افغانستان

سعادت: د امریکا او افغانستان اړیکي د بادار او غلام اړیکي دي

نن ټکی اسیا (دوشنبه، وري ۲۳مه، ۱۳۹۵ل): د ټاکنیزو شکایاتو د کمیسیون مشر عبدالستار سعادت د جان کېرې په راتګ او د هغه پخپل سرې پرېکړه شرمېدلی دی.

سعات وروسته له هغه د شرم اظهار کوي چې تېره ورځ د مشرانو جرګې مشر هم د جان کېرې ډاګیزه لاسوهنه د خپل حکومت لپاره د شرم وړ وبلله او پر دې يې افسوس ښکاره کړ.

عبدالستار سعادت وايي چې له امریکا سره د افغانستان اړیکي د بادار او غلام ترمنځ اړیکې دي، چې د ده په وينا د یو انسان په توګه پرې شرمېږي.

عبدالستار سعادت چې له دولتي څوکۍ سره سره پر دولت د زغردو نیوکو له امله مشهور دی، د مشرانو جرګې د مشر دا موقف ستایلی چې د جان کېرې مداخله شرمناکه بللې ده.

نوموړي د پخواني ولسمشر حامد کرزي د واکمنۍ پر مهال ارګ کې د ننه هم د غلامۍ او بادارۍ یوه خاطره یاده کړې او ورسره يې د جان کېرې اوسنۍ پرېکړه او څرګنده مداخله شرمناکه بللې ده.

سعادت لیکلي: «زه ټولې نړۍ سره خصوصا متحده ايالاتو سره د ښو اړيکو پلوی يم او ننګه يې کوم. خو د بادار او غلامۍ په بڼه اړيکه د ننني جهان په ادبياتو کې ځای نه لري. زه يې هم د يوه انسان په توګه نه خوښوم او پرې شرمېږم.»

د امریکا د بهرنیو چارو وزیر جان کېرې د افغان حکومت دوه کلنه موده، له افغان اړخ، ولس یا هم پارلمان سره له مشورې پرته پخپله خوښه درې کاله نوره هم وغځوله.

ټاګونه

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالله

اوس پوه شوئ ؟؟؟

الحاج استا ذ بیانزی

دا چه سعادت او مسلمیار د امریکا په باداری اوس پوه شو او د ځان د پاره یی شرم ګڼی د هغو پر تله یی د احساس ستاینه او نماځنه کوی چه اوس هم ورته سجدی کوی ، او ځانو ته بیا هم خپلواک وایی ، مګر د سعادت او مسلمیار د شرم خبری داسی مثال لری چه تر اوسه ویده یا بی سواده وو ، بیا سعادت لا وایی چه زه د امریکا او ټولی نړی سره د شو اړیکو غوښتونکی یم مګر نه دا چه مونږ غلامان جوړ کړی د ده خبره داسی مثال لری لکه د چا… نور لوستل »

Back to top button
2
0
Would love your thoughts, please comment.x
()
x
Close
Close