده هغه داچي دا لقب ئې ځکه وده ته ورکړل شوچي په دغه وخت کي ده ډیره مرسته وکړه او تر ده زیات دعوت هیچا نه دی کړی دا ځکه چي هر څوک له یهودو څخه په ویره کي وو او هغو واژه، نو ځکه برناباس خاص ارزښت لری.

برناباس له جایداده تېر شو،د خپل مرګ پروائې نه درلوده دا د څه شی له کبله؟ یواځي او یواځی ددین په خاطر نه د شهرت په خاطرنه د دنیا په خاطر او نه هم د بلی دنیوي ګټې په خاطر بلکې د اُخروي ګټې په خاطر ده هرڅه وکړل.

د برناباس تقوا:

خلکو به د برناباس په نامه قربانۍ کولې او خلکو ورته دیوتا وایه، چي دی ورسره مخالف وو له دی کاره سره (اعمال د رسولانو ۱۴: ۱۲)

دیوتا:

په هغه وخت کي چي کله به مشرکانو دخپلو بتانو عبادت کاوه، نو خپل په لاس جوړ شوي بت ته به یې دیوتا(خدای) وایه، داچي برناباس په خلکو کي محبوبیت درلودی د خپلي قربانۍ له کبله نو ځکه ورته دیوتا وایه، چي ده یې مخالفت وکړ، او ویل یې چي خدای یو دی او زه د خدای بنده او یو انسان یم.
برباباس د پولس رسول څخه په تقوا او علمیت کي اوچت وو:

موږ دا فیصله کړې ده چي خپل خوښ کړي نماینده ګان د خپلو خوږو ملګرو برناباس او پولس سره درولیږو، چي دوی خپل ځانونه د عیسی علیه السلام لپاره قربانی کړیدي.
(اعمال د رسولانو ۱۵: ۲۵).

برناباس یوښه سړی ؤ او په روح القدس معموره وو او ایمان ئې مضبوط وو، نو ډیرو خلکو په مالک باندی ایمان راوړ.
(اعمال درسولانو ۱۱: ۲۴).

چي ددې ایاتو څخه ښکاره شوه چي برناباس لکه عیسی علیه السلام په روح القدس معموره وو، ښه سړی وو، او ایمان يي دومره ټینګ وو چي کله به خلکو وده ته وکتل او دده نصیحت به ئې واوریدی نو ایمان به ئې راوړی،

چي په ټولو کي دی یو وتلې څهره وه او خلکو به دده په نامه قربانۍ کولې چي دی بیا ددې کار سره مخالف هم وو

د عیسایانو دارُالتبلیغ انطاکيه وه چي په هغه کي برناباس معلم وو، او ده نصیحت کاوه لکه :
اعمال درسولانو۱۳: ۱ـ ۴)

او هغو برنباس ته زیوس….. وویل.(اعمال درسولانو۱۴: ۱۳)

زيوس څه شی ته وايی؟

اسماني او فضایی دیوتا،دا د دیوتا ګانو تر ټولو لومړی دی،دا چي برناباس ښه قد او قامت درلودی او ښه چهره ئې وه نو ځکه وده ته زیوس ویل کيده.

برناباس په عیسائیت کي خاص نوم او مقام لری، نو ځکه دده انجیل هم د نورو ډیرو انجیلونو څخه غوره او ښه دی، داچي دی د سیدنا حضرت عیسی علیه السلام په ژوند کي تر ټولو ښه نصیحت کوونکی وو نو ځکه دده هره خبره سند ده، دا ځکه چي که چیری ده سمی خبرې نه کولای نو کيدای سی چي بایبل ورباندی پټه خوله وای، او برعکس اوسنی بایبل دده پر ښه والی او غوره والی باندی اعتراف کوی، نو ځکه دده انجیل و اصل انجیل ته نژدی دی

چي دلته په ښکاره سره جوتیږی چي برناباس تر سیدناعیسی علیه السلام څومره ځان قرباناوه، او څومره ارزښت ئې ورته درلودی.

