شعـــــرونه

غزل: مطيع الله جواد

مطیع الله جواد

راشه چې وڅېړو د نن ورځې حالات اديبه
لږ به کړو شاته دا د خال و خد خيالات اديبه

په پښتنو بلکه په ټول اهل اسلام څه حال دی
دا به ښه نه وي چې لا ستايو جماليات اديبه

ما و تا وينو چې ظلمونه بې پايانه کيږي
هسې نه موږ څخه يې هم وشي سوالات اديبه

چې د مظلومو ولسونو اوښکې لا بهوي
رب دې لمبه که د سرود سامان الات اديبه

دا د پرديو مزدوران او پردي مه ستايه نور
ستايه غازيان يا پر حضور ليکه صلوة اديبه

وايي جواد چې ما او تاته رب کمال راکړی
پکې راونغاړه د پاک رب کمالات اديبه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x