نظــر

ولې د اسلامي امارت ملاتړی یم ؟

قاري حبیب

په دې عصر کې چې الله تعالی راته ژوند راکړئ او د دنیوي ژوند په پړاو یي مبتلا کړی یم،د یوه عاقل،بالغ،مؤمن او مکلف انسان په حیث دا زما دنده ده چې د خپل ژوند لپاره داسې مسیر انتخاب کړم،چې هم مې په دنیا کې د عزت،سرلوړۍ، خپلواکۍ او ددیني مکلفیت د په ځای کولو ضامن وي او هم مې په آخرت کې د الله تعالی په نزد د مقبولیت سبب وګرځي.

په فردي او کورنۍ ژوند سربیره زه یو انسان یم او خلقتا مدني الطبع یا ټولنیز ژوندی ساری یم،زه لکه څنګه چې په خپل فردي او کورني ژوند کې په یو لړ مکلفیتونو مأمور یم، همداسې په اجتماعي ډګر کې هم دالله تعالی له لورې راباندې څه مکلفیتونه لازم دي، زه باید خپل ماحول اصلاح کړم، أمر بالمعروف او نهی عن المنکر وکړم،د الله تعالی ددین د خپراوي او حاکمیت فریضه باید ترسره کړم او له هغو اضرارو او خطراتو سره باید مقابله وکړم چې زما شخصي ژوند، عزت،تدین،کورنۍ حریم، زما راتلونکی نسل او نور ارزښتونه تهدیدوي، هغه له منځه وړي،هغه له دینه پردي کوي او د فساد او فتنو په سیلاب یي لاهو کوي.

د همدې اجتماعي مکلفیت او ضرورت په مبنا پرما لازمه ده، چې دخپل دین، عقیدې او تګلارې نه یوازې ټینګه دفاع وکړم،بلکې د پراختیا ، لوړتیا او حاکمیت هڅه یي هم وکړم.

په دې مې سر خلاص دی،چې که په یوازې سر ددې اجتماعي مکلفیت د سرته رسولو هوډ کوم،نو هڅې به مې عبث وي،ځکه توپانونه او خنډونه ډیر ستر دي،چې فقط ورته په جمعي شکل ځواب ویل کیدای شي،بله داچې زما دین هم راته دا لارښوونه کوي، چې له انفرادیت ځان وساته،د مسلمانانو له ډلې جلاوالی مه غوره کوه، حتی که په کوم عادي سفر روانیږې نو یوازې مه ځه ، ځکه چې شیطان به دې دلارې ملګری شي او له لارې به دې منحرف کړي.

عقل هم راته وایي چې په یوازې که د خپلې عقیدې او فکر ددفاع او پراختیا مبارزې ته را مخکې کیږې، نو هڅې به دې نتیجه ورنکړي،ځکه زما د عقیدې دښمنان خورا ډیر او په اتفاق د جګړې میدان ته رامخکې شوي دي،چې په انفرادي شکل ورباندې برلاسی عقلا محال دی.عرف او تجربه هم راته وایي چې په یوه اوزه جشن نه جوړیږي او نه هم په یوه ګُل پسرلی کیږي.

نو بناء د نقل او عقل په غوښتنه مجبور یم چې د مسلمانانو یوه ډله پیدا کړم، ترڅو ورسره ملګری شم، په نظم کې یي منتظم شم، خپل لاس یي په لاسونو کې ورکړم،ترڅو له هغوی سره په ګډه د مشترک قوت په توسط او د اتفاق او اتحاد په برکت د یوه اغیزناکې مبارزې پر خوا ګامونه پورته کړم.

چې ټولنې ته ګورم، ډلې ، حزبونه او ګوندونه خورا زیات دي، که د کفر ، بي دینۍ،ملت پالنې،ځمکپالنې،نس پالنې او دغسې نورو نامشروعو او ادنی شعارونو درلودونکې ډلې یو مخ له نظره وغورځوم، بیا هم ګڼ شمیر هغې ډلې پر مخه راځي چې له نومونو سره يي اسلامي قید نښتی دی، هغه چې د اسلام شعار او بیرغ له ځان سره وړي او تردې چې هره یوه یي ځان په اسلام او اسلام په ځان کې منحصر بولي.

