په عراق کې یو امریکايي عسکر وژل شوی دوه ټپيان دي

نن ټکی اسیا (یکشنبه، وري ۱، ۱۳۹۵ل): د امریکا ددفاع وزارت څخه په خپرې شوي خبرپاڼه کې ویل شوي چې ددوی یو عسکر د عراق په شمال کې د دښمن له لوري وژل شوی او دوه نور ټپیان شوي دي.

د امریکا د رسمي احصائیاتو له مخي په عراق کې د اسلامي دولت ډلي پر ضد جګړه کې دا دوهم امریکايي عسکر دی چې وژل کیږي.

امریکايي عسکر او پوځي روزونکي د عراق په شمال کې د موصل ښار ته نیژدې په یوه لویه قرارګاه کې هغه عراقي پوځیان روزي چې د نینوا ولایت او موصل ښار د نیولو لپاره چمتوالی نیسي.

د ورکړل شویو خبرونو له مخي ویل شوي چې پر دغه قرارګاه باندي د اسلامي دولت ډلي توغندۍ وار کړي چې له امله یې یاده مرګ ژوبله را منځته شوې.

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د