افغانستان

خيبرپښتونخوا کې د ورښتونو له امله د مړو شوو کسانو شمېر ۹۶ ته ورسېد

نن ټکی اسیا (چهارشنبه، وري ۲۵مه، ۱۳۹۵ ل): د پاکستان خيبرپښتونخو ايالت کې د اوسنيو پرله پسې ورښتونو او ځمکې ښوېدو له امله تر اوسه د مړو شوو کسانو شمېر ۹۶ ته پورته شو او لسګونه نور ټپيان دي.

طبعي پېښو سره د خيبرپښتونخوا د مبارزې اداره وايي، چې تر اوسه د دغو ورښتونو او ځمکې ښوېدو له امله د ښځو او ماشومانو په ګډون شپږ نوي کسان وژل شوي دي.

د يادې ادارې له قوله د بارانونو او سېلابونو له امله ۹۴۹ کورونه زيانمن شوي، په دغو کې ۲۳۶ کورونه په مکمله توګه له منځه تللي او د پاتې نورو کورونو ځينې برخې نړېدلي دي.

د خيبرپښتونخوا حکومت د ورښتونو او سېلابونو له امله د مړو شوو کورنيو ته درې درې لکه او ټپيانو ته يونيم يونيم لک روپيو د ورکولو اعلان کړی.

طبعي پېښو سره د مبارزې اداره وايي، چې د چا کورونه په مکمله توګه نړېدلي وي، يو يو لک او چې لږ زيانمن شوي وي، پنځوس پنځوس سره روپۍ ورکول کيږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x