شعـــــرونه

وطنه د افغان – ترانه

afghan_boy_watching_cricket_match

عبدالروف قتيل خوږياڼى

وطنه د افغان

ډيوه د معرفت يې مونږه ستا يو پتنگان

وطنه د افغان – وطنه د افغان

په علم معرفت دې لوړساتو ښكلى نشان

وطنه د افغان – وطنه د افغان

***

ته كورد ننگيالو يې           ته كورد پتيالو يې

وحدت باندې به جوړ كړو ستا له ورانو گلستان

وطنه د افغان – وطنه د افغان

***

وحدت زمونږه كار دى     يـــــوالى مـو شعار دى

نفاق نه به ځان ساتو په يوه لار يو روان

وطنه د افغان – وطنه د افغان

***

ته گل يې ته گلشن يې    د پلار نيكــه مدفن يې

په پوهه به وطنه جوړوو افغانستان

وطنه د افغان – وطنه د افغان

***

مونږ ټول يو سره وروڼه       ته يې د ټولو خونه

((قتيل)) باندې وطنه له هر څه ځنې يې گران

وطنه د افغان – وطنه د افغان

۱۳۹۰،۶،۲۹

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x