شعـــــرونه

زمونږه ګران افغانستانه

نعمت الله پټانزی

ته دتاریخ لویه صفحه یې

نعمت الله پټانزی
     نعمت الله پټانزی

ته پرنړې جګه شمله یې

دهرافغان دزړه اسره یې

ټوله نړۍ باندې سلطانه

زمونږه ګران افغانستانه

****

ته دآسیاپه زړه کې لمریې

دخپلواکۍ مهم خبریې

پروت هم په لراوهم په بریې

د تاریخونو قهرمانه

زمونږه ګران افغانستانه

****

ته نوم د ننګ اوشهامت یې

ته کوردتورې اوغیرت یې

ته نمونه دشجاعت یې

ټوله نړۍ له تاقربانه

زمونږه ګران افغانستانه

****

تافتحه کړي ؤ ملکونه

مشهد، ډهلی غوندې ښارونه

تاترې راوړي ؤتاجونه

اوس یې په ځان پورې حیرانه

زمونږه ګران افغانستانه

****

نړۍ آسمانه پورې ولاړه

ته دبچوله لاسه ژاړه

سویوزخمو ته دواء غواړه

نن لوټې لوټې شوې ویرانه

زمونږه ګران افغانستانه

****

اوس دخدمت باندې نازیږم

ستاآبادئ ته هوسیږم

په نیکمرغۍ  دخوشحالیږم

ځان به کړمه خاورې تا ودانه

زمونږه ګران افغانستانه

****

دعزت خاوره یې پتمنه

نور دجوړ غواړمه  وطنه

له هردیار او هر ختنه

د(پټانزی) دزړه درمانه

زمونږه ګران افغانستانه

****

نعمت الله( پټانزی)

۱۳۹۵/وری/۱۶-وردګ،دپټان خیلوکلی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x