افغانستان

طالبانو د بدخشان په وردوج کې د ښوونیز کال په مناسبت غونډه کړې

نن ټکی اسیا (شنبه، وري ۲۸مه، ۱۳۹۵ل): وروسته له هغه چې د طالبانو مشر پر خپلو جنګيالیو د ښوونیز بهیر اړوند د ښه کېدو ټینګار وکړ، طالبانو په ګڼو ولایتونو کې تشویقي پروګرامونه جوړ کړي دي.

تېره ورځ طالبانو د بدخشان په وردوج ولسواولۍ کې د ښوونځي له زده کوونکو او ښوونکو سره ګډه غونډه کړې، چې د دوی په وينا دا غونډه د اسلامي امارت د د تعليم او تربيې د مسوولینو په هڅو برابره شوې وه.

دغه غونډه چې د یادې ولسوالۍ د سید نجم الدین واثق په لېسه کې برابره شوې وه، سلګونو تنو پکې برخه اخیستې وه.

په سیمه کې طالب مشرانو د ښوونې او روزنې پر ارزښت خبرې وکړې او د ښوونیز بهیر کلک ملاتړ يې څرګند کړ.

په دې غونډه کې د سیمې قومي مخورو، علماوو او د پوهنې مينه والو برخه درلوده، چې د طالبانو دا اقدام يې وستایه او هرکلی يې وکړ.

وړاندې تر دې دولتي سرچينو خپل مخالفين د ښوونیز بهیر پر وړاندې لوی خنډ ګاڼه، خو طالبانو د نوي تعلیمي کال له پیل سره په جوزجان، کندوز، بادغیس او ګڼو نورو ولایتونو کې تشویقي غونډې جوړې کړې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x