افغانستان

ترکيه نږدې دووسوو ژبو ته قرآنکریم ژباړي

نن ټکی اسیا (پنجشنبه، کب ۲۰مه، ۱۳۹۴ل): د ترکيې د ديني چارو ریاست مسوولین وايي چې دوی هوډ کړی قرآنکریم د نړۍ مختلفو ژبو ته وژباړي.

د ديني چارو د ریاست د اجرايیه هیت رییس وايي چې دوی په پام کې لري د نړۍ پر ۱۸۰ ژبو د قرآنکریم ژباړه خپره کړې.

مظهر بیلګین وايي چې دا یوه ستره پروژه ده او په وينا يې د دې پروژې په بشپړاوي کې الله جل جلاله ته د مرستې لاسونه لپه کوي.

د هغه په خبره دا د هغو هڅو لړۍ ده چې دوی پتیېلې چې د نړۍ په ګوټ ـ ګوټ کې هر چاته د هغوی پخپله ژبه قرآنکریم ور ورسېږي.

تر اوسه پورې د ترکیې د ديني چارو ریاست پر انګلیسي، فرانسوي، هسپانوي، روسي، قیرغیزي، بلغاروي، روسي، بوسنيايي او قزاقي ژبو د قرآن کریم ژباړه خپره کړې ده.

د دوی په خبره هوډ لري چې ټولې نړۍ ته په هره ژبه د قرآنکریم ژباړه ورسېږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x