د برناباس انجيل

برناباس یو انجیل ولیکي چي دا انجیل به له ده سره تل ورسره وو کله چي دده قبر و کيندل شو نو دا انجیل له ده سره پروت وو دا انجیل ۱۸ کاله په کلیساؤ کي ویل کيدی او تبلیغ کيدی،دده دا انجیل هغه څه منعکسوي چي په قرآن کریم کي شتون لری، دا انجیل د اوسني عیسائیت خلاف دی،په ۴۹۶ میلادي کال کي راهبانو پر دې انجیل باندی بندیز ولګوی،دا انجیل تر ۱۰۰۰ کلونو پوری د اروپا په کتب خانو کي پروت وو، وروسته یو ځل دا انجیل یوه عیسایی راهب فريميرينو(Fermarino) پیدا کړ، د دوهم ځل لپاره دا انجیل په ۱۲۰۹ میلادی کال کي په ایمسټردام کي و موندل شو چي د اسټریا په شاهی کتابتون کي موجود وو،په ۱۸ پیړۍ کي په هسپانوی ژبه باندی ددې انجیل نسخه و موندل شوه،چي بیا و نورو ژبو ته و ژباړل شو.

انجیل برناباس چي اصلي نسخه ئې په ایټالوی ژبه ده او د اسټریا په پلازمېنه ویانا کي پروت دی دا۲۲۲ فصلونه لري،په دې انجیل کي نه د حضرت عیسی علیه السلام صلیب شته،نه دا پکښې شته چي حضرت عیسی علیه السلام د خدای زوی دی، نه د حضرت عیسی علیه السلام الوهیت شته، نه کفاره شته، نه عشاء ربانی شته او داسی نور… د عیسائیت بنسټیزي عقیدې پکښې نشته.

دا انجیل پر۲۲۵ پاڼو باندی مشتمل دی،او جلد ئې د پوستکي دی،په ۱۸ میلادي پیړۍ کي د برناباس انجیل په هسپانوی ژبه باندی و موندل شوچي هغه۱۲۲ بابونه درلودل، دا نسخه د ډاکترجنک هوس ته په لاس ورغله چي هغه د اکسفورډ کالج غړی ؤ او هغه ددې انجیل ژباړه و انګلیسي ژبې ته وکړه.

تاسی کولای شی چي پوره معلومات د انجیل برناباس په هکله په انجیل برناباس اُردو ژبه کې وګورئ.
پر انجيل برناباس بنديز

د برناباس پر انجیل باندی پاپ جلاشیوس(جلاشیس) په ۵ میلادي پېړۍ کي بندیز ولګاوه،یعنی د حضرت محمدصلی الله علیه وسلم تر راتګ ۱۰۰ کاله مخکي،پاپ جلاشیوس(جلاشیس) وویل که هر چا ددې کتاب مطالعه وکړل هغه مجرم دی ،او دا حکم ئې جاری کړ،خو ځینی کسان لا دا وایی چي دا یوه مسلمان لیکلی دی ،خو دا حقیقت نلري دا ځکه چي دا انجیل لا هغه مهال شتون درلودی چي اسلام نه ؤ،چي پردې باندی انسایکلوپیډیا امریکانا ګواه ده تاسی کولای شی وئې ګوری.

(انسایکلوپیډیاامریکانامخ،۲۶۲ ټوک ۳)

د برناباس د انجيل بله اصلي نسخه پيدا شوه

د انجیل برناباس بله نسخه په ترکيه کي و موندل شوه دغه په طلایی آب لیکل شوې لاسی نسخه چي ۱۴ ملیونه پاونډه قیمت لری ، او د عیسی علیه السلام په خپله مورنۍ یعنی آرامي ژبه لیکل سوې ده ، د ده پخوانۍ ښوونی لری او هم د راتلونکي پیغمبر پیش ګویی پکښی کوی .

دغه کتاب چي د حیواناتو پر پوستوکو لیکل سوی دی ، په کال ۲۰۰۰ کي د ترکي پولیسو لخوا د قاچاقبرانو پر ضد په عملیاتو کي پیدا سوی دی . هغه تر ۲۰۱۰ کال پوری په ښه ټینګه ساتل کېدﺉ ، څو چي د انقرې « د نژادونو څیړنیز موزیم » ته وسپارل سو ، او ډیر ژر به په لږ قیوداتو سره د خلکو پر مخ پرانیستل سی . د دې لرغونی لاسی نسخې د صرف یوې صفحې فوټوکاپي کول به څه نا څه یو نیم ملیون پاونډه وی .

