شعـــــرونه

غزل: عبدالفتاح فاتح

عبدالفتاح فاتح

نه مې هیریږي ته مې سترګو کې غړیږې اشنا
زه چې قدم پر قدم ږدم ته رایادیږې اشنا

د زنکدن په وخت مې هم له یاده ونه وتې
زما پر شونډو کلمې را تکراریږې اشنا

نن چې مې سترګو کې د اوښکو ډیوې بلې پاتې
نن مې د خیال پر شاړه دښته را اوریږې اشنا

زما د سترګو د اوبو څپو دې یووړ تصویر
زما د سترګو په هیندارو کې نڅیږې اشنا

یاره ته هم د شیش محلو په کوڅو کې لوی شوې
اوس د فاتح  پر خټین کلي نه تیریږې اشنا

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x