شعـــــرونه

يتيم افغانستان :مشفق حريتمل

ژوندون ګران دی مرګ ارزان دی په دې چم کې

قدر ورک بس د انسان دی په دې چم کې

دبارودو دلوخړو په ګردو کې

خدايه ورک رانه اسمان دی په دې چم کې

هغه څوک چې خپل په نورو باندې مړه کړي

بس همغه قهرمان دی په دې چم کې

تيندکونه خوري خو رسي به منزل ته

يو سړی په لار روان دی په دې چم کې

زماهم له ډېرو خلکو نه نفرت دی

خو يوڅوک راباندې ګران دی په دې چم کې

چا پکې واخيستې نومرې او څوک ناکام شول

وخت اخېستی امتحان دی په دې چم کې

چاپرې لاس درحم کينښود مشفقه
يو يتيم افغانستان دی په دې چم کې

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x