او اوس ئې دا انجیل په ۲۰۱۲ کال کي اعلان کړ دا انجیل ۱۵۰۰ کاله مخکي لیکل شوی انجیل دی، پاپ شپاړسم بن ډيک په رسمی توګه د ترکيې د حکومت څخه غوښتی دي چي دا انجیل له نژدې څخه و ګوری، او دې انجیل دوی هم حیران کړیدي؛ په دې انجیل کي نه تثلیث شته، نه د عیسی علیه السلام الوهییت شته، نه د حضرت عیسی علیه السلام صلیب شته، بلکې د دغه انجیل په متن کي ویل سوي دي چي هغه يو اسقف يعنی پادري ته داسی وويل شول :

هغه مسيح به څه نوميږی ؟

راهب ځواب ورکړ: مبارک نوم يې محمدصلی الله عليه وسلم دی .نړیوالو څیړونکو چي دا نسخه د نژدې لیدلې ده په دې اند دی چي دا نسخه تر اسلام مخکي لیکل شویده،دوی شواهد وړاندی کوی چي د لیکنو، طلایی آب، پوستکو او لیکدود څخه دا په ښکاره جوتیږی چي دا د برناباس رسول انجیل دی، چي ټوله عیسایی نړۍ ئې حیرانه کړې هم ده او ډیر ژر به په نورو ژبو وژباړل شی او په نړۍ کي به خپور شی.

له دې څخه علاوه هغه د برناباس انجیل چي په نړۍ کي شتون لري او په مختلفو ژبو باندی ژباړل شوی دی په هغه کي د فخرالموجودات حضرت محمدمصطفی صلی الله علیه وسلم مبارک په هکله داسی لیکي دی:
په انجيل برناباس کي د فخرالموجودات صلی الله عليه وسلم په هکله رښتنې او سپينې وړاندوينې:

ژر ده چي خدای له دغه یو موټی خاورې څخه یو سل او څلویښت زره پیغمبران په نښه کړی او رسول الله هم په نښه کړی، خدای د رسول الله صلی الله علیه وسلم روح له ټولو ژوندیو موجوداتو څخه مخکي یعنی شپیته کاله مخکي پیدا کړ. دوی ټول پیغمبران راغلل ، خو رسول الله به ژر راشی ځکه چي دغه خدای غواړی چي د هغه لاره برابره کړی.

(انجیل برناباس فصل ۳۶: ۶)

نو خدای انسان ته هغه لیکنه ورکړه، د ښی لاس د ګوتی په نوک چي نص یی (لااله الاالله) دی، او د هغه د چپ لاس په نوک (محمدرسول الله) لیکلی ؤ، نو اول انسان (آدم علیه السلام) دا مچ کړل او پر سترګو ئې و موښل او وئې ویل چي رحمت او سلامتیا دی وی پر تا په هغه ورځ چي ته ودې نړۍ ته راځی.

(انجیل برناباس فصل ۳۹: ۲۴-۲۸)

کله چي آدم پر پښو روان شو نو په هوا کي ئې د لمر په شان یو ځلانده کلمه ولیدل چي په هغه کي نوشته وه(لااله الاالله محمدرسول الله). (انجیل برناباس فصل ۳۹: ۱۴)

آدم علیه السلام وویل: اې خدایه! زه و تاته په دې کلمه سره دعاء کوم، محمد رسول الله. (انجیل برناباس ۳۹)
آدم د جنت پر دروازې ولیدل چي لیکل شوی وو( لااله الاالله محمدرسول الله). (انجیل برناباس فصل ۴۱: ۳۳)
اواز پورته شو او خلکو وویل اې خدایه! خپل پیغمبر ژر راولیږه، اې محمدصلی الله عليه وسلم ژر راشه او دې نړۍ ته نجات ورکه.

(انجیل برناباس فصل۹۷: ۱۸)

کاهن په ځواب کي ورته وویل چي د محمدرسول الله څخه وروسته نور پیغمبران هم راځی؟

حضرت عیسی علیه السلام ځواب ورکي: له ده څخه وروسته حق نبی نه راځي البته د درواغجنو نبیانو یو تعداد راځي.

