نظــر

فاروق وردګ یوولس کلن راز افشاء کړ

له تیر یوولسو کلنو راهیسې  په افغانستان کې ځیني داسي پیښې ترسره کیږي چې بې طرفه صاحبنظران ورته مرموزې پیښې وایي ، مثلا دهیواد په لراوبر کې ښوونځي سوزول کیږي ، کله ناکله په ولسي سیمو او له ګڼې ګوڼې ډکو ځایونو کې چاودنې کیږي ، عام المنفعه  تاسیسات لکه کلینک ، پول ، مسجد او نورې ودانۍ په مرموزه توګه تربریدلاندې نیول کیږي ، دنجونو په مخ تیزاب شیندل کیږي او داسې نورې نادودې او بوږنوونکي پیښې رامنځته کیږي 

 

دا ډول پیښې چې په عامه نظر کې مرموزې اوله  شکوکو ډکې بلل کیږي ، واکمن رژیم ، امریکایان ،  په ځانګړي ډول وطني ، سیمه ایزه او نړیواله غرب پلوه میډیا یې شکمنې پیښې نه بولي ، بلکه بې له دلیله دداډول  ټولوپیښو  دمسؤلیت بوج دمجاهدینو په اوږه اچوي ، هره پیښه دطالبانو کار بولي ، او دطالبانو  دعملیاتو یوه مهمه برخه یې ګڼي  ، چې له همدې ځایه بیا دوی  طالبان د وطن دښمنان هم بولي ، او دخپلې مدعا داثبات لپاره دغه ډول بوږنوونکي او ناموجهه پیښې ددلیل په توګه وړاندې کوي .

خو طالبان  چې همیشه یې له دغه ډول کړنو څخه بیزاري اعلان کړې او په سخته یې غندلي دي ، دا چې دیوطرفه میډیا له وجې یې رښتینی غږ  د دښمن ددروغجنو تبلیغاتو په شور کې نه اوریدل کیږي ، په سمه توګه نه شي کولای  دغه  الزامات له ځانه دفع کړي ، مګر څرنګه چې وایي حقیقت  هیڅوک نه شي پټولای ، بلکې که دلږ وخت لپاره یې پټ هم کړي ، یو وخت ضرور ځان ښکاره کوي ، په دې مورد کې لږترلږه دیوې  پیښې په اړه حقیقت تیره ورځ په بشپړه توګه روښانه شو او هغه چا چې پخوا یې دداسې پیښو دمسؤلیت پیټی دطالبانو په اوږه اچاوو ، خپله یې اقرار وکړ ، چې دا پیښې رښتیني نه بلکې هسې مصنوعي ډرامې دي .

دهیواد په لراوبر کې د متعلمینو نجونو  دمسمومیت مسئله یوه  له هغو مرموزو پیښو وه ، چې  چارواکو او غربي میډیا ترې تیر یوولس کاله  ښه په خرپ دطالبانو په وړاندې په تبلیغاتو کې استفاده وکړه .

دا ډول پيښې چې دهیوادپه مختلفو سیمو کې رامنځته کیدلې ، او میډیا هم خورا پراخ انعکاس ورکاوو ، او هرځل یې  په طالبانو تاوانولې ، خو طالبانو ترې انکار کاوو ، ایله تیره ورځ په   ۲۰۱۳/۵/۸ م نیټه باندې معلومه شوه  چې اصلي کیسه څه ده ، او ددې پیښو مسؤلیت دچا په غاړه دی ؟؟

دکرزي دمعارف وزیر فاروق وردګ چې پرون چهارشنبه یې په هیواد کې د ۷۰ ښوونځیو د جوړولو دتفاهم لیک دامضاء کولو په مراسمو کې خبرې کولې ، خبریالانو ته  یې وویل چې له تیرو څو کلونو راهیسې ددوی دهراړخیزو عدلي ، جنایي ، طبي او تحقیقاتي پلټنو په ترڅ کې معلومه شوې ، چې د مکاتبو د ښځینه زده کوونکو دمسمومیت ټولې پیښې جعلي  او دروغ دي او هیڅ  واقعیت نلري .

