روغتیا

ډيره مالګه خوړل «ینې» ته ضرر رسوي

نن ټکی اسیا (جمعه، کب۷مه ۱۳۹۴ل): عام ډول باندې مالګه د وینې د فشار لوړولو لامل ګڼل کیږي خو اوس طبي پوهانو د مالګې ډير استعمال یو بل تاوان هم څرګند کړی دی.

د چین جنان پوهنتون یوې څېړنې ښودلې چې د مالګې ډیر استعمال د فشار لوړولو سربېره د ډير عمر کسانو ینې ته هم ډير تاوان رسوي.

څېړونکي وايي چې د انسان بدن ته د لږې مالګې اړتیا وي او د امریکا حکومت له همدې کبله صحت مندو کسانو ته په ورځ کې د چای د یوې کاشوغې په اندازه د مالګې خوړلو وړاندیز کوي.

په مالګه کې موجود «سوډیم» د نورو چارو سربېره په بدن کې موجودو اوبو جریان په برابرولو او عصبي نظام منظم کولو کې مرسته کوي.

خو د مالګې ډير استعمال بیا جانبي عوارض هم لري او د فشار لوړولو سربېره ینې ته هم تاوان رسوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x