(انجیل برناباس فصل ۹۷: ۷- ۹)

کله چي د خدای سپیڅلی پیغمبر محمد راشی، نو رسوایی او بدنامې به ختمه شی. (انجیل برناباس فصل ۱۱۲: ۱۶)

کله چي دی (محمدصلی الله علیه وسلم) راشی نو ټول شیطانان به چیغې کړی، او و به وایی چي تر سکروټو لاندی شی او یو د بله به ووایی چي والوځی، او له دغه ځایه څخه زموږ دښمن محمد راځی.
( انجیل برناباس فصل۱۳۶: ۱۴)

حواریینو وویل اې باداره! دا څوک دی چي ته ئې په هکله خبرې کوې او دې نړۍ ته راځی؟ عیسی د زړه په خوښۍ سره ځواب ورکړ چي هغه محمدرسول الله دی، او کله چي هغه راشی نو دا داسی مثال لری لکه چي پر یوه مځکه چي باران وشی او هغه مځکه ډیره ښه میوه وکي او بیا شاړه نشی. (انجیل برناباس فصل ۱۶۳).
په انجیل برناباس کي ۶ ځلی نور هم د محمد صلی الله علیه وسلم نوم راغلی دی، چي دلته پورتنی ایاتونه کفایت کوی. ان شآءالله.

په انجيل برناباس کي ۱۵ ځلی د محمدصلی الله علیه وسلم نوم مبارک راغلی دی، او اشارتاً خو ډېر زیات دی، چي په قرآنکریم کي په همدومره اندازه سره د فخر الموجودات صلی الله علیه وسلم نوم مبارک نه دی راغلی، چي بیا هم عیسایی نړۍ ور باندی سترګې پټوی، او دوی دا وایی چي دا بایبل برناباس نه دی لیکلی او یو مسلمان لیکلی دی، دا ځکه چي د برناباس د انجیل احکام و قرآن ته نژدې دي، او حال دا چي دا انجیل د سیدنا حضرت عیسی علیه السلام یو حواری برناباس لیکلی دی، او د لومړي پاپ جلاشیوس(جلاشیس) په واسطه منع شو، او تاریخ ګواه دی چي لومړی پاپ جلاسیوس د اسلام د ستر پیغمبرصلی الله علیه وسلم څخه مخکي تیرشوی دی، او نه دا انجیل یو مسلمان لیکلی دی او نه يی هم لاس پکښې وهلی دی.

په اوسني بایبل کي هم د حضرت محمدصلی الله علیه وسلم بیان راغلی دی خو تاسی ګران لوستونکي کولای شی چي دا هرڅه په (نبی کریم صلی الله علیه وسلم په بایبل او قرآن کي) کي ولولی.

انجيل برناباس مسلمان نه دی ليکلی

ځیني عیسایی علماء او فاضلان په دې عقیده دي چي انجیل برناباس یوه مسلمان لیکلی دی دا ځکه چي زیات ایاتونه داسی پکښې دي چي د قرآن سره موافق دي خو موږ دلته ډیر دلایل لرو چي انجیل برناباس مسلمان نه دی لیکلی دا ځکه چي:

۱: انجیل برناباس تر اسلام مخکي لیکل شوی دی،او هغه نسخې چي اوس پیداشوي دي او په آرامي ژبه سره دي هغه د نن څخه ۱۵۰۰ کاله مخکي لیکل شوي دي.

۲: په انجیل برناباس فصل ۲۰۹: ۴ کي د ځینو فرشتو نومونه راځی لکه میخائیل، رفائیل او اوریل، همدارنګه ددې فرشتو بیان په (فصل ۲۱۵: ۳)او (فصل ۲۱۹: ۷ ) کي راغلی دی چي دا نومونه په قرآن کریم کي نشته نو که دا لیکوال مسلمان وای نو دا نومونه به ئې نه ذکر کولای.

۳: په (فصل ۲۱۹ اوفصل ۲۲۰) کي راځي چي کله حضرت عیسی علیه السلام و اسمانو ته پورته شو او د فرشتو سره یوځای شو نو بیایی له خدای څخه وغوښتل چي ماته بیرته اجازه راکه چي و مځکي ته ولاړشم چي د خپلی موربی بی مریم علیها السلام او زما د شاګردانو سره یو ځای شم او خدای همداسی وکړل دی ئې د فرشتو په ذریعه و دنیا ته راوستی او دی د خپلې مور او شاګردانو سره یو ځای شو او بیرته و اسمانو ته ولاړی. چي دا واقعه هم د اسلام څخه خلاف ده،په اسلام کي دا نشته چي و اسمان ته تر ختو وروسته حضرت عیسی علیه السلام بیرته و دنیا ته راغی.

