افغانستان

کابل ښار کې چاودنې مرګ ژوبله واړوله

نن ټکی اسیا (سه شنبه، وري ۱۰مه، ۱۳۹۵ل): د کابل ښار يوولسمې امنيتي حوزه کې د پخواني سناتور رفيع الله ګل افغان موټر ته څېرمه چاودنه شوې ده.

ګل افغان رسنيو ته وويل، چې چاودنه پنجشير واټ کې هغه مهال رامنځته شوه، چې د ده موټر له دې سيمې تېرېده.

نوموړی وايي، چې د يو پلچک لاندې ماين ځای پر ځای شوی و او هدف يې هم دی و.

ګل افغان زياتوي، چې په چاودنه کې دوه ماشومان، يوه ښځه او يو سړی وژل شوي او پنځلس نور ټپيان دي.

د هغه په وينا په ټپيانو کې د ده درې ساتونکي هم دي.

د مشرانو جرګې دغه پخوانی غړی وايي، چې چاودنه کې د ده موټر ته زيان نه دی اوښتی، مګر د ولسي خلکو موټرونه زيانمن شوي دي.

د کابل پوليسو د جنايي جرمونو پر وړاندې د مبارزې رييس مل پاسوال فريدونه عبيدي وايي، چې چاودنه د يو غږيز ماين په واسطه شوې او تر اوسه د مرګ ژوبلې په اړه څه خبر نه لري.

عبيدي زياته کړه، چې د مرګ ژوبلې په صورت کې به رسنيو ته معلومات ورکړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x