د جانان خدرخېل دوه غزلونه

جانان خدرخېل

ستا یادونه پښتانه راسره تل وي
دا ښاغلي میلمانه راسره تل وي

ستا په مینه کې بندي یمه جانانه
ولچکونه ، زولانه راسره تل وي

سپی غماز دې غاپي هر څومره چې غاپي
عادتونه به درانه راسره تل وي…!!!

ٰ مونږ د مرګ لپاره غم نه دی خوړلی
خو بس غم د ژوندانه راسره تل وي

د وصال خواږه مې هیڅ ندي لیدلي
او ترخه د بېلتانه راسره تل وي.!!

د سپېڅلي لېونتوب مې دا ثبوت دی
چې ریښې د ګرېوانه راسره تل وي

“خدرخېل” به بیا بادشاه یم خو چې یار مې
زنګانه ـ په زنګانه راســره تل وي…..!!!

غزل

درته راغلمه خوشبو راکړه سنځلې
ستا په غېږه کې للو راکړه سنځلې