نړۍ

الجزیرې خپل د امریکا چینل ته د پای ټکی کښېښود

نن ټکی اسیا (چهار شنبه، وري۲۵مه ۱۳۹۵ل): د الجزیرې تلویزوني شبکې د امریکا لپاره خپل د ځانګړی چېنل (الجزیره – امریکا) نشراتو ته د پای ټکی کښېښود.

دغه چېنل د امریکا د کیبل له لاري نشریات کول، خو د کتونکو د کموالي او لږو اعلاناتو له امله یې خپل نشرات نور بس کړه.

د الجزیرې شبکې چې مرکز یې د قطر هیواد په پلازمینه دوحه کې دی، او ملکیت یې ددغه هیواد د حاکمي کورنۍ دی، په خپل امریکايي چېنل ۵۰۰ ملیونه ډالر مصرف کړی وو، د کال ۲۰۱۳ د نیمۍ څخه یې لومړني نشریات پیل کړه، ۸۵۰ کسانو کار په کښي کوی، او د امریکا په مختلفو ایالتونو کې ۱۲ مرکزي دفترونه لرل.

په لومړیو ورځو کې داسي ګمان کېده چې الجزیره به د امریکا په کېبل مارکیټ کې د سي ان ان، فوکس نیوز او ام ان بي سي سره مقابله وکړي، خو درې کاله وروسته په خپل هدف کې ناکامه سوه.

الجزیره انګریزي چېنل لري چې د ټولي نړۍ خبرونه نشروي او یوازي تر امریکا ځان نه محدودوي، دغه چېنل د امریکا په شمول د نړۍ په ګوټ ګوټ کې کتل کیږي.

الجزیره د نړۍ په سطحه یو له لویو رسنیزو شبکو څخه شمېرل کیږي چې په زرګونو خلک کار په کښي کوي او د نړۍ په ډیرو هیوادونو کې خپل نمایندګۍ لري.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x