دیني، سیرت او تاریخ

اودس په اسلام اوساینس کي (۷، ۸)

اودس اوروغتیا

(Ablution and Health)

وانسان ته دڅولاروڅخه جراثیم راځی دهواله لاري، دځمکې له لاري، دخوړوله لاري اودهغوشیانو له لاری چې استعمالوي ئې،دانسان بدن داسی جوړدی چې دپوستکي له لاری جراثیم ورته نه داخلیږی، خواغیزي ورباندي کوي ، هغه زخمي کوی اوکه اودس وشي نوبیاهرانسان له جراثیموڅخه ساتل کيږی؛ که پرمخ، لاسونواویاپښوباندی کوم زخم وي نوجراثیم کوښښ کوي چې ځان ورورسوي اوکه ۱۵ ځله په اوبوباندی پریمنځل شي نوبیاداجراثیم هیڅ هم نشی کولای.

 

په اوداسه کي دوه نوراندامونه لکه پزه اوخوله دي، چې وخولې اوپزي ته دهواله لاری جراثیم راځي، خوپه اوداسه سره داټول جراثیم له منځه ځي دسترګوجراثیم هم دپریمنځلوسره یوځای ختمیږی.

داوداسه نوري ساینسي ګټی

هغه ناروغیانې چې دپوستکي دچټلۍ له کبله رامنځته کيږي اودس دهغوټولولپاره پوره درملنه ده، غوماشه، مچان اونور… چې په چټلۍ باندی ګرځي اوپرچټل پوستکي باندی کښیني اومینه ورسره لري مختلفي ناروغۍ ورڅخه منځته راځي لکه  تبه، ملاریا، خارښت اوداسی نور… که اودس وشي نوپوستکي پاک شي بیاغوماشه مچان اونور… نه ورباندی کښیني اواودس انسان له دې ټولوناخوالوڅخه ژغوري.

اودس دسرطان د رملنه ده

په اوداسه کي ډیرې طبي معجزې نغښتې دي، کمال عبدالمنعم محمدخلیلی لیکي:

اودس دانسان پوستکي نرم کوي، چې پربدن باندی دلمرشعاوي بیاڅه اغیزې نه کوي اوبله ګټه ئې داده چې ډیرکيمیاوي موادنه پریږدی چې ودانسان وبدن ته داخل شي اوسرایت وکړي له همدې کبله دسرطان په شان دیوې مهلکې ناروغۍ څخه انسان اودس ژغوري.

په لویدیځ کي دپوستکي سرطان ډیرزیات اومخ په وده کي دی چې دادلمردشعاوڅخه ومنځته راځي اوبرعکس داپه اسلامي نړۍ کي ډیرلږدی، داځکه چې دوی اودسونه کوي اوداوداسه له کبله پوستکي نرمیږی ، بیادلمرشعاوی ورباندی تاثیرنه کوی اودسرطانه مخه نیول کيږي.

وبل لورته هره ورځ په ورځني ژوندکي دانسان پرپوستکي باندی ګرځ، دوړې اوغبارلویږی، چې دانسان دپوستکي واړه سوري (مسامات) بندوي اوددې سوریوخلاصول اړین دي اوداوداسه له کبله داټول مشکلات حل کيږی؛ اوس اودی نه یواځی دظاهري پاکوالی نوم دی بلکې باطني پاکوالی هم راولي، اودس په مجموع کي ددماغ اوډیرونورناروغیولپاره پوره درملنه ده لکه:

۱– (Depression) ژورخفګان.

۲ – (Eczema) دپوستکي دمخ التهاب.

۳ – (Diseases of Skin) دپوستکي ناروغیانې.

۴ – (Diseases of Fungus) دچناسوناروغیانې.

۵ – (Psychological Disease) رواني ناروغیانې.

دیوه امریکایی څېړنیزمرکزڅېړنه پراوداسه باندي

په دې څېړنوکي راغلی دي چې که دخوب څخه مخکي خوله، لاسونه اوسرپریمنځل شي اوبیایوڅوک بیده شي نودحساسیت (Allergy) څخه به خلاص شي اودتنفسي مشکلاتوڅخه به وساتل شي، چې داپردې باندی دلالت کوي چې داسلام یوعمل پرځای کول هم په دې نړۍ کي اوهم په آخرت کي څومری ګټي لري.

نوربیا…
———————-

 

اودس په اسلام اوساینس کي(۸)
 
اودس اودوینې فشار

(Ablution and blood pressure)

نوي ساینسي  څېړنې وایی چې کله چې دیوچادوینې فشارلوړشي، نوژردی اودس وکړی چې اودس دافشارډیرژرکښته کوي، چې داپه ساینس کي یوکوټلی اومنلی حقیقت دي.

اودس درواني ناروغیودرملنه ده

اودس درواني ناروغیولپاره یوه مجربه نسخه ده،اروپایی اوامریکایی ډاکتران وهغوناروغانوته چې په رواني ناروغیواخته دي په ورځ کي دڅوڅوځلواودس کولوامراوتوصیه کوي.

