افغانستان

ډله ییز برید کي د ۲۰۵ اتل قول اردو ملکي مرستیال «خان اغا» وژل سوی

نن ټکی اسیا (جمعه، وري ۶مه، ۱۳۹۵ ل): د کندهار ولایت په دامان ولسوالۍ کي تېره شپه ډله ییز برید ترسره سوی، په ډله ییز برید کي د ۲۰۵ اتل قول اردو ملکي مرستیال «خان اغا» د څو تنو ملګرو سره یوځای وژل سوی دی.

ډله ییز برید تېره شپه شاوخوا ۹ بجې هغه وخت ترسره سو کله چي دوه تنه سرتیري بریدګر چي په سپکو او درنو وسلو سمبال وه د دامان ولسوالۍ په سالو خان کاریز سیمه کي د قومندان خان اغا میلمستون ته ننوتل، بریدګرو د نوموړي جګپوړي قومندان په ګډون په میلمستون کې پر موجودو کسانو ډزي وکړي او هغوی یې ووژل.

په برید کي د قومندان خان اغا زوی هم ژوبل سوی دی.

امنیتي سرچینې وایي چي برید تر سهاره دوام کړی او وروسته په متقابلو ډزو سره دواړه بریدګر وژل سوي دي.

طالبانو د برید پړه پر غاړه اخیستي ده، د طالبانو ویاند قاري یوسف احمدي د یوې خبرپاڼي په خپرولو سره ویلي چي دوو تنو بریدګرو د قومندان خان اغا پر میلمستون برید کړی او په پایله کي یې نوموړۍ د څو تنو سرتیرو سره یوځای وژلی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x