نړۍ

يمن: د متحده عربي اماراتو جنګي الوتکه ورکه شوې

نن ټکی اسیا (دوشنبه، کب ۲۴مه، ۱۳۹۴ل): د متحده عربي اماراتو دفاع وزارت اعلان کړی، چې په يمن کې د دوی يوه جنګي الوتکه ورکه شوې او تر اوسه يې درک نه دی لګېدلی.

د الوتکې د ورکېدو خبر د دوبۍ رسمي تلويزون خپور کړی، مګر په دې اړه يې نور معلومات نه دي ورکړي.

متحده عربي امارات د سعودي عربستان په مشرۍ ايتلاف کې د ۲۰۱۵م راهيسې په يمن کې د حوثي ياغيانو پر ضد بمبارۍ کوي. او دا لومړی ځل دی، چې دداسي یو پيښي سره مخ کیږي.

تېر کال په ډيسمبر کې هم د يمن جګړې کې شريکه د بحرين جنګي الوتکه د تخنيکي ستونزې له کبله د سعودي عربستان په خاوره کې نسکوره شوې وه.

۲۰۱۵م راهيسې، چې د سعودي عربستان په مشرۍ په یمن کې د حوثي ملیشو پر خلاف بمبارۍ او ځمکنۍ جګړه پيل شوې، د ځینو شمېرنو له مخي تر اوسه په کې له شپږ زرو زيات کسان وژل شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x