افغانستان

جوزجان : ۹ تنو اربکیانو خپل قومندان مړ کړ او بیا طالبانو ته ورغلل

د جوزجان ولایت  دقوشتپې ولسوالۍ څخه ورکړل شوی خبر وایي ، چې تیره شپه ددې ولسوالۍ په  ترکمني سیمه کې دیوې پوستې  ۹  تنو اربکیانو خپل قومندان وژلی او وروسته ټول دطالبانو سره ملګري شوي دي .

خبر وایي  دپوستې قومندان شاه محمد نومیده ، چې خپلو ملګرو یې په پټه  ورته سلا کړې ، د جمعې په شپه ۳ بجې یې نوموړی ویشتلی او وروسته یې دپوستې له ټولو لوازمو سره  دطالبانو سیمې ته ځان رسولی او خپل ټول وسائل یې طالبانو ته سپارلي .

په خبر کې راغلي چې  دغو اربکیانو طالبانو ته ۹ میله کلاشینکوف ، یو خفیف ماشیندار ۵ عرادې موټرسایکل  ، څو پایې مخابرې  او نور ډیر مهمات او وسائل له ځانه سره راوړي او طالبانو ته یې سپارلي .

په دې وروستیو کې  دهیواد په مختلفو سیمو کې دامریکایانو له تیښتې وروسته یې  په ځایناستو اربکیانو هم سخته بلوا ګډه ده ، ددوی له منځه  هغه چې خدای یې اخیره نه وي خطا کړې ، ډلې ډلې طالبانو ته تسلیمیږي او طالبان هم خپل ددعوت او ارشاد دلارښود له مخې ورسره خورا له  عاطفې ډک چلند کوي او د سراومال او دتحفظ  ضمانت ورکوي .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x