۴: په (فصل ۳۱: ۵) کي راځي چي د قیصر حق و قیصر ته ورکړه او د خدای حق و خدای ته ورکړه، چي له دې څخه په ښکاره معلومیږی چي دین او سیاست سره بېل دي دا هم د اسلام خلاف ده، نو ځکه دا کتاب انجیل برناس مسلمان نه دی لیکلی.

۵: په (فصل ۱۰۵: ۳) کي راځي چي اسمانونه ۹ دي، او حال دا چي په قرآن کریم راغلی دي چي اسمانونه ۷ دي، نو ځکه موږ ویلای سو چي دا کتاب مسلمان نه دی لیکلی.
او داسی نور په سلهاؤ توپیرونه یې له ورایه جوت او ښکاري.
مسلمانان بايد د انجيل برناباس په هکله څه عقيده ولری؟

ددې په هکله مستقل یو کتاب لیکل شوی دی د(العقائد الاسلامیة و انجیل برنابا) خو زه غواړم چي ددې کتاب یو څو کرښې دلته راوړم.

انجیل برناباس د اسلام د څلورو غټو عقایدو سره موافق دی:

۱ – سیدناحضرت عیسی علیه السلام د خدای بنده دی، د خدای رسول دی و بل لورته نه حضرت عیسی علیه السلام خدای دی ، نه د خدای زوی دی او نه هم د تثلیث برخه دی.

۲ – فخرالموجودات حضرت محمدمصطفی صلی الله علیه وسلم رسول دی،خاتم الانبیاء دی او یو نړیوال پیغمبر دی.

۳ – حضرت ابراهیم علیه السلام چي خپل کوم زوی ذبحه کاوه هغه حضرت اسماعیل علیه السلام وو، نه حضرت اسحاق علیه السلام.

۴ – حضرت عیسی علیه السلام نه دی وژل شوی،او نه هم صلیب (ځړول ) شوی دی، بلکې دده پر ځای یهودا اسخریوطی ووژل شو.

په دې کتاب کي لس نوری عقیدې هم شته چي د اسلام سره موافقې دي چي دا د اسلام حقانیت دی،خو دلته همدا څلور کفایت کوي،له دې څخه وروسته ددې کتاب لیکوال عبدالحمید خالد سرحان صاحب وایی:

موږ نشو ویلای چي دادي هغه انجیل وي چي پر حضرت عیسی علیه السلام باندی نازل شوی وو، بلکې موږ ویلای شوچي؛ موږ نه ددې انجیل تصدیق کوو، او نه هم ددې انجیل تکذیب کوو.

والله اعلم

دکتاب پای

اللهم انصرمن نصردین محمدصلی الله علیه وسلم وجعلنامنهم
اللهم انانشکرک و نؤمن بک و نتوکل علیک.
سبحان ربک رب العزة عمایصیفون و سلام علی المرسلین والحمدلله رب العالمین

دليکوال چاپ اثار

۱- ماولی اسلام قبول کړ؟
۲- زمامناظره دیوه عیسایی راهب سره
۳- اسلام اونوي ساینسي څېړنې ۱ ټوک
۴- اسلام اونوي ساینسي څېړنې ۲ټوک
۵- اسلام اونوي ساینسي څېړنې ۳ټوک
۶- لیک لارښود
۷- په انګلیسي ژبه کي تلفظ اوبې غږه توري.
۸-سوال ځواب
۹- بایبل پېژنده

دليکوال ناچاپ اثار
۱- دعیسائیت حقیقت
۲- په بایبل کي ټکرونه
۳- په بایبل کي تحریف، غلطیانې اوفحشاء
۴- ایابایبل دخدای کتاب دی؟
۵- اسلام اونوي ساینسي څېړنې ۴ټوک
۶- حضرت محمدصلی الله علیه وسلم دنوروپه آند
۷- حضرت محمدصلی الله علیه وسلم په قرآن اوبایبل کي
۸- حضرت عیسی علیه السلام په قرآن اوبایبل کي
۹- جُبیرقلم
۱۰- دعیسایی اویهودي نړۍ الهام له بایبل څخه

