بیړنی خبر: په کابل کې درنه جګړه روانه ده،دارګ ماڼۍ اووزارت دفاع تر برید لاندي دي.

له کابل نه تازه ترلاسه شویو راپورونو کې ویل شوي ، نن سهار وختي ۶بجې شاوخوا دکابل په زړه کې دیو شمیر سرښندونکو له لوري دارګ پرمشرقي دروازه ،وزارت دفاع او په اریانا هوټل باندي  ډلیز برید ترسره شو. وروستي ترلاسه شوي راپورونه وایي  تراوسه پوري شل درنې چاودنې ترسره شوې چې له امله یې درنه مرګ ژوبله اوښتې.

دابرید په تاسې حال کې ترسره شوی ،چې نن ورځ کرزي دارګ ماڼۍ ته ژورنالستان دیوه مطبوعاتي کانفرانس لپاره رابللي وو،معلومات ښه یې چې په دې کانفرانس کې به دافغانستان او پاکستان لپاره دامریکا خاص استازي جیمز ډوبنیز هم ګډون کاوه ، نوموړي تیره ورځ کابل ته راورسید.

په سیمه کې  موجودو ژورنالیستانو ویلي  ، چې دارګ له ماڼۍ نه داور لوګي پورته کیږي او اوس مهال ددرنو وسلو اوازونه اوریدل کیږي، خبریالان وایي دحملې ځاي دامنیتي پولیسو له لوري محاصره شوي ژورنالیستان نه پریږدي چې نیږدې ورسي، پر فیس بک باندي په یوه نشر شوې ویډیوکلیپ کې ښکاري چې دارګ له ماڼې نه اورلوګي پورته کیږي.

دطالبانو ویاند ذبیح الله مجاهد دحملې مسولیت اخیستی او زیاته کړې یې ده چې دخالد بن ولید دپیل شویو عملیاتو په لړ کې یې په کابل کې پرمهمو هدفونو عملیات پیل کړي ،نوموړی زیاتوي چې په حمله کې دښمن ته درنه مرګ ژوبله اوښتې خو تراوسه یې دقیق ارقام نه دي په ډاګه شوي.

احمد بریال