د شهيد بشير احمد روح ته ډالۍ

حکمت الله حاکمي

له پوهنتون نه فارغ نه شو په ستم شهيد شو
ورباندې جوړ خاورين مزار شو په تورتم شهيد شو

د فراغت جشن پرې جوړ نه شو اجل واخيسته
وو ډيرو زړونو ته محبوب او محترم شهيد شو

يو څو ژباړلي کتابونه يې يادګار پاتې دي
هغه څښتن د ليکوالۍ او د قلم شهيد شو

ټول ټولګيوال ورڅخه خوښ وو او په بيلتون يې خفه
وو اخلاقي او د زخمي زړونو مرهم شهيد شو

ما حاکمي يې چې د مرګ غمجن خبر واورېده
په هغه دم شومه غمجن غمجن په غم شهيد شو