شعـــــرونه

د غزل پیر: عرفان الله عرفاني

عرفان الله عرفاني

د زړه هندارو کې تصویر یمه زه
د عشق څاروان د عشق بهیر یمه زه

چې مین نه وي مزل نشي پرې کړای
په یبلو پښو اغزن مسیر یمه زه

زکه مې نن په ترنم شرنګوي
د مست جنون لاس کې زنځیر یمه زه

د کنعان خلک هم نن ما لټوي
د یوسفي خوبو تعبیر یمه زه

د مُعما وو حل او فصل کړای شم
د مغلق کلام تفسیر یمه زه

پټ په باطن کې لوی باد شاه یمه زه
هسې ظاهر باندې فقیر یمه زه

(عرفاني) راشه چې مرید دې کړمه
اوس خو کامل د غزل پیر یمه زه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x