په دې معاصرو ډلو ژور نظر غورځوم،فکري کرښې او تاریخي کردار یي ګورم،مرامنامې اواصولنامې یي ارزوم،شعارونه یي له کړنو سره پرتله کوم، له ځینو سره یي توافق لرم او له ځینو سره مخالفت؛ خو په پای کې په داسې حال کې چې په نورو ډلو کُلي رد نه کوم یوازې یوه ډله د ځان لپاره انتخابوم. د افغانستان اسلامي امارت.

تاسو ته به پوښتنه پیدا شوي وي چې دا ډله مو ولې انتخاب کړه؟ آیا دا ډله هیڅ نقصان نلري؟ کامله او بشپړه ده او که څنګه؟؟

ځواب دادی چې نن سبا عصر الفتن دی،د آخرې زمانې څرکونه او د قیامت وړې نښې له ورایه ښکاره شوې دي، په داسې زمانه کې د صحابه کرامو غوندې د یوې سل فیصده معصومې جامعې او ډلې پیدا کول، محال او د عصر د مزاج خلاف تمه ده،نو ځکه به په هغه ډله اکتفاء کووچې د نورو په نسبت هم اصیل اسلام ته پوخ تعهد لري او هم یي د عمل په ډګر کې په صراط المستقیم د پاته کیدو ثبوت وړاندې کړی وي. د افغانستان اسلامي امارت ماته همداسې ډله ښکاره شوې چې د خپلې دې مدعا د توضیح لپاره درسره لاندې څو نکات شریکوم.

• اسلامي امارت په عقیدوي برخه کې د اسلام هغو معتقداتو ته ژمن دی او ورباندې ټینګ ایمان لري چې قران کریم یي یادونه کړې او رسول الله صلی الله علیه وسلم خپل امت ته بیان کړي دي،هغه راسخه او برحقه عقیده چې امت یي په منلو او تصحیح اجماع کړې،هغه چې د اهل السنة والجماعة عقیده بلل کیږي،چې له شرک او له ټولو شوائبو یي، له بدعاتو،افراط، تفریط او ټولو شبهاتو څخه منزهه او سپیڅلې عقیده ده او د امت سواد اعظم په خپله پوهه او ګروهه سره پاللې، ساتلې او تراوسه ورته ټینګ اعتقاد لري.

• اسلامي امارت داوسني امت د سواد اعظم او په تیرو څوارلسو پیړیو کې د مسلمانانو د عمده حال غوندې د یوې کوټلي،محدودې او منلي تګلارې تقلید یو ضروري او ناګزیره أمر بولي،ځکه دعوام الناس او خصوصا عجمو استعدادونه ددې وړ نه دي چې له قرآن او سنت څخه مستقیما داسې مطلب فهم کړي کوم چې د شارع اصلي غرض وي،نو ځکه د قرآن او سنت په صحیح فهم کې د خیرالقرون تر ټولو معتبر مجتهد،په مجتهدینو کې تابعي اود اسلامي امت د ترټولو ستر ې کتلې مقتدا امام أبوحنیفه رحمه الله د تقلید وړ او خپل لارښود بولي. خو له دې سره سره اسلامي امارت د ځینو نورو ډلو په څیر مذهبي تعصب نلري،مسلمان ته د مسلمان په نظر ګوري،د څلورو مذاهبو خاوندان همدارنګه اهل حدیث په خپلو صفوفو کې زغملی شي او د خپلو مسلمانو وروڼو په نظر ورته ګوري،فرعي اختلاف ته دومره ارزښت نه ورکوي چې د اسلامي اخوت مضبوطه رشته ورباندې غوڅه کړي او یا دداعش غوندې له سره د مسلمانانو د عقائدو تفتیش شروع او اسلام په ځان کې منحصر وبولي.

• اسلامي امارت له نظریاتي اړخه د کوم نظریه پرداز شخص،عالم، لیکوال یا کوم معاصر محدود تحریکي تفکر تابع نه بلکې یوازې او یوازې د اسلامي شریعت تابع خوځښت دی. د اسلام له سترې او رڼې سرچینې څخه اوبیږي،نو ځکه خو یي تګلارې همیشه د اشخاصو ځاني اجتهادات او خیالات نه، بلکې د اسلام له سوچه لارښوونو عبارت دي.په معاصرو ډلو کې د اسلامي امارت دا یوه استثنا ده چې رجوع یي قرآن، سنت او حنفي فقهې ته ده،نه د کوم معاصر رهبر،امام یا تحریکی لارښود نظریو،کردار او لیکنو ته .

