fbpx

د لونګو بوټي-عرفاني

عرفان الله  عرفاني

لټومه  ښايسته  بوټي  د لونګو

ماتومه نور مسکر بوټي  د بنګو

چې  ګلانو پسې  کړې  اقتدا ده

سور ګلاب  دی  خدای  ورکړې  څه  ښکلا ده

چې  سپرلی  شي  په  مسکا نازک  غاټول  شي

په  لېدو يې  زما وران  زړګی  را ټول  شي

بوراګان  وي  او د مينې  يې  مجلس  وي

سپين  شبنم  پروت  په  اوربل  د زېړ نرګس  وي

چې  رامبېل  چمبېل  خورې  خوږې  وږمې  کړي

بلبلان  شروع  د مينې  ترانې  کړي

وچ  چنار به  وکړي  بيا زرغونې  پاڼې

په  کتار کتار به  راشي  ورکې  زاڼې

د بابري  ګل  به  بيا کېږدم  په  پګړۍ  کې

د ريحان  توخم  به  وشيندم  نړۍ  کې

کړم  را جمعه  به  لا لا  او ارغوان  بيا

ترې  به  جوړ کړمه  د مينې  ګلستان  بيا

معطره  کړي  فضا بوی  د سنځلو

وراوې  راشي  د رېديو د سنبلو

لاس  په  لاس به ټول  ياران  سره  بياراشي

عرفاني  به  ورک  جانان  سره  بيا راشي

avatar
  ګډون وکړئ  
خبرتیا غوښتل د