پژواک اربکي آژانس

ما دا خبره اوریدلې وه  چې ( الکفر ملة واحده ) ټول کفر یو ملت دی ، خو دا نه وه رامعلومه  چې دکفارو محلي اجیران  هم تر خپل منځ ټول سره یو لاس دی ، ځکه ما فکرکاوو ، چې دغه محلي او وطني اجیران  یې لکه دوی چې وایي یوازې له کفارونه پیسې نغدوي ، نور له هغوی سره رښتینی کار نه  کوي ، مګر نن پوه شوم ، چې په حقیقت کې دکفر او صلیبي یرغل دخدمت ټولې لیکې دغاصبو یرغلګرو غوندې په یوه محور چورلي ، او دغه  ډوډۍ خواره  وطني مزدوران  یې هم اګر که  ترخپل منځ تربګنۍ لري خو  مظلوم اولس ته سره یو لاس دي .

تیره ورځ په  دزابل په شاجوی کې دامریکایي ټوپکي اجیرانو اربکیانو موټر په ماین وخوت ، لږ شیبه وروسته اربکیانو  دکلاخیلو په کلي برید وکړ او دماشومانو په ګډون یې  ۶ شپږتنه  دروژه ماتې په مهال په شهادت ورسول ، ګڼ نور یې ټپیان کړل او څو سپین ږیري یي سخت ووهل .

نن  مې پژواک اژانس  دهمدې خبر دکتلو لپاره  راخلاص کړ ، پژواک ددې په ځای چې دخپل شعار سره سم دپیښو هنداره واوسي ، او پیښه په رښتیني بڼه  لوستونکو ته وړاندې کړي ، یوازې یې هڅه کړې ، دخپلو بې جلبه اربکیانو وحشت  او ظلم ته  پرتوګ وکړي .

له همدې امله یې په خبر کې لیکلي  چې دروژې ماتې په مهال چاودنې په زابل کې   دمحلي پولیسو موټر الوزولی ، دری پولیس یې وژلي  ( دغه راز ۶ تنه ملکي خلک  یې هم وژلي ، او ګڼ نور یې ټپیان کړي دي )

سړی دې ته حیران شي چې دغه بې سترګو خبرلیکونکي دداسې ناموجهو درواغو په بادولو څرنګه دشرم احساس نه کوي ، ايا دامکان لري چې دروژه ماتي  په مهال دې  دکلي ماشومان او سپین ږیري  داربکیانو تر موټر تاو وي ، ترڅو په چاودنه کې تر اربکیانو زیات زیان ملکي خلکو ته ورسیږي ،  ته وا  اربکیان په خلکو سخت ګران دي او مینه ورسره لري ، اربکیان چې په کومه سیمه کې ښکاره شي ، نو ولسي خلک دلیونیو سپیانو په سترګه ورته ګوري چې دداړلو له ډاره ترې یوازې ځان ګوښه کوي ، بیا د روژه ماتې په مهال چې خلک په کورونو اوجوماتونو کې وي ، هیڅ عقل دا نه شي منلی چې خلک دې بهر دومره ګڼه ګوڼه رامنځته کړي .

ددې خبر له لیکلو نه دپژواک خیلو  مطلب دا نه دی ، چې دخپل خبري مسؤلیت سره سم خلک له پیښې خبر کړي ، بلکې ددوی مقصد دادی چې ددې ظالمانه پیښې په اړه دخلکو فکر ګمراه کړي ، او پيښه ورته غلطه تعبیر کړي .

نوځکه خو یې داسې شنه دروغ ویلي ، چې هرهوښیار ورباندې پوهیږي .

پژواک اژانس هم کټ مټ  دامریکایي اربکي پروژې  غوندې  دامریکایي کفارو په ډالرو چلیدونکی هغه اژانس دی ، چې په مطبوعاتي برخه کې داشغالګرانه اهدافو دپلي کولو لپاره جوړ شوی دی ، دا اژانس دیوه  غربي   اسلامي ضد خبري بنسټ IWPR  له محلي اجیرانو څخه رغول شوی ، دروغجن اژانس دی ، چې داکمال مسؤلیت یې امریکایي سفارت  په غاړه لري .

زما ښه یاد دي ، چې دلومړني افتتاح په مهال دپژواک خبري اژانس  دپرانیستۍ پټۍ دزلمي خلیل زاد لخوا غوڅه شوه ، او له هغه مهاله یې دامریکایي سفارت  دیوه خبري اورګان په حیث دنده پیل کړه .

پژواک اژانس  له لومړۍ ورځې څخه بیا تراوسه  دامریکایي داړه مارانو او دهغوی ملګرو  په ټولو هغو جنایاتو سترګې پټې کړي دي ، او یا یې په اړه ګمراه کوونکي دروغ ویلي چې دافغانستان په لراوبر کې روان دي ، ددې خبرې ترټولو نغد مثال همدا دشاجوی داربکي جنایت په اړه  دپژواک ښکرور دروغ دي ، چې غواړي دخپلو ټوپکي ملګرو پرده ورباندې وکړي .

پژواک خېل دې په پوه وي ، چې دوی په داسې ښکرورو دروغو سره یوازې  دغرب زده ګۍ پټ ماهیت رسوا کولای  او اولس ته ځان شرمولی شي ، نور به هیڅ هم ترلاسه نه کړي  ، ځکه دخبر څرنګوالی دپيښې ماهیت نه شي بدلولای.

دا چې پژواک اژانس په داسې مواردو کې دخپلو تمویلوونکو دګټو په خاطر په ډاګه  داولس دقاتلانو په خوا کې دریږي ، نو شاید په ولسي قضاوت کې  خبري اژانس نه بلکې ( پژواک اربکي اژانس ) وبلل شي .