اودس دسترګودرملنه ده

علامه عبدالرحمن صفوری لیکي:

نبی کریم صلی الله علیه وسلم دسترګودهرډول تکلیف لپاره یخي اوبه فرمایلي.

انجینرنقشبندي لیکي:

کله چې به حضرت محمدصلی الله علیه وسلم سهاربه راپورته شونواودس به ئې وکړ؛ اوسنی ساینس پوهان وایی کله سترګې چوخڼي وکړی، هغه نښلی اوایاوسترګوته نورتکلیف پیښ شي، نوپکارداده چې هرسهارپه اوبوپریمنځل شي، په کومه اندازه سره چې اودس دبدن دنوروغړولپاره درملنه ده په هم هغه اندزه سره وسترګوته هم پوره علاج دي.

اوبه او د بدن نجاست

دانسان څخه دمختلفولاروڅخه نجاست وځي، کله دانسان پښه، لاس اویادبدن بل غړی ولړل شی، چې په ددې ټولولپاره پوره پاکوالی دي،اوپه ګرمۍ کي دانسان دبدن دمساماتوڅخه خوله راوځی چې دبدبویی سبب ګرځی، چې اوبه ئې ښه درملنه ده.

اودس اعصاب اراموي

په ورځ کي ۱۵ ځلی لاسونه ترڅنګلو، پښې تربجلکو، ټوله مخ اودسرمسح اودمغزي مسح داټول ترسره کيږی، دانسان په بدن کي رګونه شتونه لری چې لومړی دارګونه ۱۵ ځلی په اوبولندیږی،اوبیاپه ټوله بدن کي عصبي رشتې شتون لري، چې داهم ۱۵ ځلي لندیږی اوددې په لندیدوسره ومکمل اعصابي نظام ته پوره سکون اوآرام ورکوي.

داوداسه اوبه بایدددوهم ځل لپاره استعمال نشي

نبی کریم صلی الله علیه وسلم فرمایی:

داوداسه په اوبوباندی ګناوي رژول کيږی، دااوبه چټلی دي، اوددوهم ځل لپاره ئې مه استعمالوي.

اوس ساینس داثابته کړی ده چې په اوداسه کي داښکاره ځایونه لکه مخ، پښې اولاسونه پریمنځل کيږی، نوپه دې اوبوکي نه لیدونکي جراثیم شتون لري، نوکه دااوبه ددوهم ځل لپاره استعمال شي کيدای شي دپوستکي دسرطان سبب وګرځي.

پای

په اسلامي پاکه مینه ستاسوورور

عبد الغفار جُبیر

‏2013‏، 25‏، می‏، شنبه
 
لمنلیکونه:
۱: نزهة المجالس ۲ ټوک
۲: کنزالعمال ، لیکوال: علامه علاء الدین علی متقی بن حسام الدین هندي برهان پوری متوفی ۹۷۵ هق.
۳: الترغیب والترهیب لیکوال: حافظ زکي الدین عبدالعظیم بن عبدالقوي المنذری المتوفی ۶۵۶ هق.
۴: صحیح بخاری
۵: حجة الله البالغه، لومړی ټوک، پاڼه ۳۸۱، لیکوال حضرت شاولی الله دهلوی رحمة الله علیه.
۶: الرسالة الحمیده اردوترجمه، ۱۰۵- ۱۱۰، لیکوال: دطرابلس نومورعالم محقق علامه حسین آفندی،
ژباړن: مولاناسیداسحاق علی صاحب مدرسه جامع العلوم کانپور
زیرنګرانی حکيم الامت حضرت مولانااشرف علی تهانوی صاحب
۷: حکمة التشریع وفلسفة، لومړی برخه، حکمة الوضوء وطهارة الاعضاء الخاصة، ۹۶- ۱۰۱
لیکوال: لحضرة صاحب الفضیلة الاستاذ الشیخ علی احمدالجرجاوي، احدعلماء الازهرشریف ورئس جمعیة الازهر العلمیه والمحامی امام محکمة النقض، ۱۹۶۱ میلادی.
۸: انسان اسلام اورساینس
۹: اسلام اورساینس
۱۰: عبادت نبوی اورساینس
۱۱: سنت نبوی اورساینس
۱۲: قرآن کی ساینسی انکشافات
۱۳: احادیث نبوی اورساینس
۱۴: بهیج طبي سیند، لیکوال: دوکتورعبدالحمیدبهیج، ۲۰۰۶
15: Islam and Medical Science /ablution
16: Medical Dictionary
17: Dorland*s Illustrated Medical Dictionary 32 International Edition< USA
18: The Secret of Worship in Islam
19: Worship and Modern Science

په اسلامي پاکه مینه ستاسوورور

عبدالغفارجُبیر

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x