هغه سرچينې چي په دې کتاب کي ورڅخه کاراخيستل شوی دی
۱- قرآنکریم
۲- (احکام القرآن ج۱ابوبکرجصاص رازی،)
۳- بایبل سے قرآن تک (اظہارالحق کااردوشرح )لیکوال: شیخ الاسلام حضرت مولانامحمدتقی عثمانی صاحب
4- بایبل کياهے لیکوال: شیخ الاسلام مفتی محمدتقی عثمانی صاحب، مکتبه دارالعلوم کراچی ۱۴۳۰ هق
۵- اعجازعیسوی، لیکوال مناظراسلام مولانارحمت الله کيرانوی الهندی رح، اداره اسلامیات لاهور
۶- المعجم الوسیط: دارالدعوة مؤسسة ثقافیة للتالیف والطباعة والنشروالتوزیع استانبول – ترکيه- ۱۹۸۹ میلادی
۷- یهودیت، عیسائیت اوراسلام،لیکوال: شیخ احمددیدات،خپرونکي عبدالله اکيډمی لاهور۲۰۱۰
۸- آریانادایرة المعارف، ، چاپ دافغانستان دعلومواکاډمي ددایرة المعارف دمرکزریاست ۲۰۰۸
۹- مرحوم شیخ احمددیدات
۱۰- قاموس الکتاب- لیکوال: ایف ایس خیرالله، خپرونکي: مسیحی اشاعت خانه ۳۶ فیروزپورروډ لاهور۲۰۰۸
۱۱- انسائیکلوپیډیابریټانیکا، ۱۹۵۰
۱۲- کتاب مقدس،(اردوبایبل) بایبل سوسایټی انارکلی لاهور۲۰۱۱
۱۳- کلام مقدس،(اردوبایبل) کاتولیک بایبل کمیشن پاکستان ۲۰۱۱
۱۴- الکتاب المقدس (عربی بایبل)، لبنان، ۱۹۹۵
۱۵- د (اری اسی وی) بایبل چاپ: ۱۹۷۱، ص۔ ۱۲ـ ۱۷)
۱۶- بهیج انګلیسی پښتوسیند
۱۷- دریاب، پښتولغت، مولفین قلندرمومند اوفریدصحرایی، ص۔ ۳۳۷
۱۸- دالله کلام،(پښتوبایبل) درمطبع برټش بایبل فارن سوسایټی لندن ۱۸۹۵
۱۹- تاریخ کلیسا، لیکوال:ډاکترډونلډ ډي سمیټن،خپرونکي:پل ګاسپل اسمبلی آف پاکستان
۲۰- تفسیر هورن چاپ ۱۸۲۲، ج۔ ۲، باب ۲، بحواله اظهارالحق
۲۱- انجیل شریف اول جیبی چاپ ۱۹۹۶
۲۲- انجیل برناباس :خپرونکي اداره اسلامیات لاهور ۲۰۰۳
۲۳- کتاب مقدس(ریفرنس اردوبایبل) پاکستان بایبل سوسایټی لاهور۲۰۱۱
۲۴- العقائدالاسلامية وانجیل برنابا
لیکوال: عبدالحمیدخالدسرحان/ خپرونکي: مکتبة الصحابة الاسلامیة السالمیة- الکویت ۱۹۸۲

