د رسنیو جنګ

لیکونکی: فصیح الله عزیز باسولی

په اوسني وخت کې چې مونږ له کومو رسنیو سره لاس او ګریوان یو، پیغمبر اکرم (صلی الله علیه وسلم) د دې وخت په هکله یو  حدیث فرمایلي او هغه بالکل د همدې وخت مصداق دی، د حدیث مفهوم دی چې د دجال د راتګ څخه څو کاله وړاندې به د چل او فریب کلونه وي.

رسنۍ په اساسي توګه یوه دوکه، یو چل او فریب دی، یو دروغ دي کوم چې ځان داسې ښکاره کوي ګویا که مونږ ته هر څه رښتیا وایې او حقایق رابرسیره کوي.

د نړۍ د رسنیو ۹۷٪ برخه د دنیا د درې لویو کمپنیو ملکیت دی او درې واړه کمپنۍ د یهودو کمپنۍ دي، لومړی کمپنۍ چې د دنیا ۳۷٪ رسنۍ په لاس کې لري والټ ډیزني (Walt Disney) ده، کومه چې په اصل کې د یهودو کمپنې ده او ادارې بورډ یې ټول په یهودو مشتمل دی.

دوهمه بیا د روبرټ میډیک کمپنۍ(Robert Medic) ده کومه چې د نړۍ ۴۳٪ فیصده رسنۍ په لاس کې لري، نړیوالې ورځپاڼې، تلویزونونه او نور ټول یې پدې فیصدۍ کې شاملې دي، ټایم ورځپاڼه(Time Newspaper) سي این این تلویزیون (CNN Television)، فاکس تلویزیون Fox Television)) یې څو مثالونه دي.

روبرټ میډیک کمپنۍ په رسنیو کې څلور مهم اهداف لري او تر رسیدو یې ځانګړي پالیسۍ لري، هر یو یې په مختصر شکل لاندې رانقلوو.

۱. په ټوله نړۍ کې موسیقي باید برقي شي، تیزه جوړه شي، ترڅو څوک پرې پوه نشي ځکه که چیرته په آرام سره وي نو خلک به یې په قراره اوري او په اوریدو سره به یې په خلکو کې غصه او قهر نه پیدا کیږي، په سړه سینه به په هغې کې فکر کوي او دا به معلومه وي چې په دي کې څه ویل کیږي او د موسیقۍ د حقیقت څخه به خبریږي چې هیڅ هم پکې نشته او تش چټېیات او لهولعب پکې ویل کیږي، او که چیرته تیزه او د شور سره وي نو اوریدونکو ته به د آرامیدو وخت په لاس نه ورځي او همیش به د ښوځیدا،نڅا او ناراحتۍ په حال کي وي، او دا وخت به په لاس نه ورځي چې په دې موسیقي فکر وکړي ترڅو پوه شي چې څه پکې ویل کیږي.

۲.د روبرټ میډیک دوهم هدف ډیر عجیبه دی هغه دا چې غواړي په خلکو کې د (Conspiracy)  نظریه عامه کړې یعنې مطلب دا چې خلکو ته دا ذهنیت ورکړي چې هیڅوک هیڅ هم نشې کولی؛ هر څه چې کوي په دنیا کې هغه لوی طاقتونه لکه امریکا، اسرائیل، غرب او داسي نور یی کوي او بس، کوم چې د الله پاک (ج) ددې آیت سره بلکل په ټکر کې  ده چې )تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ( ترجمه: “ته یې چې باد شاهې ورکوي او ته یې چې باد شاهې اخلي او عزت ورکوي چاته چې دې خوښه شي او ذلت ورکوي چاته چې دې خوښه شي او ته یې مُصرف په خپله باد شاهۍ کې او په هر څه قادر یې”.

دوی تر ډیره حده په دي هدف کې کامیاب هم دي، الله تعالی وایې هر څه چې زه وغواړم هغه کوم، عزت او ذلت ورکول هر څه زما په لاس کې دي خو اوس خلک هر څه امریکا، غرب او اسرائیلو ته منسوبوي او وایې چې نه  دا هر څه چې کیږي امریکا،غرب او اسرائیل یې کوي، هغه ټول اختیارات چې الله تعالی د ځان لپاره ځانګړي کړي دي خلکو هغه نړیوالو قوتونو ته منسوب کړي دي، مسلمان باید ووایې چې د الله تعالی د خوښې پرته یوه پاڼه هم نشي ښوځیدلی خو متأسفانه چې دا هم د رسنیو اثر دی چې وایې، د امریکا د خوښې خلاف یوه پاڼه نشې ښوځیدلی، لنډه دا چې دوی داسې یو کیفیت پیدا کوي چې اول خو د خلکو په الله تعالی باور ختم شي او بیا یې په خپل ځان هم باور پاتې نشې.

