نادري ناولده

ترکیې اسرائیلو ته د جاسوسۍ په تور نیولی مارغه خوشې کړ

325

ترکي ورځپاڼو لیکلي چې ددې هیواد چارواکو هغه مارغه خوشی کړی چې دوه میاشتې مخکې يې اسرائیلو ته د جاسوسۍ په تور نیولی وه.

دا کیسه هغه وخت پیل شوه چې کله د سوریې حدودو ته نږدې د ترکیې په یوه سیمه کې یو ترکي بزګر یو مارغه ولید چې په پښه کې یې اوسپنیزه کړۍ پرته وه، او د (۲۴۳۱۱ تل ابیب- اسرائیل) عبارت پرې لیکل شوی وه.

د سیمې اوسیدونکو تر نیولو وروسته ځايي چارواکو ته وسپاره.

ویل شوي چې دا مارغه د “باز” له نسله وه.

دې مارغه په ترکیه کې خپل دوه میاشتنی بند تر سختو طبي پلټنو لاندې تیر کړ، ترڅو معلومه شي چې ایا د بدن په کومه برخه کې یې بې اندازې کوچنۍ عکس اخیستونکي کامرې یا اواز ثبتوونکي آلات نصب دي او که نه.

خو د جمعې په ورځ ترکي چارواکو اعلان وکړ چې د X-Ray ماشینونو په واسطه د پرلپسې پلټنو نه وروسته په مارغه کې د څارګرۍ وسائل ونه موندل شول، او پرېښودل شو.

د یادونې وړ ده چې ورته پیښه د روان کال د جنوري په میاشت کې په مصر کې هم رامینځ ته شوې وه.

د مصر امنیتي کسانو یوه مرغۍ چې د کوترو له نسله ګڼل شوې نیولې وه. د مرغۍ په یوه پښه یو لیک تړل شوی وه او په بله پښه کې یې د انځور اخیستلو یوه ډیره کوچنۍ کاسیټ پرته وه.

د مصر امنیتي کسانو یاده مرغۍ او ورسره نیول شوي اسناد جنايي لابراتوار ته واستول خو د نتیجې په اړه یې تر دې دمه څه نه دي ویل شوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close