غزل: هيبت الله منتقم

هيبت الله منتقم

خدايه ختم نورداستړی انقلاب کړه
ستاپه دى لوی امتحان کې مونږکامياب کړه

غليم هيڅ زموږپه وينونه مړيږي
ربه ته يې نوراخته په خپل عذاب کړه

په خپل کلي کې ترڅوبه مونږکړيږو
ختمې دادغم شيبې اواضطراب کړه

پرې درانه درانه بمونه غورځيدلي
بياودانې مدرسې مسجدمحراب کړه

حق چې حق بولي باطل ته باطل وايي
علماء زموږمئين په حق خطاب کړه

سپين بيرغ چې پرې په ناز وهي وزرونه
بياموګران افغانستان لکه ګلاب کړه

ځاروي چې ستاپه لاره کې سرونه
خيردی مامنتقم هغوکې حساب کړه