شعـــــرونه

خلک وايي پسرلی دی – عبدالباري جهاني

خلک وايي پسرلی دی بدل سوی دی جهان
نوی کال نوی ملیار دی نوي نوي یې ګُلان

پر لمن د ګُلِ سُرخ به نوی سور بخمل غوړېږي
د کېږدیو لار به څاري خړ دښتونه زرغونېږي
د کوچۍ پېغلو تر پوندو بیا ګُلونه لاندي کېږي
بیابه راسي ګُل غونډۍ ته سور لښکر د ارغوان
نوی کال نوی ملیار دی نوي نوي یې ګُلان

بیابه توري وریځي راسي د حیات له اوبو ډکي
وچ کښتونه به خړوب سي بیابه پورته سي کالکي
پر ډنډونو به راخپور سي بیا د زاڼو سېل په شپه کي
بیابه ډلي ډلي وزي له کورو څخه ښکاریان
نوی کال نوی ملیار دی نوي نوي یې ګُلان

بیابه خړي اوبه راسي پاس له جګو جګو غرونو
له شېلو به رارسېږي آوازونه د سېلونو
پر هوارو به اوبه کړي شاړي مځکي د کلونو
وچي دښتي به خړوب کړي سخي سوی دی اسمان
نوی کال نوی ملیار دی نوي نوي یې ګُلان

د اتڼ نارې به اورو غوړي څڼي د زلمیو
د کوچیو پر لمنو به شرنګی وي د پاولیو
ګودرونه به وي ښکلي د پېغلوټو له منګیو
له جونګړو به سي پورته یکه زار او یه قربان
نوی کال نوی ملیار دی نوي نوي یې ګُلان

بیابه ډکي پیالې واخلو له ساقي څخه د مُلو
له نسیم سره به راسي کاروانونه د بلبلو
بوی د مشکو به سي پورته د پېغلوټو له کاکُلو
له حسده به ړانده سي غلیمان او رقیبان
نوی کال نوی ملیار دی نوي نوي یې ګُلان

ساقي ځه الله دي مل سه موږ ته ګوري ورځي توري
پسرلیه چي رانه سې زموږ په کور دي لمبې پوري
زموږ قلم تیاره لیکلي د قسمت پر تندي ستوُري
نه به زموږ نصیب زرغون کړې نه به وشړې زاغان
نوی کال نوی ملیار دی نوي نوي یې ګُلان

توپ د سولي نګهبان دی په ګولۍ خبري کېږي
ټانک د میني رویباري کړي په جونګړو کي غړومبېږي
پرښارونو لمبې ګرځي په بانډو کي اور بلېږي
تاته څنګه اتڼ وکړي په دې سره اور کي زلمیان
نوی کال نوی ملیار دی نوي نوي یې ګُلان

په هلمند کي جنازې دي له ارغنده وزي ساندي
جاله وان په زړه زخمي دی د کونړ څپې ژړاندي
کومي سترګي به دراوړي کومي خولې به درته خاندي
کوم بوډا به درته تېرکړي زموږ د غم د شپې داستان
نوی کال نوی ملیار دی نوي نوي یې ګُلان

اوس به څوک ځي ګُل غونډۍ ته چي پرون یې شهید ورور دی
پرونی غم یې سوړ نه وو نن یې نوی غم په کور دی
بوره مور اوتره ګرځي په زړګي کي یې بل اور دی
وايي بمب دی چا چاودلی پر سینه د کابل جان
نوی کال نوی ملیار دی نوي نوي یې ګُلان

بلا لنګه ده په ښار کي تور دېوان یې زېږولي
له وګړو لاري ورکي عزرایل کوڅې نیولي
ښار په ښار باندي ناورین دی کډي ځي کلي په کلي
نه په غره کي کراري سته نه په سمه کي امان
نوی کال نوی ملیار دی نوي نوي یې ګُلان

یوه ورځ به بیا یاران وي بیابه ورځي د کابل وي
چي نه اور په ښار کي بل وي نه د نجونو وران اوربل وي
هم پغمان په ګُلو بار وي هم ساقي راسره مل وي
خرابات وي مطربان وي شهبازونه وي غزل وي
نه بدي نه رنګ د وینو خلک ټوله سره خپل وي
د نارنج د ګُلو هار وي او سینه د انارګُل وي
ژړ ګُلونه دي په غاړه سره ګُلونه پر کاکُل وي
نور د خلکو څخه هېر وي د پردي واسکټ غازیان
نوی کال نوی ملیار دی نوي نوي یې ګُلان

خلک وايي پسرلی دی بدل سوی دی جهان
نوی کال نوی ملیار دی نوي نوي یې ګُلان.

