افغانستان

د ټاپي پروژې د پانګه اچونې هوکړه لیک لاسلیک شو

نن ټکی اسیا (شنبه، وري ۲۱مه، ۱۳۹۵ل): د ټاپي پروژې د پانګه اچونې هوکړه لیک د ترکمنستان په مرکز عشق اباد کې لاسلیک شو.

د بهرنیو چارو وزارت خبرپاڼه کاږي چې دغه هوکړه لیک د د ټاپي پروژې د ګډونوالو هېوادونو د وزیرانو او د دې پروژې د چارو د ترسره کولو لپاره معلومې کمپنۍ تر منځ لاسلیک شو.

په دې مراسمو کې د ترکمنستان په مرکز کې د دې هېواد، افغانستان، پاکستان او هند د کانونو او پټرولیم وزارتونو وزیران برخه وال.

د پانګه اچونې دغه لومړی هوکړه لیک ۲۰۰ میلیونه ډالره ارزښت لري چې د دې پروژې لپاره د چاپیریال په اړه د سروې، تخنیکي مطالعې او لومړیو مرحلو لپاره د اولیه بودیجې حیثیت لري.

د ګازو دا د پايپلاین چې تر دېرشو کالو به له ترکمنستانه د افغانستان په لاره، پاکستان او هند ته ۳۳ میلیارده مکعبه ګاز لېږدوي، د هېواد د اقتصادي پياوړتیا لپاره مهم ګام بلل کېږي.

که څه هم د دې پروژې له پلي کېدو سره به ګڼو افغانانو ته کاري زمینه هم برابره شي، خو په افغانستان کې د امریکايي مرستو د څار اداره بیا وايي چې یوازې د دې پروژې د جوړولو په وخت د امنیتي تدابیرو لپاره ۱۳ زره عسکرو ته اړتیا ده.

ياده دې وي د دې پروژې د هوکړې لپاره د طالبانو له واکمنۍ راهیسې هڅې راونې وي، چې پخوانی ولسمشر حامد کرزی هم پکې ګام واخیست او په اوس وخت کې يې رسمي هوکړه وشوه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x