ادبي لیکنيټولنیزه برخه

لور او مور – جبران خلیل جبران

ژباړه او را ټولونه : میوند مجمد جمال

زه چې په كوم كلي کې  پيدا شوى يم په هغه كلي كې يوه مور او لور اوسېږي چې دا دواړه (لور او مور) په خوب كې د ګرځيدلو په مرض اخته دي.

د پسرلي په يوه ارامه او ښائسته شپه کي چې ټوله دنيا ارامه وه دغه مور او لور  د خوب په حالت كې د خپل کور په باغچه کی چی د مچانو او میاشو نه ډک وه  قدم واهه.

مور په خپل خوب كې لور ته داسې وويل:

اى زما د ښايست دښمنې ! تا زما ځواني تباه كړه، تا زما د عمر په عمارت باندې د خپل حسن عمارت جوړ كړ. كاش! چې زه ستا په وژلو کامیابه شم .

لور هم په خوب کی ورته وويل:

اى د نفرت قابلې او ځان خوښې زړې ! ته زما او زما د ازاد فطرت ترمنځه دیوال  يې او همدا ته یې چې زما ژوند  د خپل رژيدلي ژوند په رنګ كول غواړې، كاش چې ته مړه شې.

كله چې د دغه ښځې لور د دغو خبرو كولو څخه خلاصه شوه، نو په همدې وخت كې چرګ اذان وكړ ، مور او لور دواړه  د خوب څخه را پاڅيدلې اوهمداسی یی په باغچه کی قدم واهه ، مور چی کله لور ولیدله  د مينې څخه په ډكه لهجه یی ورته وويل:

دا ته يې زما د زړه ټوټې؟

لور ورته په مينه ځواب وركړ. هو مور جانې.

 د مجنون کتاب ۱۷ مخ

===========

د ژباړن نا چاپ اثر :

دخلیل جبران غوره لیکنې او ویناوې

څخه

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
احمد

خلیل جبرانه دا هم لیکنه ده چی تا کړی بیا دغوره نوم هم ورکوی۰ نن ټکی اسیا والا وروڼو ته وایم چی داسی بی مفهومه لیکنی مه نشروی زه ستاسو صفه کی داسی ډیری نوری بی مفهومه لیکنی ما لیدلی خو سرلیکنه یی ډیره ښه ورکړی وی سړی متوجی کړی چی سرلیک یی ښه دی راځه ویی لوله کله چی تر یو ځای پکښی لاړ شی ګوری چی هسی اوتی بوتی دی هغه دوخت په ضیاع دسړی خوا بده شی نو زه وایم چی نن ټکی والا ورڼه دی دغسی بی مفهومه بی ارزشه لیکنی نه خپروی ځکه چی دصفحی ارزښت کموی که مطالب درسره کم وی دهغه په ځای ددین خبری ولیکی دصحابه کرامو دکړو وړو مضامین پکی نشر کړی دقران شریف هدایات او نبو ی احادیثو مرغلری پکی ددغه اوتو بوتو په ځای پکی نشر کړی چی مالومات دلوستونکو ډیر کړی او له ویلو یی خوند واخلو درناوی

Back to top button
1
0
Would love your thoughts, please comment.x
()
x
Close
Close