عبدالباري جهاني
د ۱۳۹۵کال د ثور شپږمه، کابل، اکبرخان کېنه

ورته لیکنې

ګډون وکړئ
خبرتیا غوښتل د
guest
6 Comments
زړو
نویو ډیرو خوښو شویو
Inline Feedbacks
ټولې تبصرې کتل
ahmad

عبدالباری جهانی صاحب تا یوه ورځ ګیله کړی وه چی زه شعر لیکم خو خلک ما ته نا معقوله ویناوی لیکی اوس تا په دی خپل شعر ورستیو کرښو کی لیکی دی چی نور به دخلکو ویرشی دپردی واسکټ غازیان څه نور کاږه شیان هم لری خو خیر راځو همدا یوی مصرعی ته دی دا څنګه چی ته دپریو عسکرو تر ولکی لاندی وزیر اکبرخان کی ژوند کوی ځان درته وطنپال ښکاری او هغه مجاهدین چی دوطن دازادی دپاره خپله ښکلی ځوانی تر دین وطن او دخپلو خویندو تر عزت قربانوی هغه درته پردی ښکاری او دپردیو واسکټونو غازیان یی… نور لوستل »

ع انسان مل

ګرانه وروره احمد صاحب! جهاني صاحب ته دی دا دونه ډېري نوکاري ولي ورکړي دی! دادي منې که ښه کار کړی وي. د ده دغه شعر يوازي ما او تاته خوند نه راکوي، نورو خو هغه دي خوند پر اخيستی دی، که يې خوند نه وای پر اخيستی نو دا دونه کمينټونه يې ولي ورکول؟! زما په اند دې پردو ښه کار نه دی کړی چي جهاني صاحب يې وزير کړ. دی يې بايد په يوه خرابات خانه کي کښېنولی وای او مست مست شعرونه يې ويلای. او د ده پر شعرونو دغو خوند اخيستونکو ته يې چي تعداد يې… نور لوستل »

غوربندی

جهاني صیب

اوس نو له چا ګیله مکوه ځکه چې په خپلو بابولالو دې د ځوانانو ښکنځلو ته پخپله مببر پیدا کړ.

mayak khan

تاسو له جهاني صیب څخه ګیله ولې کوی جهاني صیب دهمدغه رنګه شعر په ویلو اولیکولو تر وزارت ورسیدی اودیوه وزیر لقب ئې پیدا کړکنه نو په یوه غربی رادیو کښې به تر نن پورې یو ویان یا شنونکی پاتې وو، البته زه جهاني صیب ته یو وړوکی شعر ډالی کوم چې جهاني له مستې نشې را بیدارکړي// دغه کوم ملي احساس دی دغه کومه آزادي ده// یوځل بیا دسره فرنګ ستا په کاله حکمراني د ه ـــــ دملت دقاتلانو دغلو په لوی بهیرکښې // ته خواخوږی دکاروان ئې څه نا آشنا مسلماني ده ــــــــــــ ستا د کو رله برج… نور لوستل »

محمد

ډیر ښه جواب ! ددغسی غلامانو او پردو ته د ایشل بازانو همدغه جواب وی – د انجونو په مینځ کی ناسته او نڅا غواړی په مریتوب نه شرمیږی کله خلقی کله بیا امریکا ته ډانس کوی د وطن او قوم پروا نه کوی

مجاهد او خپلواک اولس

غلامانو ایزمیانو ( کمونستانو ، نشنلستانو) د مظلوم اولس څخه د ناوړی استفادی د تر لاسه کولو د پاره ښکلی ملی یا اسلامی نومونه په خبیثو ځانو ايښی دی. که بریالتوب ته رسیدلی وی بیا به یی د رحمانوف او کریموف په شان نومونه او لا به یی د بوش او بلیر په شان نومونه ځانته خوښول. عبدلباری جهانی هم له دغه ډلی څخه دی په کار دا وه چه د برژنیف او لینن نومونه یی په ځان ایښی وی ، مګر دا چه پرژنیف ناکام شو د مستعمره هیوادون کمونستان موقع شناس وی ، روبل ختم شول نجیب بیجاره… نور لوستل »

Back to top button
6
0
Would love your thoughts, please comment.x
()
x