۳. دریم هدف د روبرټ میډیک کمپنۍ دا دی چې د مسلمانانو قدرمن او معزز خلک داسې معرفي کړي چې عام مسلمانان ترې زړه توري شي، د هغوی د شخصیت خلاف داسې پروپاګند وکړي چې احترام یې له مینځه ولاړ شي؛ هدف یې د علماوو او دین پوهانو څخه دی لکه چې وایې چې دا ملایان ډیر عجیب وغریب خلک دي، دا وګورئ د دوی په مدرسو کې څه کیږي، د ماشومانو سره بده رویه او سلوک کوي، یا داسې خبرونه خپاره کړي چې د ږیرې والا د ښځې سره ونیول شو، هدف یې لدې ټولو خبرو دا دی چې دا ډول خلک ټولنې ته مجرمان او ظالمان معرفې کړي تر څو د هغوی اثر او رسوخ په ټولنه او د خلکو تر مینځ کم او بالکل ختم کړي، که مونږ او تاسې خپلې ټولنې ته فکر وکړو د دجالې رسنیو د راتګ څخه وړاندې عسکرو، پولیسو او نورو امنیتي ځواکونو به د داسې خلکو تالاشې اخیستله او د شک په سترګه به یې ورته کتل چې مغروره مزل به یې کولو، په لاس کې به یې چې بنګړی او په غاړه کې لاکټ پروت وو، لویې څڼې او لوی لوی بریتونه به یې چې پریښودي وو، خو ولې له کله راهیسې چې دجالې رسنیو رشد وکړ او تبلیغات یې شروع کړل نو اوس تالاشې له هغه چا اخستل کیږي چې په سنتو برابره ږیره یې پریښودې وي، پیڅې یې له خنګرو پورته وي، لنډه دا چې په محمدي سنتو برابر وي هماغه خلک تالاشې کیږي، همدا د دجالې رسنیو هدف وو او دی چې خلکو ته یې داسې یو تصور ورکړ چې ګویا هغه اوله ډله خلک چې د سنتو مخالف دي هغه د ټولنې لپاره مضر نه بلکه دا دوهمه ډله چې په محمدي سنتو برابر دي د ټولنې لپاره مضر دي.

۴. د روبرټ میډیک څلورم هدف دا دی چې په ټولنه او د خلکو په مینځ کې فحشاء دومره عامه کړي چې هیڅ فحش کار چا ته فحش ښکاره نه شي او هره فحاشې خلک د ژوند برخه وګڼي، او په دې هدف کې هم تر ډیره حده کامیاب دي، تاسې فکر وکړئ چې آیا په یو عیاش ترین کور کې به یوه انجلۍ په داسې حال کې له حمام څخه راووځې چې د کور ټول اعضاء یې ناست وي او دې ځان ښکاره کړی وي او هغوئیته وښایي چې په فلانکي کریمو یې ځان غوړ کړو او د وجود ویښته یې ټول لرې شول، نه هیڅکله هم نه! خو ولې د تلویزیون د پردې په مخ په اعلاناتو کې دا کار په داسې وخت کې راښکاره کوي چې د کور ټول اعضاء یې په شریکه ګوري، او همداسې نورې په سلګونه او زرګونه طریقې په کار اچوي تر څو خلکو ته دا تصور ورکړي چې دا هیڅ فحش او ناسم کارونه نه دي.

دریمه کمپنۍ د ټیرې ټرنر(Terry turner) ده کومه چې د نړیوالو رسنیو نوره ټوله پاتې برخه په واک کې لري، دا کمپنۍ بیا له داسې پالیسۍ کار اخلې چې د هر مکتب فکر او نظریات تر یو وخته خپروې او ځان داسې ښکاره کوي چې ګویا که بالکل مستقل او آزاد دي ترڅو خلک پرې د ځان طرف ته مایله کړي، خپل کتونکې ډیر کړي او په پوره اعتماد کې یې واخلي، کله چې داسې وکړي نو بیا د خپلو نظریاتو نشرولو ته پښه ورکوي او ټول نشریات بیا د اسلامي فکر او عقیدي سره په ټکر کې خپروي، دا هغه څه دي چې مخکې مو وویل چې د دجال له راتګ څخه څو کلونو دمخه د چل او فریب کلونه دي، او همدا ښکاره چل او دوکه ده چې اول سړی د هغه په خپل نطر راجلب کړي او بیا وروسته ورته نور نور څه وړاندې کوي او په شهدو کې زهر ورکوي.

رسنۍ هغه وسیله ده کوم چې ګټلې جنګونه بایلې،هغه وسیله ده کوم چې ښه خلک بد ثابتولی شي،هغه وسیله ده کوم چې د اوچته خلکو لوړ صلاحیتونه ټيټوي او له غورځیدلو خلکو اوچت خلک جوړوي او ټیټ صلاحیتونه یې ډیر لوړ ښکاره کوي،مسلمانان باید ډير محتاط او د دي ټولو فریبونو او چلونو څخه باخبره واوسي،او خپلو رسنیو فعالولو ته پوره توجه وکړي، داسې نشې کیدای چې د دجال په اسلحه دجال وولې او نه هغه دېته څوک پریږدي، هغه مو صرف همدومره پریږدي ترکومه چې درڅخه د خطر د ورسولو ویره ونلري.

د یو موټې او سرلوړې اسلامي امت په هیله!