ټولنیزه برخه

خوښۍ مو له نورو سره شریکې کړئ!

 حميدالله حميدي

ګورجیف به ویل: ((ټول هغه څه مې، چې جمع کړل، له منځه ولاړل، خو هغه څه مې، چې له نور سره شریک کړل، له ماسره پاتې شول، اوس هم له ما سره دي، خو څه مې چې جمع کړي و، د تل لپاره له منځه تللي.))
په اصل کې موږ انسانان له هغه څه پرته، چې له نورو سره یې شریکوو، څه نه لرو. مینه، څه پیسې او مال نه دی، چې جمع شي. مینه هغه عطر او ښکلا ده، چې له نورو سره باید و ویشل شي. هر هغه څه، چې ډېر یې و وېشي ډیر تر لاسه کوې، خو هغه څه چې کم وېشي هېڅ هم نه لرې.

له څاه څخه د اوبې ایستل د دې باعث ګرځي، چې د څاه اوبه نورې هم تازه شي، خو که د څاه سر وتړې او له اوبو یې ګټه وا نه خلې، هغه د چې د وخت په تېرېدو سره په څاه کې شته چینې غیر فعالېږي او په تدریج سره چینې مري، خو تازه اوبه تل روانې وي.

مینه هغه مینه ده، چې روانه او تل پاتې وي، راځئ خوښۍ له نورو سره و وېشو، ښکلا له نورو سره و ویېشو، ژوند له نورو سره و وېشو لنډه دا، چې څه هم لرې له نورو سره یې شریک کړئ، تر څو خوند ترې واخلئ.
د ژوند له ښکلاو هېڅکله هم یوازې ګټه اخیستل خوند نه کوي. خوښۍ، چې څومره هم تقسیم شي په هماغه کچه زیاتېږي.

عقل، راز او نیاز، مینه، ښکلا، نیکمرغي ټول په دې ښکلا کې ګډ کړئ. که د وېشلو لپاره یې څوک نه لرئ، نو شته چاپېریال سره یې و وېشئ، مهمه دا ده، چې و یې وېشئ.

که موټۍ دې له ملغلرو ډک وي، په ځمکه یې وکرئ، په دې اړه فکر مه کوئ، چې د چا تر پښو لاندې به کېږي، مهمه دا ده، چې تاسو ((شریکې)) کړې دي.

ساتل او جمع کول زړه مسموموي. احتکار که هر ډول وي زړه سختوي، خو که یې نورو وته وبښئ زړه به مو صفا شي.

کله، چې یو څه خلکو ته بښئ له مقابل کس څخه د ښو او ګټې تمه مه کوئ، که نه د دې لپاره، چې تا له خلکو سره یو څه شریک کړي اوس نو باید له تا څخه مننه وکړي، نه، هېڅ وخت هم په دې تمه مه اوسئ، د خدای شکر تا سو وباسئ، چې خدای پاک د دې څښتن کړئ، تر څو خپل شته او مینه له نورو سره شریکوئ او هغوی یې هم قبولي.

بښنه کول ښېګڼه او مینه ویشل تر ټولو ارزښتناک الهي او معنوي فضائل دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x