25- Easton’s Bible Dictionary
26- Merriam Webster*s Collegiate Dictionary, 10th Edition (2000)
27- Concise Oxford English Dictionary 11th Edition
28- Bible Dictionary
29- Encyclopedia of Christianity.p309
30- Encyclopedia Americana, vol.3.p.612
31- Boyd*s Bible Dictionary, pp.56,82
32- Jesus in His Time, p. 73
33- Flavius Josephus: Antiquities of the Jews, v:11,x:3
34- J.p. Boyd: BibleDictionary, p. 85
35- F.G.Bratton: History of the Bible, p.100
36- The Catholic Bible
37- Encyclo. Brit. (1962)
38- American People*s Encyclopedia. Vol. 3, p. 420
39- Holly Bible, The British and Foreign Society, 146 Queen Victoria Street
40- Concise Oxford Dictionary of the Church, p. 393
41- Bratton*s History of the Bible, p. 122
42- Encyclopedia Britannica- 1946
43- Frank Moore Cross, from Epic to Canon: History and literature in Ancient Israel, Baltimore and London, 1998, pp41- 42
44-how the Bible became a book? pp,124-126,
45-R.E. Clements, God and Temple, Oxford, 1965,pp>89- 95
46-The Original Torah ,pp146-147
47- Akenson ,Surpassing Wonder, pp>229- 243
48- The Bible The Biography: by Karen Armstrog-2009
49- Ezra1:10. Fishbane translation, ibid, p 66
50- Bruns, Midrash and Allegory, pp. 626- 627
51- Fishbane, Garments of Torah, pp 67- 69
52- The invention of the Bible and Talmuds, New york, San Diego and London, 1998, pp. 89-90
53-The Bible The Biography: by Karen Armstrog-2009
54-The History of the Scripture through Ages-2005
55- A Collection of these Gnostic gospels was discovered at Nag Hammadi in Egypt in 1945
56- Fridricksen, Jesus p 19
57- what is scripture?
58- On The Confusion of Tongues
59- What Really Jesus say?
60- The History of the Bibel 1990
61-The Origin of the Bible-1988
62-American People*s Encyclopedia, vol. 3. 420
63- Dr.E.Sellier: Introduction to the Old Testament, English Translation by W. Montgomery, London 1923
64- John Lewis: Religions of the World Made Simple< London
65- Dr.Maurice Bucaille: The Bible, The Quraan and Science
66- The New Funk and Wagnall*s Encyclopedia, New York 1949
67- Stanley Cook: Introduction to the Bible 1956
68- Bratton*s History of the Bible
69- Collier*r Encyclopedia
70- Encyclopedia.Brit 1973
71- New Catholic Encyclopedia
72- Encyclopedia.Brit 1973
73- Encyclopedia Amricana
74- Funk And Waggnall*s Encyclopedia
75- Encyclopedia of Britannica, 13th edition, vol 2. 179l, 180
76- Merriam Webster*s Collegiate Dictionary, 10th edition
77- Practical Combined Dictionary
78- Oxford Advanced Learner*s Dictionary 7th edition (2005)
79- Dr.E.Sellier: Introduction to the Old Testament, English Translation by W. Montgomery, London, (1923), pp. 25/26
80- F. G. Bratton: op. cit, pp , 85, 86
81-Herbert Muller: Use of the Past, p. 89
82- The History of Church, Sec.3, p.311
83- Encyclopedia of Biblica
84- Encyclopedia of Bretaneca
85- Holly Bible (NKJV): Thomas Nelson, Inc. USA 1980
86- Encyclopedia of Religions and Ethics 1917
87- Floyd.H.Ross and Tyentte Hills: op.cit 137
88- Arnold Meyer: Jesus or Paul, London 1909
89-Hammerton: Universal History of the World
90-Encyclopedia of Brit 1962
91- Holly Bible(NKJV),Red letter Bible, Thomas Neslson Bible USA-1982
92- The Bible,Revised Standerd Version, the British and Foreign Bible Society 1952
93- The New American Bible, the new catholic translation
94- Text for the Newtestament/Bruece Metzger)
95- Origion of Scriptures
96- Infallible? (Hans Kung)
97- Is the Bible Word of God? (Dr. Graham Scroggie)
98-Islam and Christianity /Husain Hilmi
printed in Istanbul 2011
99- Is the Bible God*s Word? by Ahmed Deedat2008/ printed: Ministry of Awqaf and Islamic Affairs Department State of Qatar
100- The Bible, The Quraan and Science
By: Dr. Maurice Bucaille
Translated From French by: Alastair D. Pannell and The Author
101- Deseret News Publishing Co. 2003
102 -Our Bible and the Ancient Manuscripts/ Dr. Lobegott Friedrich Konstantin Von Tischendorf, one of the most adamant conservative Christian defenders of the Trinity
103- Kenneth Cragg, the Anglican Bishop of Jerusalem
104- July 6, 2009 — Updated 1628 GMT (0028 HKT/By Richard Allen Greene CNN
105- July 24, 2008 — Updated 1113 GMT (1913 HKT)/ By Ed Payne
106-. Dr. W Graham Scroggie of the Moody Bible Institute, Chicago, a prestigious Christian evangelical mission
107- Prepared by Pastor Aaron Goerner (7/10/2005). See Dt.33:8-10; Ezra 7:10; Malachi 2:7; Matt.13:52; Acts 17:11; Col.1:28,29; 1Tim.4:12-16. (the most embaressing

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x