• اسلامي امارت اعتدال ته ژمن دی،د نظر او عمل په ټولو برخو کې یي له افراط او تفریط څخه ځان ساتلی،هیڅکله داسې عجولانه او سرسخته اقدام ترې نه دی لیدل شوی چې په انتقامي او جذباتي موقف ګیرۍ یي دلالت وکړي،همیشه یي له افراط او اضافه روي ځان ساتلی،د وسطیت بیلګه یي وړاندې کړې،نه خو یي کوم اسلامي حکم له نظره غورځولی او نه یي هم د کوم په تطبیق کې بې ځایه اضافه روي او شدت کړی،بلکې مراتب یي تر ډیره حده رعایت کړي دي.

• اسلامي امارت په جزئیت یعني اسلام په یوه عمل کې منحصرولو باندې باور نلري،بلکې اسلام یو کامل او شامل دین بولي چې د معتقداتو او عباداتو نه سوا د معاملاتو،اجتماعي روابطو،سیاست،اقتصاد،تعلیم او تعلم،دعوت،جهاد،تصوف او تزکیې او دغسې نورو د انساني ژوند ټولو برخو ته شمولیت لري،اسلامي امارت په دې هره برخه کې دیني کار او فعالیت ته په درنه سترګه ګوري،ملاتړ یي کوي او هیڅکله یي ورباندې رد نه دی کړی.

• اسلامي امارت لکه په څومره جدیت چې د انسانانو د تدین او اخروي نجات غم ورسره دی همدومره د انسانانو د دنیوي فلاح،پرمختګ، هوساینې، سولې او ثبات ارمانجن هم دی،له همدې امله خو عصري زده کړې هغه چې مسلمانان د کفارو له احتیاجه خلاصوي او د اولس د مادي پیشرفت سبب ګرځي لازمې او ضروري یي بولي،د مشروعې سولې او اسلامي نظام د قیام لپاره په جهادي هلو ځلو سربیره سیاسي هلې ځلې هم کوي ترڅو هغه غوټه چې په لاس خلاصیږي خولې ته یي ضرورت پاته نه شي،اسلامي امارت خپلو مبادئو او علیا اهدافو ته ژمن دی اود تر لاسه کولو لپاره یي په پوره بصیرت او ځیرکتیا سره له ټولو مشروعو لارو استفاده کوي.

• اسلامي امارت د نبوي لارښوونو سره سم له دښمن سره دمخامختیا، په غیرضروري جګړو کې د ښکیلتیا او جنجالونو تمه نه کوي،د رسول الله صلی الله علیه وسلم غوندې همیشه له دښمن څخه د پناه او ځان ساتلو دعا کوي،ددښمنانو د ډیرولو او خپل ځواک د تقسیم شوق نلري،بلکې اولویتونه پیژني،خو که له دښمن سره مقابلې ته ناګزیره او مجبور شي بیا که د امریکا غوندې سوپرپاور هم وي په نره ورسره مقابله کوي او په پوره حوصله او جنګي هوښیارۍ یي داسې رانسکوروي چې ددرست جهان لپاره عبرت شي.

• اسلامي امارت د مصلحت په ستر اصل باور لري او په بیلابیلو مواردو کې یي په هغه فقهي اصل عمل کړی چې د خیر کثیر لپاره شر قلیل تحمل کړي،همدا د شرعي بصیرت اصولو ته ژمنتیا ددې باعث شوي چې دا جهادي خوځښت د بل هر معاصر جهادي خوځښت په نسبت اوږد عمر ژوند وکړي،د بل هر خوځښت په نسبت ډيرې لاسته راوړنې او د مسلمانانو عامه محبوبیت د ځان کړي د اسلامي نظام د قیام بیلګه وړاندې کړي اود الله تعالی په مرسته په خپل جهاد سره د یوویشتمې پیړۍ تر ټولو لویه کارنامه یعني د ناټو اتحاد په شا تمبول دتاریخ په صفحوکې ثبت کړي.

