اقتصاد

پاکستان له ایران سره سوداګري تر ۵میلیارده ډالرو پورې غځوي

نن ټکی اسیا (شنبه، وري۷مه ۱۳۹۵ل): د ایران جمهور رییس حسن روحاني په دوه ورځېني سفر پاکستان ته تللی دی.

حسن روحاني سره د کابېنې شپږ وزیران او د مرکزي بانک رییس هم په دغه سفر کې یوځای دي او نن يې له پاکستان سره اقتصادي، دیپلوماتیک او روغتیايي شپږ هوکړه لیکونه لاسلیک کړل.

د پاکستان لومړي وزیر نواز شریف د ایران-پاکستان د سوداګرۍ ګډ فورم ته په خبرو کې ویلي چې دوی غواړي له ایران سره سوداګري تر ۵ میلیارده ډالرو پورې وغځوي او حکومت یې د سیمه‌ییزو اړیکو د پراخولو لپاره هلې ځلې کوی.

شریف زیاته کړې چې په پاکستان کې اقتصادي بدلونونه به په سیمه کې امن و سوکالي روالي.

په عین حال کې د ایران ولسمشر ویلي چې د سیمه ییزو چلینجونو څخه د ځان خلاصولو لپاره اقتصادي ثبات مهم دی، د دوی او د پاکستان امنیت او پرمختګ یو بل سره تړلي دي.

هغه زیاته کړې چې ایران تیار دی چې له پاکستان سره د تیلو او ګازونو په برخه کې مرسته وکړي او همدا رنګه ایران غواړي د ترانزیت او سیاحت په برخو کې همکارۍ سره ډيرې کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x