شعـــــرونه

ارګ او سراچه: سميع الله تړون

سميع الله تړون

زما د کلي سراچه موټر د ارګ په څير دى
مخکنى سيټ يوه چوکۍ تقسيم په دوه نفره
او ډريور لکه جانکيرى واک يي ټول د ده دى
د دوهم سيټ سورلۍ څه ليرې څه نزدې کوزه شي
لکه د دى رنځور حکومت د وزيرانو شورا
چې ځينې غړي يې موده تر سره ورسوي
او ځينې غړي يې په نيمه لار له سيټه کوز شي
او د ډالې سورلۍ تياره پارلمان غوندې ده
چى د چا ډير ضرورت نه وي ورته نه ورخيژي
د سراچې څلور ټيرونه د ملت په څير دي
چى د دى ټولو بدبختيو بار په شا ګرځوي
خو ډريوره دومره برګې سترګې مه ګرځه نور
ته هم پردى يې او ليسنس دې هم جعلي دى ګوره
د دې ښارګوټي لويو لارو باندې مه ودريږه
ګوره طالب د ترافيک په شانته لارې څاري
درباندې پېښ به شي موټر نه به دې باد وباسي
استاده تا به له موټره هم برباد وباسي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x