• اسلامي امارت په قومیت،وطنیت،لسان پرستي او نژاد پرستي باور نلري،دا د افغانستان په سطحه یوازینی تحریک دی چې دهر قوم ، ژبې،سیمې او نژاد سره تړاو لرونکي کسان په کې شمولیت لري او پرته له نژادي او قومي تعصباتو د اسلامي ورورولۍ په فضاء کې ژوند کوي.اسلامي امارت د نړۍ په سطحه یوازینی اسلامي خوځښت دی چې د نړی هر مسلمان ته هغه که د هر مذهب،هرې نظریې، هر وطن او هر فکر خاوند وي خو چې مسلمان وي د خپل ورور په نظر یي ورته کتلي، په خپله غیږ کې یي ځای ورکړی،له هغوی سره یي خواخوږي او خیرخواهي ښودلې که څه هم د هغوی لخوا ورسره بالمثله د اخوت چلند نه وي شوی چې یوه بیلګه یي د مصر اخوان المسلمین ګوند دی،په اسلامي امارت امریکایي یرغل وشواو په اصطلاح کوچنی قیامت ورباندې تیر شو خو د مصر اخواني مسلمانانو ورسره لږ غمرازي هم ښکاره نکړه، مګر کله چې د مصر په اخواني مبارزینو باندې کودتاه وشو، اسلامي امارت ورسره پوره غمشریکي وکړه او په رسمي ابلاغیو یي د مصري مسلمانو مبارزینو په خلاف کیدونکی عمل وغانده.

• اسلامي امارت د تکفیر، تفسیق او تقتیل په موضوعاتوکې ډیر محتاط دی،لکه څومره چې د کفارو په مقابل کې سخت او انعطاف ناپذیر دی د خپلو مسلمانانو په وړاندې همدومره له انعطاف او خیرخواهۍ ډکه رویه لري،تراوسه یي په خپل هیڅ مسلمان مخالف د کفر فتوی نه ده کړې،په استخباراتي قتلونو او حذفولو باور نلري، دښمني یي هم د دوستۍ غوندې ډاګیزه او علني ده.

• او بالاخره دا چې اسلامي امارت په معاصرو اسلامي سیاسي/جهادي خوځښتونو کې هغه ډله ده چې د ګفتار او شعار په ځای په عمل اتکاء لري،دې خوځښت تر ټولو لږ خبرې،لږ تبلیغات،لږې وعدې اولږ شعارونه خپاره کړي،خو تر ټولو ډیرې کارنامې او ددین د خدمت عملي حماسې یي جوړې کړي دي.که نورو ډلو یوازې د اسلامي نظام شعار پورته کړی، دوی یي عملي بیلګه له یوې صدۍ وروسته دنیا ته ورښودلې ده،که نورو یوازې ولاء او براء په کتاب کې لوستې اسلامي امارت یي عملي ثبوت وړاندې کړی او د ولاء او براء د پالنې لپاره یي خپل حاکم نظام قرباني کړی که نورو د امریکا او نړیوال کفر په خلاف یوازې د خولې لاپي شاپې وهلي، اسلامي امارت یي عملا ملا ورماته کړې اود څوارلس کلن جهاد په برکت یي رأس الکفر امریکا د غرور له سټیجه راغورځولې. نودا د عمل ډګر دی، دلته امتیازات،عیشونه،شهرتونه،تشریفات او شخص پالنه نشته.دلته یوازې اخلاص او د الله تعالی ددین د خدمت لپاره عملي کار او پیکار ځای لري اوبس .

ورته لیکنې

ګډون وکړئ
خبرتیا غوښتل د
guest
9 Comments
زړو
نویو ډیرو خوښو شویو
Inline Feedbacks
ټولې تبصرې کتل
شبیراحمد عثماني

ماشاءالله قاري صیب ! خپل انتخاب دې دفکر، استدلال او هراړخیزې څیړنې وروسته کړیدی چې دا پخپل ذات کې دمهذبو او معقولو انسانانو تعامل دی. زه ستاسو په لیکنه او داسلامي امارت په تشریح او توضیح غبطه کوم .
ویاړم چې د داسې کاروان ملګری یم چې له هره اړخه دخوبیو مجموعه ده

