شعـــــرونه

د پاکستان پولیس

عبدالمالک همت

خدای دي په لاس مه ورکوه ډېر دي ظالمان پولیس

دا د پاکستان پولیس

بند نه په قانون دي نه په شرع بې ایمان پولیس

دا د پاکستان پولیس

که ورغلې په ګیر –  سوې په لاس کي یې اسیر –  درته جوړ به کړی لوی ویر

چي څه دي وي په جېب کي درنه وړي یې شرمښان پولیس

دا د پاکستان پولیس

نه یې شرم نه حیا ښي   –  نه یې وېره له هیچا سي   – نه یې له لوړ ځایه پروا شي

پر سر دمېز واخلي رشوتونه لوچکان پولیس

دا د پاکستان پولیس

څه چي دي بدمعاشان   –   يا دي لوی قاچاقبران   –  دی د دوی ارتباطیان

عجبه یې لا دا چي خپله دی قاچاقبران پولیس

داد پاکستان پولیس

که تلې سم د خدای پر لار   – هیڅ دي نه و په چا کار  –  غریبي دي و روزګار

د ستر جنایتکار په څېر دي څاري جاسوسان پولیس

دا د پاکستان پولیس

او که وې مردم آزار  –  و په هر کار کي دي کار   –  ښه دي ګرم و بازار

له تا څخه ډېر خوش وي د ښکیلاک ځېره خواران پولیس

دا د پاکستان پولیس

لوی افسر به یې وایي تا ته  –  مړی وکړه برالاته –  خو پیسې راکړه و ماته

بیا ځه پر خپله تړه د قاتل دي پلویان پولیس

دا د پاکستان پولیس

د دوی کار نه امنیت دی  –   نه و خالکو ته خدمت دی  –  نه د نظم حفاظت دی

شوکمار.لوټمار او غله دي ناځوانان چاپه ماران پولیس

دا د پاکستان پولیس

ته به وایې چي دوه درې -خو حتما سم دي پکښې   –   چي کوي کار بې اسرې

دوه دري پکښې نادر دي نور دي ټول کیسه بران پولیس

دا د پاکستان پولیس

ددوی ټوله صفتونه  –  غواړي دېر ډېر تحقیقونه  –  څو په ډک سي کتابونه

په شعر د “همت” پېژندای نسي شیطانان پولیس

دا د پاکستان پولیس

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x