karzai sitting on chair

حامد کرزي تر نامعلومې نیټې په قطر کې واړول

د یوې باخبرې سرچینې په استناد د حکومت مشر حامدکرزی چې قطر هیواد ته تللی او نن سهار یې نیت وو چې بیرته کابل ته راستون شي ، خپل پرواز یې لغو کړی اوترنامعلومې نیټې یې په قطر کې اړولي دي .

حامد کرزي افغانستان ته خپله ستنیدنه له هغه وروسته وځنډوله ، کله چې نن سهار طالبانو دکابل دهوایي ډګر په پوځي برخه برید پیل کړ ، چې لا هم جګړه جریان لري .

 

دیوې باخبرې  سرچینې په استناد حامدکرزي تېره ورځ او شپه په قطر کې خپل پروګرام پای ته رسولی وو او نیت یې وو چې سهار کابل ته والوزي ، خو دطالبانو برید نوموړی ترنامعلومې نیټې په قطر کې وځنډاوو .

تراوسه معلومه نه ده ، چې حامدکرزی به ترڅه وخته په قطر کې اوزګار ناست وي ، ځکه  کابل ته دنوموړي راغبرګیدل ، دهوایي ډګر له جګړې سره تړلي دي ، ځکه دحامدکرزي لپاره دا هم ډیره خطرناکه ده ، چې دهیواد په کوم بل هوایي ډګر باندې کوز شي او دځمکې له لارې  ارګ ته  ځان ورسوي ،  ځکه دځمکې لارې  ترهوایي لارو ډیرې خونړۍ دي ، چې له همدې امله خو څوکاله وړاندې کرزی له ارګ څخه پول تخنیک ته هم په څرخکه کې تللی وو .

طالبان وایي چې  دهوایي ډګر په پوځي مرکز یې ګڼو فدایانو برید کړی ، چې له همدې امله شاید داجګړه ترډیره وغځیږي ، دا امکان هم لري چې دجګړه ترظاهري سکوت وروسته  طالبان خپل یو شمیر فدایان په کرزي دبرید لپاره په  هوایي ډګر کې غلي کړي ، چې له همدې امله شاید دکرزي د محفوظ راستنیدو وخت نور هم وغځیږي او کیسه تر ورځو ورسیږي .

تراوسه نه ده معلومه چې کرزی به په دې اوزګار وخت کې   په قطر کې څه کوي ، ځکه نوموړي خپل رسمي  پروګرام او ملاقاتونه پای ته رسولي .

خلک وایي (خندی دغاړې غړوندی دی )، حامد کرزي به پخوا طالبان همیشه له دې امله ملامتول چې ولې  په قطر کې میشت شوي  ، مګر اوس نوموړي خپله په دې هیواد کې اړولي دي دغه راز به پخوا   خلکو ویل چې افغانستان ته ورننوتل  اسانه  خو راوتل ترې سخت دي ، مګر دکرزي اوسنۍ کیسې ثابته کړې ، چې دې هیواد ته ننوتل هم اسانه نه دي.

——-

کرزی چي په کوم کانفرانس کي ګډون کړی وو، د هغه د پرون ورځي ټول جریان په لاندي ادرس کي موندلای سئ:

http://www.nunn.asia/forum/showthread.php/2280

avatar
  ګډون وکړئ  
خبرتیا غوښتل د