افغانستان

کندوز کې طالبانو لوړ پوړی پوځي قومندان وژلی

نن ټکی اسیا (دوشنبه، وري ۹مه، ۱۳۹۵ل): د کندوز مرکز په دشت ارچي ولسوالۍ کې د طالبانو په مخامخ بريد کې د ملي اردو یو لوړ پوړی افسر وژل شوی دی.

تورن راشد سرحدي تېره ورځ ماسپښين مهال د طالبانو په مخامخ بريد کې ځای پر ځای ووژل شو.

طالبانو د توران راشد د وژنې پخلی کړی او هغه يې د عامو خلکو په ځورولو کې سرلاری بللی دی.

د طالبانو خبرپاڼه لیکي: «دغه راز په دښت ارچي ولسوالۍ کې د مزدورو عسکرو یو تن لوړ رتبه مهم افسر(تورن راشد سرحدي ) د مجاهدینوپه یوه بریالي بریدکې ووژل شواو د خپلو شومو اعمالو په سزاورسید.»

دا په داسې حال کې دی چې تېر ماښام په لوګر کې هم د ملي اردو لوړ پوړی قومندان د طالبانو د خښ کړل شوي ماین ښکار شو.

د ۲۰۳ تندر قول اردو د درېيمې پلي لوا د ګارنیزیون مشر ډګروال محمداجان د محمد اغې په زرغون ښار کې خپل کورته څېرمه پر خښ کړل شوي ماین ور برابر او ځای پر ځای ووژل شو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x