شعـــــرونه

بدل سړي

  دګران افغانستان په جنتي زمکه يرغل دی
    دکفر دلښکرو نن زما په کور غوبل دی

    پاچا مو هم په ډيرو نومياليو کې ياديږي
    څوک وايي شا شجاع دی او څو ک وايي چې کارمل دی

    دا چا ويل چې کافر زمونږ ټپونو ته دوا ده
    دا دروغ دي دهمدوی له لاسه اور په مونږه بل دی

    دا دومره پرمختګ ټول دهمدغوی برکت دی
    هر خوا ته اختلاس دی او هريو چارواکی غل دی

    ډير خلک دلته شته دي چې مرګی ورته ضرور دی
    دا ولې لرې شوی نن له دې خلکو اجل دی

    عجيب غوندی دوران دی ډيرو سمه لاره پرېښوه
    پرون وه مجاهد خو نن غلام دی او بدل دی

    نن بيادګران وطن له کوم يو غم نه خبرشوی
    مشفقه چې نن مړاوی او خفه ستا حريتمل دی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x