افغانستان

پروان کې سرتیري برید د اربکیانو مشهور قومندانان وژلي

نن ټکی اسیا (دوشنبه، کب ۳مه، ۱۳۹۴ ل): د پلازمېني کابل په شمالي ولایت پروان کې سرتیري برید د اربکیانو د قومندانانو په ګډون ۱۳ تنه وژلي او ځیني نور یې ټپيان کړي دي.

سرتیری برید نن تر غرمې وروسته شاوخوا درې بجې د سیاګرد ولسوالۍ په مرکز کې سوی، د برید هدف په سیمه کې د اربکیانو قومندان مشتاق وو چې د برید په پایله کې وژل سوی دی.

د پروان امنیه قومندان محمدزمان مموزي رسنیو ته په خپلو خبرو کې وویل چې برید د سیاګرد ولسوالۍ په مرکز کې یوه روغتیایې کلینک ته نژدې سوی، نوموړۍ وایې چې په برید کې ۲۶ کسانو ته مرګ ژوبله اوښتي.

د طالبانو ویاند ذبیح الله مجاهد د پېښي مسؤلیت منلی، نوموړۍ وایې په برید کې د سیمي په کچه مشهور اربکی قومندان مشتاق، د هغه معاون او دوه نور قومندانان د خپلو ۱۲ ساتونکو سره وژل سوي دي.

مجاهد زیاتوي چې تر برید وروسته اربکیانو په سیمه کې په ولسي خلکو ډزي کړي او څلور تنه یې وژلي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x