افغانستان

کابل او ننګرهار کې سیلابونو درانه تلفات اړولي

د کابل د سروبي ولسوالۍ اوسېدونکي وایې، د تېرې ورځي د بارانونو له کبله راغلیو سیلابونو لسګونو کورنیو ته ځاني او مالي زیانونه اړولي.   
د دوی په وینا د سروبي  په ولسوالۍ  کې  راوتلو سیلابونو  په پایله کې  د مړو  شمیره چې ډېری یې ښځې او ماشومان دي، د ۹۰ تنو  څخه  واوښته  او په لسهاوو نور یې ژوبل کړي  دي د مړیو له ډلې کابو ۴۰ یې تر خاورو-خځلو لاندې موندل شوي او د نورو لټون روان دی. .
ویل کیږي سیلابونو  د سروبي ولسوالۍ پر بازار سربېره ورڅېرمه کلیو کې درانه زیانونه اړولی او په  سلهاوو کورونه يې ویجاړ  کړي  دي .
بل خوا داسې راپورونه هم شته چې ګنې په لسګونو نور خلک چې ښځې او ماشومان هم پکې شامل دي،تر دې مهاله ترې تم دي او د مرګ-ژوبلې هېڅ درک یې نشته.
د سروبي  یوه اوسېدونکي لعل محمد خبري رسنیو ته ویلي  دي  چې  سیلابونو  څلور کلي ویجاړ  کړي دي  او پدې  څلورو کلیو کې  د ۹۶ تنو  مړي د اوبو او خټو  څخه را ایستل شوي  دي. د نوموړي  په وینا  سیلابونو له ۴۰۰ زیات کورونه  ویجاړ  کړي دي.
بل پلو له ننګرهار څخه ترلاسه شوی خبر وایې،چې د سیلابونو له کبله د سره رود ولسوالۍ شاوخوا لسو تنو اوسېدونکیو خپل ژوند له لاسه ورکړی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x