منیب احمد

هسې خو له کوچنیوالي له دیني عالمانو، مجاهدینو او نیکوخلکوسره مینه لرم، شل کاله مې په اسلامي امارت کې دیو عسکر په توګه داعلاءکلمةالله پخاطرخدمت کړیدی ، اسلامي امارت او اصولو ته یې بې حده احترام لرم خو ددې لیکنې له لوستلو وروسته مې داسلامي امارت سره مینه لس برابره نورهم اضافه شوه ډیرخوشحال شوم چې په یوه داسې ډله کې تنظیم شوی یم چې عندالله او عندالناس امتیازي خصوصیات او ځانګړنې لري.
دوعا کوم چې الله تعالی دې زما حشر ددیني علماوو، شهیدانو او او صادقینو سره وکړي.

melatt yar

ماشاءالله…
جزاك الله احسن الجزاء… شكراً لك

محمد عبدالله

قاری صاحبانو السلام وعلیکم ورحمة الله وبرکاته اول رازم چی دمغرور امریکا اوتقریبا تول عالم کفر (دجالیان) مقابله دیو سو تش لاسو مسلمانانو (عراق،افغانستان)افغانی وغیر افغانی مسلمانانو په همت او قربانی او دالله ج په خاص نصرت ظالم کفار شکشت ته نږدی شول اومونږ دعا کوو چی الله ج دتولو مسلمانانو خالص عملونه قبول کړی او د اسلام دلاری تولو شهیدانو شهادتونه قبول کړی اوجنتونه یی ځای وګرزوی دا خبری ماضی وو او دامارت تیر شوی پالیسی او تاریخ په باره کی دا ووایم چی بدون له شکه چی په افغانستان کی ددوی صف کی دیر بزرګان او قربانی ته… نور لوستل »

منیر

تول دلائل دی داسلام اودخلافت دبدنامولودفاره لیکلی اودتاتول ملگری داعشیان اواربکیان دهمدی لفاره هلی زلی کوی فه اخرکی دومره درته وایم چی یوه فتنه ته هم یی اوته خفل دریزمسلمانانوته خه فه وازح دول ووایه چی ته سوک اودچافه بیعت کی یی بیابه سره خبری کوو

محمد عبدالله

منیر خانه ته ددنیا او دجهان الف با او بیا دشریعت په اصل نه یی خبر او بیادالله ج لخوا رالیږل شوی تولو پیغمبرانو په دعوت نه یی خبر او دمنع کړل شوی شیانو باره کی معلومات نلری او ددنیا په فتنو او دشیطان په مکرونو نه یی خبر ته دخپل دخیتی غم کوی نور دسه نشته درسره ##############راتلونکی وقت دتولو شیانو فیصله کوی پخپلو سترګو به ووینی دا کوم اسلام چی ته غواړی دا دکفر په مهربانی تراشل شوی اسلام ده او کفر ته تسلیمی ده لکه نوازی اوعبدالقدیری لالا دی

الحاج استاذ بیانزی

د اسلامی څیړنو ، ارزونو او اسلامی سیاسی پوهی له مخی د خلافت ارزونه : خلافت د قیامت او یا غیر قیامت پیش بینی شوو نښو په شان یوه پیش بینی شوی راتلونکی دوره نه ده چه تر اوسه نه وه وروسته به راځی یا مخکی نه وه نو ختمه شوه . خلافت په لغت کی نیابت او اصطلاح کی اسلامی نظام ته وایی چه هغه له فرده ، کورنی ، کلی کور قوم قبیلی ، هیواد او تر نړۍ رسیږی یعنی هر انسان په ځانګړی ډول مسلمان انسان باید ژوند ټولی جاری د اسلامی اصولو لاندی جاری او خوندی… نور لوستل »

منیر

محمدعبدالله سی تخیژی دی نه هغه زایی ولی گروی مافقط دومره درته وویل چی ته دچافه بیعت کی یی زه خوهمیشه وایم چی زنده آباد امیرالموءمنین الملااخترمحمدمنصورحفظه الله

غلام ولی

مننه

Back to top button
9
0
ستاسو نظر مونږ ته دقدر وړ دی، راسره شریک یې کړئx
()
x