fbpx

د کمکي ماشوم اباسین قاتلین ونیول شول

نن ټکی اسیا (غويي ۱۰مه ۱۳۹۵ل): د نهه خویندو یواځينی ورور اباسین چې شاوخوا ۳ میاشتې وړاندې تښتول شوی او بیا په دې وروستیو کې وژل شوی و، تښتونکي او قاتلین یې نیول شوي دي.

د ملي امنیت عمومي ریاست د یوې خبرپاڼې په خپرولو سره ویلي ۱۴ کلن ماشوم د سړي تښتوونکو یوې ډلې ۵ میاشتې وړاندې تښتولی او بیا یې په شهادت رسولی و.

خبرپاڼې زیاته کړې چې د اباسین قاتلین دوی په کابل ښار کې ونیول او د دوی د اعتراف په پایله کې یې د نوموړي د مړي ځای هم وموندلو.

اباسین موده وړاندې تښتونکو وژلی و او بیا يې د خاک جبار ولسوالۍ په چینارکیلي سیمه کې خښ کړی و. امنیتي ځواکونو د تښتونکو پر مټ یاد ځای موندلی او د اباسین جسد یې له خاورو را ویستلی دی.

abasin murderer

تښتونکی دادنګ لونګ

هغه ویډیو چې د ملي امنیت له خوا خپره شوې د دادنګ لونګ په نوم یو تښتونکی اعتراف کوي چې شاهین، داوور عارف او محمد ولي ورته ویلي وو چې یو هلک یې مړ کړی، له دوی سره دې یوځای شي، دوی به پیسې ورکړي. «ما ویل چې مړ کړی مو دی، نو پیسې څه ډول اخلئ». تر دې وړاندې هم ورته ډيرې پېښې شوي چې سړي تښتونکو کس وژلی وي او له کورنۍ يې بیا هم پیسې اخېستي او مړی يې ورته سپارلی وي.

نن ټکی اسیا ته یو شمېر سرچېنو ویلي د داوور اصلي نوم داوود دی او اوس له ټولې کورنۍ سره کوم لوري ته تښتیدلی دی. یادې سرچېنې یو انځور هم نن ټکی اسیا ته رالېږلی خو تر دې دمه نن ټکی اسیا باوري نه ده چې یاد انځور د داوود دی یا د کوم بل کس.

سرچېنې دا هم ویلي چې تښتونکي پخوا نیول شوي وو او دوی ویل چې اباسین له داوود سره دی او که دوی پرېښودل شي، ماشوم به راپیدا کړي. «خو دا چې د پرېښودلو ضمانت یې د چا له وسه پوره نه و، ځکه پرېنښودل شول».

نن ټکی اسیا داسې راپورونه هم ترلاسه کړي چې یاد ماشوم د پکتیا په ځاځی اریوب ولسوالۍ کې هم څه موده ساتل شوی و او هغه مهال چې تښتونکو له ماشوم څخه ګوته پرې کړې وه، د دغې ولسوالۍ په علي سنګي کلي د یوه درملتون ډاکتر يې ګوته پاسمان کړې وه.

سرچېنې وايي چې د دغه ماشوم د قضیې اصلي عامل داوود (مشهور په داور) د فتح خان زوی دی چې پخوا د ځاځي اریوب ولسوالۍ کې د طالبانو تر واکمنۍ لاندې سیمه کې اوسېده خو اوس له سیمې د ټولې کورنۍ سره تښتیدلی دی.

ذبیح الله مجاهد پرون نن ټکی اسیا ته وویل چې دوی په خوست او پکتیا کې د سړي تښتونکو د نېولو او موندلو لپاره ډيرې هڅې وکړې خو یاد کسان په حکومتي سیمو کې وو.

په ټولنیزو رسنیو کې ډيری افغانان له قضايي چارواکو غوښتنه کوي چې د اباسین قاتلین په عام محضر کې اعدام کړي.

تر اوسه دا نه ده معلومه چې د نیول شوو اختطاف چیانو سره په امنیتي ارګانو کې د پټو کړیو ملاتړ په کومه کچه وه.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
مریم مسلم
میلمه
مریم مسلم

گمان می رانشی چی واکمن مفسدین دی په نوموړو قاتلینو مناسبه جزا تطبیق کړی ځکه مخکی له دی معلومه شوی چی د پغمان په شرموونکی پیښه کی بلعون بورا سیاف مداخله وکړه او د پیښی بعضی کسان یی د جزا څخه وژغورل