fbpx

یو مفهوم ګڼ تعبیرونه

حامد افغان

نښه ویشتونکی وایي:

أعلمه الرماية كل يوم
فلما اشتد ساعده رماني

یعني هره ورځ مې نښه ویشتل ورزده کول، کله یې چې مټي پیاوړې او نښه یې زده کړه نو زه یې وویشتلم.

شاعر وایي:

وكم علمته نظم القوافي
فلما قال قافيته هجاني

د قافیو څومره پېیل مې وروښوول، کله یې چې قافیه او شعر ویل پیل کړل زما په بدویلو سر شو.

عالم وایي:

تعلم الأبجديه والأرقام مني
فلما أصبح عالماً نفاني

ابجد او شمیر یې زما نه زده کړل، کله چې عالم شو زه یې وشړلم.

پلار وایي:

سعيت في الأرض من أجل راحته
فلما أصبح عاقلاً عصاني

په ځمکه کې مې د ده د ارام او هوسایي له پاره منډي ترړي وکړې، کله چې پوه شو زما نافرماني یې پیل کړه.

قصاب کاکا وایي:

وكم أطعمته لحم الخراف
فلما صار ذا كرش جفاني

څومره د پسونو غوښي مې پرې وخوړلې، کله یې چې لری غټ شو زما سره یې جفا پیل کړه.

موږ د سره ورته خبرو په اړه وایو: خبري ډېري سر یې یو دی، دا لوړ عربي شعرونه هم په یوه معنا راڅرخي، د “ښو” په مقابل کې بد چلند د سپکو خوی دی، څوک چې په سر کې لیږ عقل او اخلاقي شرافت ولري هغه د هیچا ښېګڼه نه هېروي او کوښښ کوي د ښو بدل په “مننه” باندې ډېرو ښو ورکړي، د ښو په مقابل کې بد هرڅومره بد اخلاقي ده ځکه خو د ښېګڼه کوونکي زړه ودردوي او دا لوړ شعرونه هم له دردیدلو زړونو راوتلي دي.

avatar
  ګډون وکړئ  
خبرتیا غوښتل د