ټکنالوژي

مایکروسافټ ژباړوونکی کې د پام وړ ځانګړتیا زیاته شوه

نن ټکی اسیا (پنجشنبه، غويي ۲، ۱۳۹۵ل): د ټکنالوژي په دې دور کې د یوې ژبې متن بلې ژبې ته ژباړل دومره ګران کار نه او یوازې په انټرنټ کې ساده لټون په مرسته ترسره کیدلی شي.

په انټرنټ کې ډیر زیات داسې پاڼې او اپلکیشنونه شتون لري چې متن له یوې ژبې څخه بلې ژبې ته ژباړي. د ژباړې دغه پروسه کیدی شي د کاروونکو یوازې څو دقېقې وخت ونیسي.

خو په انټرنټ کې د ګوتو په شمیر داسې پاڼې او اپلکیشنونه شتون لري چې وکولی شي په تصویر کې لیکل شوی خط هم وژباړي. د ګوګل کمپنۍ د ژباړوونکی چې Google Translate نومیږي له څو کلونو څخه دغه کار عملي کوي.

د تصویر متن ژباړلو ځانګړتیا په ګوګل کې د Word Lens په نوم پیژندل کیږي او کاروونکو ته د دې وړتیا ورکوي چې په تصویرونو کې په نورو ژبو لیکل شوی متن وژباړي. Word Lens لومړی تصویر اسکن کوي او له هغې وروسته د متن معادل ژباړه کاروونکو ته وړاندې کوي.

د وروستیو راپورونو پر بنسټ د مایکروسافټ کمپنۍ هم توانیدلی خپل د ژباړې په اپلکیشن کې دغه ځانګړتیا زیاته کړي. د سافټ وییر دغه پیژندل شوی کمپنۍ په دې وروستیو کې خپل د ژباړې اپلکیشن ته نوی اپډیټ وړاندې کړی چې د هغې پر بنسټ دغه اپلکیشن به هم وتوانیږي په تصویرونو کې لیکل شوی متن وژباړي.

دغه اپلکیشن هم د ګوګل ته ورته کار کوي. کاروونکي باید خپل د موبایل کامره د تصویر پر متن تر هغې پورې ونیسي چې د کاروونکو د خوښې وړ ژباړه ورته وړاندې شي.

د اوس لپاره د مایکروسافټ ژباړوونکی د نړۍ له ۲۱ ژبو څخه ملاتړ کوي او داسې ډیزاین شوی چې په اتومات ډول د متن ژبه معلوموي او د کاروونکو د خوښې ژبې ته يي ژباړي.

باید وویل شي چې یوازې هغه کاروونکي چې د انډرایډ وروستی اپریټنګ سیسټم یعني انډرایډ مارشمالو يي په موبایلونو کې ښکته شوي وي ګټه پورته کولی شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x