۞ تل د الله تعالی ذکر کوه!

الله تعالی وایې:

﴿ أَلاَ بِذِكْرِ اللّهِ تَطْمَئِنُّ الْقُلُوبُ ﴾
” همدا د الله یاد هغه شی دی، چې په هغې سره زړونو ته اطمینان ور په برخه کېږی. ”

﴿فَاذْكُرُونِي أَذْكُرْكُمْ﴾
” له دې امله تاسې ما یاد کړئ، زه به تاسې یاد کړم. ”

﴿ يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً{۴۱} وَسَبِّحُوهُ بُكْرَةً وَّأَصِيلاً ﴾
” ای مومنانو! الله تعالی ډېر ډېر یادوئ، او سهار او ماښام د هغه تسبیح کوونکی اوسئ. ”

﴿ يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ ﴾
” ای مومنانو! ستاسې مالونه او اولادونه دې تاسې د الله له یاد نه غافل کړی. ”

﴿ وَاذْكُر رَّبَّكَ إِذَا نَسِيتَ ﴾
” که په هېره سره دې دغه ډول خبره له خولې نه ووځی، نو سملاسی خپل رب یاد کړه. ”

﴿ وَسَبِّحْ بِحَمْدِ رَبِّكَ حِينَ تَقُومُ{۴۸} وَمِنَ اللَّيْلِ فَسَبِّحْهُ وَإِدْبَارَ النُّجُومِ ﴾
” نو د خپل رب د ثنا ستاینې سره د هغه په پاکۍ سره یادونه کوه، د شپې هم د هغه پاکی بیانوه او کله چې د شپې په پای کې ستوری راګرځی، په هغه وخت کې هم. ”

﴿ يَا أَيُّهَا الَّذِينَ آمَنُواْ إِذَا لَقِيتُمْ فِئَةً فَاثْبُتُواْ وَاذْكُرُواْ اللّهَ كَثِيراً لَّعَلَّكُمْ تُفْلَحُونَ ﴾
” ای مومنانو! کله چې له کومې ډلې سره ستاسې مقابله وی، نو کلک ولاړ اوسئ او الله تعالی ډېر ډېر یادوئ، هیله ده چې تاسې ته به بری در په برخه وی. ”

او په صحیح حدیث کې راغلی چې:
” د الله تعالی ذکر کوونکی خلک د ژوندی او له ذکر نه غافل خلک د مړی مثال لری. ”

همدارنګه یو ځل رسول الله ﷺ وویل:
” (مفردون) به تر ټولو مخکې جنت ته ننوځی.
چا پوښتنه وکړه: ای د الله رسوله! مفردون څوک دی؟
رسول الله ﷺ وویل: هغه سړی او ښځې، چې الله تعالی ډېر ډېر یادوی. ”

په یوه بل صحیح حدیث کې راغلی، چې رسول الله ﷺ وویل:
” ایا تاسې ته تر ټولو غوره عمل ونه ښایم، هغه چې الله تعالی ته ډېر خوښ او تاسې ته هم د سرو او سپینو زرو تر خیراتولو او د جګړې په میدان کې د دښمنانو تر وژلو غوره دی؟
صحابه وو رضی الله عنهم عرض وکړ: ای د الله رسوله! ضرور یې راوښایه!
رسول الله ﷺ وویل: تل د الله تعالی په ذکر او یاد کې اوسئ. ”

دغه راز په یوه صحیح حدیث کې راغلی:
” یو سړی د رسول الله ﷺ خوا ته راغی، او ویې ویل: ای د الله رسوله! د اسلام احکام ډېر دی، او زه سپین ږیری یم، داسې یو عمل را وښایه چې منګولې پرې ښخې کړم.
رسول الله ﷺ ورته وویل: تل د الله تعالی ذکر کوه. ”