فاروق وردګ  په همدې اساس  متحدالمال  ګواښ وکړ ، چې که بل ځل یې په کوم ښوونځي کې دمسمومیت ډرامه ولیده ، نو ټولو ‌ذیدخلو  زده کوونکو ، ښوونکو ، د ښوونځي مدیر او نورو کارکوونکو ته به سزا ورکړي .

فاروق وردګ وویل (وزارت معارف سمپل خون از این( شاگردان مسموم شده) را به تمام شفاخانه های افغانستان و جهان فرستاده و هیچ نوع ماده سمی  و زهری  را کشف نکرده است )

فاروق وردګ وویل  حداقل په یوه مورد کې هم دوی نه دي موندلي ، چې مسمومیت دې واقعي وي ، که چیرې دنجونو دمسمومیت  خبرې واقعیت درلودلی ، باید لږترلږه په یوه مورد کې خو  طبي معایناتو ثابته کړې وای ، چې مسمومیت رښتینی دی ، خو تراوسه دوی داسې هیڅ شواهد نه دي موندلي .

دپوهنې وزارت ویاند کبیرحقمل بي بي سي راډیو ته وویل چې اکثره وخت نجونې دنورو لخوا تلقین شوي  چې دوی مسمومې دي ، چې دې تلقین ددوی په روان یوه شیبه اغیز کړی او وروسته بیرته ښې شوې دي ، خو دې خبرې ته وروسته مطبوعاتو پراخه  توجه کړې ، او ډیره یې تبلیغ کړې .

د فاروق وردګ لوړ اعتراف  او د جزاله ګواښ څخه څرګندیږي ، چې نوموړی په خپلو پلټنو بالکل باوري دی ، چې په دې سره نور هغه راز،   راز نه دی پاتې چې له تیرو یوولسوکلنو راهیسې یې افغانان حیران کړي وو ، او هرچا داپوښتنه کوله  چې د ښوونځیو نجونې ولې مسمومیږي .

په دې ډول له یوولسوکلونو وروسته دغربي مطبوعاتو او دهغوی  دکرایه شوي دروغجنو خبریالانو  خولې هم په خاورو وموښل شوې ، هغه خبریالان چې دهر مسمومیت  دپړې ګوته یې طالبانو ته نیوله او ډیر ځله خو یې دچارواکو په مشوره  له ځانه خودساخته  شواهد هم ورسره ملګري کول .

په نوي نړۍ کې تبلیغاتي جنګ  دپوځي جنګ په نسبت مؤثر بلل کیږي ، ویل کیږي چې یوویشتمه پیړۍ به دتبلیغاتي جنګ پیړۍ وي ، نړیوال کفري استعمار چې په افغانستان کې ګیر دی ، په پوځي جنګ سربیره یې دمجاهدینو په خلاف پراخ تبلیغاتي جنګ هم روان ساتلی ، هغه څه چې په تبلیغاتي جنګ کې خورا مهم بلل کیږي ، د مخالف لوري په خلاف دتبلیغاتو لپاره خام مواد دي ، امریکایان چې دطالبانو په خلاف دتبلیغاتو لپاره کوم واقعي څه نه لري ، نو ډیر ځله په دسیسه ، منافقت او دروغو سره  خپلو تبلیغاتو ته خام مواد پیدا کوي ، دنجونو دمسمومولوډرامه دغربیانو او دهغوی داجیرانو یوه له مهمو دسیسو څخه وه ، چې همیشه یې یې غربي مطبوعاتو دپړې ګوته طالبانو ته نیوله ، خو اوس لله الحمد دا راز افشاء شو، چې دې پیښو هیڅ واقعیت نه درلود ، بلکې یوازې دغرب دمطبوعاتي اجیرانو ډرامه  وه ، ان شاءالله په راتلونکې کې به دا رازونه هم افشاء شي چې  ښوونځي څوک سوزوي ، ملکي خلک څوک وژني ، پلونه او روغتیایي تاسیسات څوک ورانوي او داسې نورې  مرموزې پیښې ، دا جنایات به ځکه افشاء کیږي چې حقیقت هغه لمر دی ، دازادۍ ، ډیوې ، مشال ،  امریکا غږ ، بي بي سي ، سي این این ، نیویارک ټایمز او نورو رسنیو غوندې  نقابونه یې نه شي پټولی .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x